December 8, 2021, Wednesday

भारतीय प्रधानमन्त्रीको पुत्ला दहन घटनाप्रति गृहको आपत्तिः संलग्नमाथि कारबाहीको चेतावनी


काठमाडौं । गृह मन्त्रालयले भारतका प्रधानमन्त्री नरेन्द्र मोदीको पुत्ला जलाएको घटनाप्रति गम्भीर ध्यानाकर्षण भएको भन्दै छिमेकी देशका प्रधानमन्त्रीको प्रतिष्ठामा आँच आउने गरी पुत्ला दहन गरेकामा आपपित्त जनाएको छ।

गृह मन्त्रालयका प्रवक्ता फणीन्द्रमणि पोखरेलले आइतबार विज्ञप्ति जारी गर्दै मित्रराष्ट्रहरु विरुद्ध लक्षित हुने गतिविधि नियन्त्रण गर्न र त्यस्ता गतिविधिमा संलग्नलाई कारबाही गरिने चेतावनी दिइएको छ।

दार्चुलामा नेपाली नागरिक महाकाली नदि तर्ने क्रममा तुइनबाट खसेर नदिमा बेपत्ता भएको घटनालाई लिएर माधवकुमार नेपाल नेतृत्वको नेकपा एकीकृत समाजवादीको विद्यार्थी संगठनले शुक्रबार भारतीय प्रधानमन्त्री नरेन्द्र मोदीको प्रदर्शनीमार्गस्थित आरआर क्याम्पसअघि पुत्ला दहन गरेको थियो।

‘नेपाल सरकार सबै मित्रराष्ट्रहरुसँग पारस्परिक सम्बन्ध अझ प्रगाढ बनाउन चाहन्छ र नेपाली भूमिमा कुनै पनि राष्ट्रविरुद्धका गतिविधि हुन नदिने विषयमा कटिवद्ध छ। मित्रराष्ट्रहरुसँगको स्वाभिमान र सम्मानमा आँच आउने कुनै पनि क्रियाकलाप नगर्न सबैलाई आग्रह गरिन्छ’ मन्त्रालयले जारी गरेको विज्ञप्तिमा जनाइएको छ।

यसअघि मन्त्रालयले शुक्रबार विज्ञप्तिमार्फत विदेशी दातृ राष्ट्र र निकायको सहयोगमा संचालित विकास आयोजना प्रभावित हुने गरी गरिएका क्रियाकलापप्रति आपत्ति जनाउँदै त्यस्तो कार्यमा संलग्नलाई कानून बमोजिम कारबाही गर्ने चेतावनी दिएको थियो ।

सम्बन्धित समाचार

कांग्रेस महाधिवेशन प्रतिनिधिको नामावली सार्वजनिक (सूचीसहित)
कांग्रेस महाधिवेशन प्रतिनिधिको नामावली सार्वजनिक (सूचीसहित)
  • २०७८ भाद्र २०, १४: ५४: १४

काठमाडौं । नेपाली कांग्रेसको केन्द्रीय महाधिवेशन प्रतिनिधिहरूको प्रारम्भिक नामावली सार्वजनिक भएको छ । कांग्रेस केन्द्रीय निर्वाचन समितिले ४ हजार ३...

दूरसञ्चार कम्पनीको प्रबन्ध निर्देशकका लागि विज्ञापन खुल्यो
दूरसञ्चार कम्पनीको प्रबन्ध निर्देशकका लागि विज्ञापन खुल्यो
  • २०७८ भाद्र २०, १४: ५४: १४

काठमाडौं । नेपाल दूरसञ्चार कम्पनी लिमिटेडको प्रबन्ध निर्देशक पदका लागि दरखास्त आह्वान खुल्ला गरिएको छ । सञ्चार तथा सूचना प्रविधि...

आज राम–सीता विवाह महोत्सव, जनकपुर सिंगारियाे
आज राम–सीता विवाह महोत्सव, जनकपुर सिंगारियाे
  • २०७८ भाद्र २०, १४: ५४: १४

काठमाडौं । अयोध्याका राजकुमार राम र मिथिलाका राजा जनककी छोरी सीता (जानकी) को बिहे भएको सम्झनामा आज विवाह पञ्चमी महोत्सव...