May 10, 2021, Monday

कम्पनी आमा र टिचिङ्ग अस्पताल

कविता: कवि ः माधव साधक

परियारमिठाराम गुरु मात्रै होइन मेरा महागुरु ।
उहाँकै सुझाव पछ्याएर हिड्छु खुरु खुरु ।।

पार्किङ्ग गर्न सिकउनुभो मलाई धेरै कुरा ।
दुई हप्तामै सक्षम मलाई बनाउनुभयो पूरा ।।

लक्ष्मण गुरु दयामयी साक्षात् नै हो राम ।
नाइटमा पनि एकछिन त गर्नुहोस् आराम ।।

घडी हेरेँ मध्यराती एक बजेको थियो ।
लक्ष्मण भन्नु शेष नाग हो मैले यही सम्झियो ।।

कर्ण गुरु आत्मा चिन्ने सन्त नै हो दानी ।
परपीडा बुझ्नहुन्छ प्रेमभावको ज्ञानी ।।

भरत सर कमाण्डर अति नै राम्रो ।
भेट भएको दिनमा नै प्रेम प¥यो हाम्रो ।।

कमाण्डर भएर पनि अति नम्र बोली ।
मलाई लाग्छ शक्तिशाली बन्नुहुन्छ भोलि ।।

पदम नाम पराक्रमी कमाण्डर पण्डित ।
एकैठाउँमा काम गर्दैछौं गर्नुहुन्छ हित ।।

सोध्नुभयो कुन कुराको यहाँ छ आवश्यक ।
डोरी पिल्लर चाहियो सर माधवले बताइदेछ ।।

रोशी खोला किनारमा गिट्टी कुटेँ मैले ।
अस्पतालको पार्किङ्गमा सिट्ठी फुक्छु अहिले ।।

बाल्यकालमा बेच्न हिंडेँ दाउराको भारी ।
साहै्र नै गाह्रो हुन्थ्यो रुन्थेँ आँशु झारी ।।

दुई सय तीन ठाउँमा काम गरेँ मैले ।
भातको गाँस र सिट्ठी हुन्छ दुई हातमै अहिले ।।

टिचिङ्ग अस्पतालका मित्र सबै जना राम्रो ।
भएजति नेपाली सबै परिवार नै हो हाम्रो ।।

विश्वको नै शुभचिन्तक माधव मेरो नाउँ ।
विश्वकै केन्द्र नेपाल बनोस् चाँडै देख्न पाऊँ ।।

विश्वप्रसिद्ध हुन्छ नै भन्छन् मलाई मित्रहरुले ।
यहाँ पनि साथ दिनुहुन्छ पदम भरत सरले ।।

पदम सर र भरत सरको साथ पाउँछु भनि ।
ड्युटीमा म चनाखो छु ढुक्क छ क अनि ।।

पदम भरत रुद्र माधव यहाँ चार जना ।
सृष्टिकर्ता ब्रम्हाझैं लाग्छ आनन्द छ मन ।।

माधवको पार्टनर साथी साच्चै कोहिनुर हिरा ।
सधैं साथ पाउँने नै छु उच्च राख्छु शिर ।।

कम्पनी नै मेरी आमा तीर्थ मन्दिर आश्रम ।
सम्झना त्यो आइरहन्छ जहाँसुकै म जाउँ ।।

स्वयम्भु सरलाई सम्झिरहन्छु म त सधैभरि ।
उनान्चालीस बर्षसम्म सँगै काम गरि ।।

वचन पूरा गर्नलाई अझै नै छ बाँकी ।
केही निगाह गर्नुहोला अब दया राखी ।।

दुईटा कुरा नभए पनि भए पुग्छ बास ।
श्रम उमेर रगत पसिना चढाएँ यही छ मलाई आश ।।

कम्पनी हो मेरी आमा टिचिङ्ग हो बाउ ।
अब निको हुनेभयो मनको मेरो घाउ ।।

सम्बन्धित समाचार

वरिष्ठ गायक तथा संगीतकार प्रेमध्वज प्रधानको निधन
वरिष्ठ गायक तथा संगीतकार प्रेमध्वज प्रधानको निधन
  • २०७४ पुष २४, ०९: ३८: ५०

नयाँ विकल्प, काठमाडाैं-गायक तथा संगीतकार प्रेमध्वज प्रधानको निधन भएको छ। काठमाडौंको सुन्धारास्थित न्युरो अस्पतालमा उपचारको क्रमा बिहीबार दिउँसो उनको निधन...

‘माया बैगुनी’ नामक भिडियो सार्वजनिक
‘माया बैगुनी’ नामक भिडियो सार्वजनिक
  • २०७४ पुष २४, ०९: ३८: ५०

काठमाडौं । न्युयोर्क निवासी गायिका उर्मिला लाम्गादेले ‘मायाँ बैगुनी’ नयाँ म्युजिक भिडियो सार्वजनिक गरेकी छिन् ।उक्त गीतमा बसन्त सापकोटाको शब्द,...

संक्रमितको संख्या बढ्दो अवस्थामा भएकोले जनस्वास्थ्य मापदण्डहरुलाई नियमित गर्नुपर्छ
संक्रमितको संख्या बढ्दो अवस्थामा भएकोले जनस्वास्थ्य मापदण्डहरुलाई नियमित गर्नुपर्छ
  • २०७४ पुष २४, ०९: ३८: ५०

चीनको वुहान प्रान्तबाट सुरु भएको कोभिड–१९ महामारीले विश्वमा लाखौं मानिसहरुको ज्यान लिईसकेको छ । २०७६ चैत्र ११ गतेदेखि नेपालमा लकडाउन भएका...

भर्खरै

TOP