February 26, 2021, Friday

लिसो जस्तै माओवादी मन्त्रीहरु

काठमाडौं । नेकपा माओवादी केन्द्रका मन्त्रीहरु तत्काल सरकारबाट नबाहिरिने भएका छन् । उनीहरु पार्टीको नीति अनुसार सरकारमा लिसो टाँसिए जस्तै टाँसिएर बसेका छन् । चुनावमा सरकारी स्रोत र साधनको दुरुपयोग गर्नका लागि मन्त्रालयको जिम्मेवारी नै नदिँदा समेत लाज पचाएर सरकारमा टाँसिरहेका छन् ।

माओवादी केन्द्रले एमालेसँग चुनावी तालमेल गरेर वाम गठबन्धन बनाएपछि प्रधानमन्त्री शेरबहादुर देउवाले माओवादीबाट सरकारमा सहभागी सबै मन्त्रीलाई विनाविभागीय बनाएका थिए । माओवादी केन्द्रले कात्तिक ५ गते सरकारलाई दिएको समर्थन फिर्ता लिने र सरकारबाट आफ्ना मन्त्रीहरु बाहिरिने अन्तिम निर्णय गरे पनि निर्वाचनप्रति सरकारले षड्यन्त्र गर्न लागेको भन्दै सरकारमा नै बसिरहेका छन् । तर माओवादीका अधिकांश मन्त्रीहरु निर्वाचन अभियानमा जुटेकाले निर्वाचनअघिसम्म बिनाविभागीय कै हैसियतमा भए पनि सरकारमा रहने भएका हुन् ।
सत्ताको लोभमा बिनाविभागीय भएर बस्दा आसन्न निर्वाचनमा यसले कस्तो असर पार्छ भन्ने हेक्कासमेत माओवादीका मन्त्रीहरूले राखेको देखि“दैन । अहिले बिनाविभागीय मन्त्रीमा रहेको प्रायः सबैले आसन्न प्रदेश र प्रतिनिधिसभाको निर्वाचनमा उम्मेदवारी दिएका छन् । माओवादीका तर्फबाट आफ्ना मन्त्रीहरूको नेतृत्व गर्दै देउवा सरकारमा सहभागी भएका उपप्रधान तथा परराष्ट्रमन्त्री कृष्णबहादुर महरा, गृहमन्त्री जनार्दन शर्मा र ऊर्जामन्त्री महेन्द्रबहादुर शाहीलगायतका १७ जना माओवादी मन्त्रीहरू बिनाविभागीय छन् । बोलीको ठेगान नभएका प्रचण्डले दोस्रो चरणको निर्वाचनको उम्मेद्वारी दर्तासँगै आफ्ना मन्त्रीहरुले सरकार छाड्ने बताए पनि माओवादी मन्त्री अझै सरकारमै छन् ।

सम्बन्धित समाचार

चिनियाँ र भारतीय राजदूतले भेटे कांग्रेस सभापति देउवालाई
चिनियाँ र भारतीय राजदूतले भेटे कांग्रेस सभापति देउवालाई
  • २०७४ कार्तिक २३, १०: ३७: ४८

नयाँ बिकल्पकाठमाडौँ – प्रतिनिधि सभा पुनःस्थापना भएपछि नयाँ सरकार गठनको चर्चा चलिरहेका बेला नेपालको उत्तरी छिमेकी देश चीन र दक्षिणी...

मस्तिष्क पक्षघात भएका जोशीको शल्यक्रिया गरी एमआइसीयूमा उपचार हुँदै, अवस्था गम्भीर
मस्तिष्क पक्षघात भएका जोशीको शल्यक्रिया गरी एमआइसीयूमा उपचार हुँदै, अवस्था गम्भीर
  • २०७४ कार्तिक २३, १०: ३७: ४८

नयाँ बिकल्प,काठमाडौं – शुक्रबार राति नै अस्वस्थ भई बीर अस्पताल लगिएका नेपाली कांग्रेसका केन्द्रीय सदस्य तथा पूर्व मन्त्री नविन्द्रराज जोशीलाई...

नेकपा संसदिय दलकाे प्रमुख सचेतकबाट देव गुरूङ हटाईए
नेकपा संसदिय दलकाे प्रमुख सचेतकबाट देव गुरूङ हटाईए
  • २०७४ कार्तिक २३, १०: ३७: ४८

नयाँ विकल्पकाठमाडाैं- प्रधानमन्त्री तथा नेपाल कम्यूनिष्ट पार्टीका संसदिय दलका नेता केपी शर्मा ओलीले प्रमुख सचेतक देव गुरुङलाई प्रमुख सचेतकबाट हटाएका...

भर्खरै

TOP