May 10, 2021, Monday

शेरधनलाई मुख्यमन्त्री बनाउने बाटो खुल्यो

बिराटनगर । एक नम्बर प्रदेशको पहिलो बैठक कहाँ राख्ने भन्नेबारे अन्योल देखिएको छ । सरकारले स्थान नतोकिदिएकाले पहिलो बैठकस्थलका बारेमा अन्योल देखिएको हो । मोरङको सुन्दरहरैंचा नगरपालिकास्थित गोठगाउँमा प्रदेशको अस्थायी कार्यालय बस्ने चर्चा छ ।

केहीले बिराटनगरमै प्रदेशसभाको बैठक बस्ने बताइरहेका छन् । तर, अहिलेसम्म बैठकस्थल टुंगो लागेको छैन ।
शहरी विकास मन्त्रालयका सहसचिव शम्भु केसीले एक नम्बर प्रदेशको पहिलो बैठक राख्ने स्थानका बारेमा टुङ्गो नलागिसकेको बताए । ‘धनकुटा, धरान, बिराटनगर लगायतका धेरै स्थानका विषयमा कुरा आएको छ अहिले पनि छलफलकै चरणमा टुङ्गोमा पुगिसकेको छैन ।’

निर्वाचन आयोगले चुनावको अन्तिम परिणाम सार्वजनिक गरेको २० दिन भित्र प्रदेश सभाको बैठक बस्नुपर्ने संविधानको धारा १८३ मा व्यवस्था छ । निर्वाचनको अन्तिम मत परिणाम सार्वजनिक हुने क्रममा रहेकाले सम्भवतः आगामी पुसको दोस्रो साताभित्रै प्रदेशको पहिलो बैठक हुनेछ । तर, सरकारले त्यसका लागि स्थान अहिलेसम्म तोक्न सकेको छैन ।

सरकारले शहरी विकास मन्त्रालयलाई प्रदेशसभाको बैठकका लागि उपयुतm भौतिक पूर्वाधार भएका भवनका लागि अध्ययन गरी प्रतिवेदन सरकारलाई वुझाउन एक कार्यदल गठन गरेको थियो । कार्यदलले क्षेत्रीय डिभिजन कार्यालयको सहयोगमा अध्ययन गरेको थियो । कार्यदलले पहिलो प्रदेशसभाको बैठकका लागि मोरङसहित सुनसरी र धनकुटा जिल्लाका विभिन्न सरकारी भवनको अध्ययन गरेको थियो । जसमा पहिलो प्रदेश सभाको बैठक बस्नका लागि भौतिक संरचनाको हिसावमा मोरङ उपयुक्त रहने ठहर भने कार्यदलले गरेको थियो ।

कार्यदलले मोरङको गोठगाउँस्थित पूर्वाञ्चल विश्वविद्यालय, विराटनगरस्थित क्षेत्रीय कृषि विकासको कार्यालय वा वीरेन्द्र सभा गृह उपयुक्त स्थानका रुपमा छनौट गरेको थियो । तर, अहिलेसम्म ती स्थानमध्ये कहाँ प्रदेश सभा राख्ने भने टुङ्गो सरकारले लगाएको छैन ।

मोरङका प्रमुख जिल्ला अधिकारी रामप्रसाद आर्चायले प्रदेश सभाको पहिलो बैठकका लागि स्थान तोकेर नीतिगत निर्णय सरकारको आई नसकेको बताए । उनले सरकारले त्यसको टुङ्गो लगाउने भएकाले आफूलाई यसबारेमा कुनै जानकारी नभएको वताए ।

एक नम्वर प्रदेशमा प्रत्यक्षतर्फ ५६ सिट र समानुपातिक तर्फ ३६ गरी कुल ९२ संख्या रहनेछ । करिव १ सय जना अटाउने क्षमताको भौतिक संरचना प्रदेश सभाको पहिलो बैठकका लागि आवश्य पर्नेछ ।

सम्बन्धित समाचार

नेपाल-खनाल समुह बैठकः   ओलीलाई  विश्वासकाे मत नदिने निर्णय
नेपाल-खनाल समुह बैठकः ओलीलाई विश्वासकाे मत नदिने निर्णय
  • २०७४ मंसिर २६, १०: ४८: २७

नयाँ विकल्प काठमाडाैं- प्रधानमन्त्री केपी शर्मा ओलीले विश्वासकाे मत लिने बैठकमा नेकपा एमालेकाे माधव कुमार नेपाल- झलनाथ खनाल समुहले बहिस्कार...

एसईई र कक्षा १२ को परीक्षा स्थगित
एसईई र कक्षा १२ को परीक्षा स्थगित
  • २०७४ मंसिर २६, १०: ४८: २७

नयाँ विकल्प, काठमाडाैं-यस वर्षको एसईई र कक्षा १२ को परीक्षा स्थगित भएको छ । राष्ट्रिय परीक्षा बोर्डको सोमबार बसेको भर्चुअल...

नेपाल- खनाल समुहका सांसदहरुको बैठक सिंहदरबारमा सुरु
नेपाल- खनाल समुहका सांसदहरुको बैठक सिंहदरबारमा सुरु
  • २०७४ मंसिर २६, १०: ४८: २७

नयाँ विकल्प, काठमाडाैैं- नेकपा(एमाले) माधव नेपाल–झलनाथ खनाल निकट सांसदहरुको बैठक सुरु भएको छ । संघीय संसद सचिवालय सिंहदरबारमा सुरु भएको...

भर्खरै

TOP