December 8, 2021, Wednesday

काँग्रेसका साढे तीन हजारबढी प्रतिनिधि चुनिए

काठमाडौं । नेपाली काँग्रेसको १४औँ महाधिवेशनअन्तर्गत देशभरबाट तीन हजार पाँच सयभन्दा बढी महाधिवेशन प्रतिनिधि चयन भएका छन् । १६५ निर्वाचन क्षेत्रमध्ये हालसम्म १३५ वटा निर्वाचन क्षेत्रबाट महाधिवेशन प्रतिनिधिको टुङ्गो लागेको पार्टीको केन्द्रीय निर्वाचन समितिका सचिव तथा अधिवक्ता जगन्नाथ श्रेष्ठले बताए ।

विधानअनुसार, हरेक निर्वाचन क्षेत्रबाट क्षेत्रीय प्रतिनिधिले आफूहरू मध्येबाट निर्वाचित गरेका २५ जना महाधिवेशन प्रतिनिधि र एक जना क्षेत्रीय सभापति गरेर २६ जना महाधिवेशनमा चुनिने व्यवस्था छ । अब ३० वटा निर्वाचन क्षेत्रबाट महाधिवेशन प्रतिनिधि चयन हुन बाँकी रहेको श्रेष्ठले बताए ।

ती क्षेत्रबाट महाधिवेशन प्रतिनिधि र क्षेत्रीय सभापतिमा २६ जनाको दरले ७८० जना महाधिवेशन प्रतिनिधि चयन हुन बाँकी छन् । केन्द्रीय कार्यसमितिका पदाधिकारी र केन्द्रीय सदस्य स्वतः महाधिवेशन प्रतिनिधि हुने भएकाले महाधिवेशन प्रतिनिधिले पार्टीका पदाधिकारी र केन्द्रीय सदस्य चयन गर्ने प्रावधान वैधानिक व्यवस्था छ ।

बर्दिया, बाँके, सप्तरी, सिरहामा बिहीबार क्षेत्रीय अधिवेशन गर्ने कार्यतालिका रहेको केन्द्रीय निर्वाचन समितिले जनाएको छ । सिन्धुपाल्चोक, धनुषा र महोत्तरीमा प्रदेश अधिवेशन प्रक्रिया सुरु छ । रसुवा, दार्चुला, धनकुटामा अधिवेशन प्रक्रिया सुरु गरिएको समितिले जनाएको छ । काँग्रेस महाधिवेशनमा क्रियाशील पत्रकारहरू महाधिवेशन प्रतिनिधिमा निर्वाचित भएका छन् ।

प्रधानमन्त्री शेरबहादुर देउवाका पूर्व प्रेस संयोजक गोविन्द परियार काठमाडौँ–६ बाट महाधिवेशन प्रतिनिधिमा निर्वाचित भएका छन् । नेपाल प्रेस युनियनका महासचिव अजयबाबु शिवाकोटी दोलखाबाट निर्वाचित भएका छन् ।

पत्रकार शङ्कर तिवारी नवलपुर–२ बाट, तारा थपलिया दोलखा, सिर्जना स्नेही बझाङ, हरि लम्साल र माया गौतम रुपन्देही, सरस्वती गुरुङ कास्की, माला पालुङ्गा ताप्लेजुङ, दिनेश सुनुवार गोरखा, दीपेन्द्र बान्तवा सङ्खुवासभा, जनकबहादुर शाही हुम्ला, गम्भीर विश्वकर्मा मनाङ, इन्द्र रिसाल स्याङ्जाबाट महाधिवेशन प्रतिनिधिमा निर्वाचित भएका छन्।

बाजुराबाट रिता शाही, झापाबाट लोकराज ढकाल, बाग्लुङबाट सकुन्तला शर्मा, दैलेखबाट खगेन्द्र सुनार र भूपेन्द्र शाही पनि महाधिवेशन प्रतिनिधिमा निर्वाचित भएको काँग्रेसले जनाएको छ ।

सम्बन्धित समाचार

कांग्रेस महाधिवेशन प्रतिनिधिको नामावली सार्वजनिक (सूचीसहित)
कांग्रेस महाधिवेशन प्रतिनिधिको नामावली सार्वजनिक (सूचीसहित)
  • २०७८ मंसिर ९, ०८: ४९: ३३

काठमाडौं । नेपाली कांग्रेसको केन्द्रीय महाधिवेशन प्रतिनिधिहरूको प्रारम्भिक नामावली सार्वजनिक भएको छ । कांग्रेस केन्द्रीय निर्वाचन समितिले ४ हजार ३...

दूरसञ्चार कम्पनीको प्रबन्ध निर्देशकका लागि विज्ञापन खुल्यो
दूरसञ्चार कम्पनीको प्रबन्ध निर्देशकका लागि विज्ञापन खुल्यो
  • २०७८ मंसिर ९, ०८: ४९: ३३

काठमाडौं । नेपाल दूरसञ्चार कम्पनी लिमिटेडको प्रबन्ध निर्देशक पदका लागि दरखास्त आह्वान खुल्ला गरिएको छ । सञ्चार तथा सूचना प्रविधि...

आज राम–सीता विवाह महोत्सव, जनकपुर सिंगारियाे
आज राम–सीता विवाह महोत्सव, जनकपुर सिंगारियाे
  • २०७८ मंसिर ९, ०८: ४९: ३३

काठमाडौं । अयोध्याका राजकुमार राम र मिथिलाका राजा जनककी छोरी सीता (जानकी) को बिहे भएको सम्झनामा आज विवाह पञ्चमी महोत्सव...