May 18, 2021, Tuesday

नारायणगढ–मुग्लिन खण्डमा पुल बन्दै

नारायणगढ–मुग्लिन सडक खण्डमा धमाधम पुल निर्माण हुने भएको छ । त्यस स्थानमा १८ वटा नयाँ पुल बन्ने भएको छ भने चार वटा ठूला पुलको निर्माण कार्य भने सुरु भएको छ । आउँदो दुई वर्ष भित्र १८ वटा नयाँ पुल बनाइने भएको हो । सडक खण्डमा भएको पुल साँघुरा र जीर्ण भएका कारण सबै पुल नयाँ बनाउन लागिएको आयोजना लागि परेको छ ।

सडक निर्माणको जिम्मा पाएका निर्माण कम्पनीलाई नै पुल निर्माणको जिम्मा दिइएको छ । सडक निर्माणको लागि थपिएको अन्तिम पटकको म्याद सकिन तीन महिना बाँकी हुँदा तिनै ठेकेदारले सडक खण्डका पुल निर्माणको जिम्मा पाएका छन् ।

नारायणगढ मुग्लिन सडकखण्डमा चार वटा पुल निर्माणका लागि दुईवटा कम्पनी लामा कन्स्ट्रक्सन र रौताहा निर्माणसँग सम्झौता गरी काम सुरु भएको छ । आयोजनाका सूचना अधिकारी शिव खनालले सबै पुलका लागि नक्साङ्कनको काम भइरहेको बताउनुभएको छ । निर्माण सुरु भएका चार वटा पुलमा नारायणगढबाट १२ किलोमिटर दासढुङ्गा, १६ किलोमिटर खानी पुल, २२ किलोमिटर मौरी पुल र २९ किलोमिटर जलबिरे रहेका छन् । सडक खण्डमा ६ मिटर मात्र चौडा रहेको पुललाई ११ मिटर चौडाको निर्माण गरिने भएको छ । २१ महिनाभित्र निर्माण गरिसक्नुपर्ने पुलको निर्माणको काम सक्नुपर्ने छ ।

पुलको दुबै छेउमा १ दशमलव ५ मिटरका दरले फुटपाथ रहने छ । पुराना पुलहरुलाई मर्मत गरी आवत–जावत गर्न मिल्ने अवस्थामा राखिने र बीचको भागबाट दुईवटा गाडी एकसाथ आवत–जावत गर्न सक्ने छ । पुल निर्माणको लागि लाग्ने रकम मध्ये आधा रकम नेपाल सरकार र आधा रकम विश्व बैंकले लगानी गर्नेछन् ।

अन्य तीन पुलको जम्मा निर्माण लागत १३ करोड रहेको छ । ३ वटा पुल निर्माणको जिम्मा लामा कन्सट्रक्सनले पाएको छ । जलविरे पुल १४ करोडमा ठेक्का दिइएको छ । जलविरे पुल ८० मिटर लामो हुनेछ । जलवीरे पुल निर्माणको ठेक्का सोही खण्डमा सडक निर्माण गरिरहेको सुप्रिम रौताहा जेभीमध्ये नेपाली कम्पनी रौताहाले पाएको छ ।

एक भाग निर्माणको जिम्वेवारी पाएको अर्को रौताहा कम्पनीले नै पुल निर्माणको पनि काम पाएको छ । प्रगतिको तथ्यांकलाई हेर्दा रौताह कम्पनी सबै भन्दा ढिलो काम गर्ने कम्पनीको रुपमा रहेको छ । नारायणगढको आँपटारीदेखि मुग्लिनसम्म दूरी ३३.२ किलोमिटर छ । विश्व बैंकको २ अर्ब ९० करोड आर्थिक सहयोगमा २०७२ बैशाखबाट यो सडक बिस्तारको काम थालिएको हो ।

एसियन हाइवे अन्तर्गतको ‘ए एचटू’ खण्ड अन्तर्गत नारायणगढ–मुग्लिन सडक पर्दछ । गुणस्तरीय सडक निर्माण गर्ने उद्देश्यले यो सडक विस्तार थालिएको हो । वि.स. २०३६ सालमा नारायणगढलाई गोरखासँग जोड्न चीन सरकारको सहयोगमा यो सडक निर्माण भएको थियो । अहिले नारायणगढ आँपटारीदेखि पश्चिम १६ किलोमिटरसम्म ११ मिटर र १६ किलोमिटरदेखि मुग्लिनसम्म नौ मिटर चौडा गर्ने गरी ३ ठेकेदार कम्पनीले काम गरीरहेका छन् ।

सम्बन्धित समाचार

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७४ माघ ११, १०: ५९: ४७

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७४ माघ ११, १०: ५९: ४७

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

कोरोना संक्रमणबाट सप्तकोशी नगरपालिकाकी उपमेयर चाैधरीको निधन
कोरोना संक्रमणबाट सप्तकोशी नगरपालिकाकी उपमेयर चाैधरीको निधन
  • २०७४ माघ ११, १०: ५९: ४७

नयाँ विकल्प, काठमाडाैं-सप्तरीको सप्तकोशी नगरपालिकाकी उपप्रमुख आशा चौधरीको कोरोना संक्रमणले मृत्यु भएको छ। विराटनगरस्थित विराट नर्सिङहोममा उपचाररत उनको अस्पतालमै आज...

भर्खरै

TOP