May 18, 2021, Tuesday

बामगठबन्धनभित्र नेपाल–खनाल पाखा

आगामी प्रदेशसभा र प्रतिनीधिसभा सदस्य निर्वाचनमा एमाले र माओवादीका बीचमा गठबन्धन गर्दै भविश्यमा पार्टी एकता हुने भएपछि एमालेका शीर्ष नेताद्वय माधवकुमार नेपाल र झलनाथ खनाल पाखा लाग्ने भएका छन् । नेकपा एमालेमा १५ वर्षसम्म महासचिव, पार्टी अध्यक्ष र प्रधानमन्त्री बनेका नेपाल संसदीय निर्वाचनमा ४ पटक विजयी बनेका व्यक्ति हुन् भने ४ पटकसम्म संसदीय निर्वाचन जितेर छोटो समय (६ महिना) प्रधानमन्त्री बन्न झलनाथ खनाल समेत सफल भएका थिए ।

एमालेको नवौं महाधिवेशनमा अध्यक्ष केपी ओलीसँग अध्यक्ष पदमा पराजित भएका नेपाल एमालेभित्र भद्र र शालीन नेताका रुपमा चिनिने परिचित छन् । एमाले अध्यक्ष ओलीले आफ्नो स्वार्थ पूरा गर्न सत्तामा पुग्नका लागि माओवादी केन्द्रका अध्यक्ष पुष्पकमल दाहालसँग वामएकताका नाममा गठबन्धन बनाई नेपाल र खनाललाई पाखा लगाउने पार्टीभित्रै आरोप लाग्न थालेको छ ।


वामपन्थीहरुको गठबन्धन बनाएर मुलुकमा अधिनायकवाद र साम्यवाद लाद्न खोजिएको भन्दै एमालेभित्रै असन्तुष्टी बढेको समचार स्रोतले जानकारी दिएको छ । अध्यक्ष ओली प्रधानमन्त्री र माओवादी केन्द्रका अध्यक्ष दाहाल राष्ट्रपति वा अध्यक्ष बन्ने गोप्य सहमति भएको समाचारमा जनाइएको छ । राजनीतिमा चतुर मानिने ओली र दाहालको एकताभित्र लुकेको रहस्य भनेको नेपाल र खनाललाई तह लगाउनु पनि भएको राजनीति क्षेत्रमा चर्चा हुन थालेको छ ।
राजनीतिक स्थायित्व, आर्थिक सम्वृद्धि र राष्ट्रवाद एवं स्वाभिमानपूर्ण समाजको निर्माणका लागि घ्यू बेचुवा र तरवार बेचुवाले एकता दीर्घकालसम्म नरहने जानकारहरुले बताएका छन् । वामगठबन्धनमा ओली र दाहालको दादागिरी बढ्ने भएकाले पार्टीमा त्याग गरेका नेपाल र खनालजस्ता नेताहरु ओझेलमा पर्ने ठोकुवा वाम राजनीतिका विश्लेषकहरुले गरेका छन् । यद्यपी टिकट वितरणमा समेत नेला पक्षलाई पाखा लगाउने कामबाट नेपाल पक्ष निकै कमजोर भएको महसुस नेपाल पक्षका नेताहरुको रहेको छ ।
यसैबीच एमाले अध्यक्ष ओलीले काठमाडौं–२ बाट नेपाललाई र माओवादी केन्द्रका अध्यक्ष दाहालले गोरखा–२ बाट नारायणकाजी श्रेष्ठलाई हराई गठबन्धनमा एकलौटी रजाई गर्ने अभियानमा जुटेको बताइन्छ । त्यही अभियान अन्तरगत ओलीका विश्वास पात्र इश्वर पोखरेल नेता नेपाललाई हराउनका लागि लागिपरेका थिए । सुरुमा पोखरेल निटक व्यक्ती नै माधव नेपालका विरुद्धमा वागी उम्मेदवारी समेत दर्ता गराएका थिए ।

सम्बन्धित समाचार

माधव नेपाललाई भेट्न कोटेश्वर पुगे गृहमन्त्री बादल
माधव नेपाललाई भेट्न कोटेश्वर पुगे गृहमन्त्री बादल
  • २०७४ मंसिर ४, ०९: १७: ०८

नयाँ विकल्प, काठमाडाैं- दुई दिनपछि हुन लागेको राष्ट्रिय सभा सदस्यको उपचुनावमा उम्मेदवार बनेका गृहमन्त्री रामबहादुर थापा ‘बादल’ नेकपा एमालेका वरिष्ठ...

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७४ मंसिर ४, ०९: १७: ०८

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७४ मंसिर ४, ०९: १७: ०८

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

भर्खरै

TOP