May 6, 2021, Thursday

आफैलाई भोट हाल्न नपाउने अभागी उम्मेदवारहरु

काठमाडौं । संवैधानिक व्यवस्थाअनुसार प्रतिनिधिसभा र प्रदेशसभा एक निर्वाचन क्षेत्रभन्दा बढीबाट उम्मेदवारी दिन पाइँदैन । यसअघि केही शीर्ष नेताले दुई स्थानबाट उम्मेदवारी दिने गरेकामा यस पटक कानुनी अंकुशका कारण एक निर्वाचन क्षेत्रबाट मात्रै उम्मेदवारी दिएका छन् । केही नेताले आफ्नो मतदाता नामावली भएको जिल्ला र क्षेत्रभन्दा बाहिरबाट चुनावमा प्रतिस्पर्धा गर्दै छन् ।

निर्वाचन क्षेत्रभन्दा बाहिर गएर प्रतिस्पर्धा गर्ने उम्मेदवारले यो पटक आफैलाई मतदान गर्न नपाउने भएका छन् । नेकपा एमालेका अध्यक्ष केपी शर्मा ओलीले गएको स्थानीय निर्वाचनमा आफ्नो मतदाता नामावली भक्तपुरमा सारेका कारण उनले आफैलाई मतदान गर्न पाउदैनन् । उनी झापा– ५ बाट उम्मेदवार छन् । ओली अहिले सूर्यविनायक नगरपालिकाका मतदाता हुन् । त्यस्तै, एमालेकै वरिष्ठ नेता माधवकुमार नेपाल रौतहटको गौर नगरपालिकामा मतदाता हुन् ।

तर, उनी काठमाडौँ २ बाट उम्मेदवार भएकोले उनले पनि आफैँलाई मत दिन पाउदैनन् । काठमाडौँ १ बाट निर्वाचनमा प्रतिस्पर्धा गर्न लागेका नेकपा माओवादी केन्द्रका युवा नेता अनिल शर्माको मतदाता नामावली रुकुममा छ । तर, शर्मा काठमाडौँको चुनावी मैदानमा भएका कारण आफूलाई भोट दिन नपाउने भएका छन् ।

त्यसैगरी, काठमाडौँ २ का मतदाता रहेका पूर्वसभामुख दमननाथ ढुङ्गाना यस पटक नेपाली काँग्रेसको तर्फबाट भक्तपुर २ मा चुनावी मैदानमा छन् । उनले पनि आफैलाई मत दिन पाउदैनन् । रोल्पा नगरपालिकामा मतदाता रहेका माओवादी केन्द्रका नेता कृष्णबहादुर महरा पनि दाङबाट चुनाव लड्दै छन् । महराले पनि आफैलाई मतदान गर्न पाउदैनन् । महरा दाङ २ मा वाम गठबन्धनका तर्फबाट उम्मेदवार छन् ।
काठमाडौँ ६ का मतदाता रहेका माओवादी केन्द्रका नेता हितमान शाक्य पनि अहिले काठमाडौँ १० को चुनावी मैदानमा छन् । उनी पनि आफैलाई मतदान गर्न नपाउने अभागी उम्मेद्वारको सूचीमा पर्दछन् ।

त्यस्तै, एमाले पोलिटब्युरो सदस्य पशुपति चौलागाईँ पनि यस पटक आफ्नो क्षेत्रमा उम्मेदवार छन् चौलागाईं यस पटक प्रदेशसभाको ‘ख’बाट चुनावी मैदानमा छन् तर उनको मतदाता नामावली प्रदेशसभाको ‘क’मा पर्छ ।

राष्ट्रिय जनता पार्टीका अध्यक्ष मण्डलका संयोजक महन्थ ठाकुरको मतदाता नामावली सर्लाहीको बलरा नगरपालिकामा छ । ठाकुर यस पटक महोत्तरी ३ बाट चुनावमा प्रतिस्पर्धा गर्दै छन् । यस्तै सर्लाहीको चन्द्रनगर गाउँपालिकाका मतदाता रहेका राजपा नेता राजेन्द्र महतो धनुषाबाट निर्वाचनमा प्रतिस्पर्धा गर्दै छन् । यी दुवैले आफुलाई भोट दिन पाउदैनन् ।

एमाले सचिव योगेश भट्टराई यस पटक काठमाडौँबाट ताप्लेजुङमा उम्मेदवार बनेका छन् । काठमाडौँ ६ का मतदाता भट्टराईले स्थानीय निर्वाचनमा डिल्लीबजार कन्या क्याम्पसबाट मतदान गरेका थिए । उनको नामावली काठमाडौँमै रहेकोले उनले पनि आफूलाई मतदान गर्न पाउदैनन् ।

उता, माओवादी केन्द्रका नेता देव गुरुङको मतदाता नामावली मनाङको नासोङ गाउँपालिकामा छ । तर प्रतिनिधिसभामा गुरुङ लमजुङबाट प्रतिस्पर्धामा गर्दै हुनुहुन्छ । गुरुङले पनि आफूले आफैलाई मत दिन पाउँदैनन् ।

सम्बन्धित समाचार

पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
  • २०७४ कार्तिक २३, ०९: ४२: ०८

नयाँ विकल्प, काठमाडाैं- देशभर पछिल्लो २४ घण्टामा गरिएकाे परिक्षणमा ९०७० जनामा कोरोना भाइरस संक्रमण पुष्टि भएको छ । स्वास्थ्य तथा...

गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
  • २०७४ कार्तिक २३, ०९: ४२: ०८

नयाँ विकल्प, काठमाडाैं-गण्डकी प्रदेश सरकारविरुद्ध विपक्षी दलहरुले ल्याएको अविश्वास प्रस्तावमा वैशाख २७ गते मतदान हुने भएको छ। प्रदेश सभा संचालनका...

वरिष्ठ गायक तथा संगीतकार प्रेमध्वज प्रधानको निधन
वरिष्ठ गायक तथा संगीतकार प्रेमध्वज प्रधानको निधन
  • २०७४ कार्तिक २३, ०९: ४२: ०८

नयाँ विकल्प, काठमाडाैं-गायक तथा संगीतकार प्रेमध्वज प्रधानको निधन भएको छ। काठमाडौंको सुन्धारास्थित न्युरो अस्पतालमा उपचारको क्रमा बिहीबार दिउँसो उनको निधन...

भर्खरै

TOP