May 19, 2021, Wednesday

बामगठबन्धभित्र ७० र ३० प्रतिशतको भयानक लफडा

सत्तामोहले पार्टी एकता धरापमा

काठमाडौं । एमाले र माओवादी केन्द्र पार्टी एकता भन्दा पनि सत्तामोहमा केन्द्रित भएका छन् । सत्ताको लागि प्रदेशको मुख्यमन्त्रि र सभामुख तथा उपसभामुख पदको बाँडफाँटमा ७० र ३० को भागबण्डा गरेका दुई दलवीचको एकता प्रक्रियाको उपलब्धी भने लगभग शुन्य अवस्थमा रहेको छ ।

सत्ताको पद सहज रुपमा बाँडफाँट गरेका बामगठबन्धनले पार्टी एकीकरणमा भने चासो दिएका छैनन् । सत्ताको लागि नै दुईपार्टीबीच गठबन्धन भएको र पार्टी एकीकरण त चुनाव जित्ने राणनीति मात्र भएको चर्चा शुरु भएको छ ।

६० र ४० को भागबण्डा गरेर पार्टी एकता गर्ने सहमति गरेका दुइदलबीच अहिले कार्यान्वयनमा अवरोध सृजना भएको छ । सहमतिबाट एमाले पछि हटेको छ भने माओवादी केन्द्र कार्यान्वयन गर्नु पर्नेमा जोड दिईरहेको छ । जनमतको आधारमा भागबण्डा हुनुपर्ने भन्दै एमालेले सार्वजनिक रुपमै ७० र ३० को भागबण्डा हुने बताईसकेको छ ।

एमालेको पछिल्लो व्यवहारले माओवादी सशंकित भएको हो । यही अवस्था कायम रहे एकता प्रक्रिया अगाडि बढाउन नसक्ने माओवादी नेताहरुले पनि सार्वजानिक रुपमै बताईसकेका छन् । पछिल्लो समय एमालेले देखाएका छेपारो प्रवृत्तिको बोली र व्यवहारले माओवादीका प्रभावशाली नेताहरु पार्टी एकता अघि बढ्न नसक्ने निष्कर्शमा पुगेको स्रोतको दाबी छ । दुईतिहाई बढी सिट एमालेलाई दिएर पार्टी एकता गर्दा आफुहरुको कुनै अस्तित्व नरहने माओवादी नेताहरुको बुझाई छ ।

यो एकता नभई पार्टी विलय जस्तो हुने उनीहरुको भनाई छ । पार्टीमा कुनै पनि विषयको निर्णय गर्न र टुंगोमा पुग्न बहुमतको आवश्यकता पर्छ तर ७० र ३० को भागबण्डमा माओवादीको केही अर्थ नै नहुने भन्दै माओवादी भित्र नै चर्काे बहस शुरु भएको छ । ३० प्रतिशत रहेको माओवादीले ७० प्रतिशतलाई कसरी आफ्नो निर्णय कार्यान्वयन गराउन सक्छ ? भन्दै कार्याकर्ताले प्रचण्डलाई प्रश्न गर्न थालेका छन् । कार्यकर्ताबाट चौतर्फी दबाब आएपछि प्रचण्ड हाल अप्ठेरोमा परेका छन् । माओवादीलाई २ मुख्यमन्त्री र सभामुख दिएर आफुले ४ लिएको एमालेले केन्द्र पनि त्यहीअनुसारको दाबी गर्दै आएको छ ।

तर माओवादीले भने सहमति अनुसार ६० र ४० नै हुनुपर्ने अडान लिएको छ । एमाले एकता पछिको पार्टी अध्यक्ष छोड्न पनि तयार भईसकेका छैन भने माओवादीले अध्यक्ष नपाएसम्म एकता नहुने जनाईसकेका छन् । यसकारण एकता प्रक्रिया अहिले स्ट्याण्ड स्टिल अर्थात अगाडी पनि बढ्न सकेको छैन र पछि पनि सरेको छैन । एमाले माओवादीका नेताहरुले पार्टी एकता प्रक्रिया लगभग टुंगो लागेको दाबी गर्न भेन छाडेका छैनन् ।
सार्वजनिक कार्यक्रमहरुमा पार्टी एकता हुने नारा लगाउँन दुवै पार्टीका नेताहरुले छुटाउँदैनन् । तर आम जनमानसमा भने एक प्रकारको कौताहुल्त उत्पन्न भएको छ । नेताहरुले पार्टी एकता प्रक्रिया निकै अगाडि बढिसकेको भनिएपनि किन अहिलेसम्म उपलब्धीमूलक परिणाम आएको छैन त भन्ने प्रश्न उठ्न थालेको छ । चुनावमा गठबन्धन गरी पार्टी एकता गर्ने निर्णय गर्दै ओली र दाहालबीच जसरी हात जोडिएका थिए, त्यसरी पार्टी जोड्न उनीहरुलाई समस्या भएको छ ।

दुई अध्यक्षबीच भएको वान टु वान वार्ताले पनि कुनै निर्णय गर्न नसक्नुले पार्टी एकता सम्भव छ कि छैन भन्नेमा शंका उत्पन्न भएको हो । यही क्रम जारी रहने हो भने यसले अर्कै रुप लिन सक्ने माओवादी नेताहरुले बताएका छन् । वार्ता नयाँ मोडमा पुगेको दाबी गरिएतापनि एक हिसाबले वार्ता कठिन मोडमा पुगेको उनीहरुको भनाई छ ।

ओली र प्रचण्डबीच वान टु वान वार्ता भएपनि ‘ब्रेक थ्रु’को नजिक भने पुग्न सकेका छैनन् । एमालेका कतिपय नेताहरु प्रचण्डलाई पार्टी अध्यक्ष स्वीकार्न तयार छैनन् भने माओवादीले एक पद एक व्यक्ति हुनै नसक्ने बताउँदै आएको छ । अध्यक्षको विषयमा सहमति जुट्न नसक्दा वार्ता पेचिलो बन्दै गएको बुझिएको छ ।

मुख्य रुपमा पार्टी अध्यक्षको हानथाप र बरिष्ठ नेताहरुको पदको व्यवस्थापन पार्टी एकताको चुनौति बनेको छ । एमालेमा गुट र उपगुटका कारण ओली पक्ष अहिले दाहाललाई अध्यक्ष दिनै चाहँदैनन् । दाहाललाई अध्यक्ष दिँदा आफ्नै पार्टीभित्रका माधव नेपाल, वामदेव गौतम समूहसँग मिलेर दाहालले आफ्नो पक्षलाई अल्पमतमा पार्ने हुन् कि भन्ने त्रास ओली पक्षमा छ । उता, दाहाल पनि अध्यक्ष छाडेर एकतामा जाँदा आफू कहिल्यै नेतृत्वमा आउन नसक्ने बुझाइमा देखिन्छन् ।

माओवादी र एमाले नेताका अनुसार दुई नेताबीच वार्ता अहिले मूल मुद्दामा प्रवेश गरेको छ । नयाँ पार्टीको विचार के हुने र नेतृत्व कसले गर्ने भन्ने विषयमा वार्ता सुरू भएको छ, तर बुझाइमा एकरूपता कायम भइसकेको छैन । सांगठानिक र वैचारिक विषयमा ओली र प्रचण्डका प्राथमिकता फरक फरक देखिएका छन् ।

माओवादीले ओलीलाई प्रधानमन्त्री मानिसकेपछि एकीकृत पार्टीको अध्यक्ष प्रचण्डले पाउनु पर्ने बताएको छ । यस विषयमा महेन्द्र साही लगायतका कतिपय नेताले एकीकृत पार्टीको अध्यक्ष प्रचण्डलाई नमान्ने हो भने एकता हुन नसक्ने सार्वजनिक रूपमै बताएका छन् । एमालेका नेताहरुले पार्टी एकतालाई भन्दा सरकार गठनमा बढी ध्यान दिएको माओवादीको बुझाई छ । माओवादीलाई एकीकरण विरोधी देखाएर सत्ता हत्याउने खेलमा एमाले लागेको चर्चा हुन थालेको छ ।

यस विषयले माओवादी सशंकित भएको छ । माओवादी अध्यक्ष प्रचण्डले बेलाबेलामा गठबन्धन फुटाउन देशी तथा बिदेशी शक्ति लागिपरेको बताउँदै आएका छन् । एमाले मुख्य–मुख्य पद सबैमा दाबी गर्ने र कतिपय नेताले सरकार गठनपछि मात्र एकता गर्ने जस्ता कुरा गर्न थालेपछि प्रचण्ड संकटमा परेका छन् । दुई अध्यक्षवीच बेलाबेलामा हुने गरेका वान टु वान वार्तामा ओलीले राष्ट्रपति, प्रधानमन्त्री र पार्टी अध्यक्ष एमालेलाई छाड्न आग्रह गरेको बुझिएको छ ।

तर तीनवटै प्रमुख पद एमालेलाई दिएर पार्टी एकता कुनै हालतमा गर्न नहुनेमा माओवादी भित्र बलियो मत छ । यसरी विस्तारै दुवै दलबीच बढ्दै गएको अविश्वास र असमझदारीले एकता प्रक्रिया जटील मोडमा पुगेको छ । एमालेले हलो अड्काएर गोरु पड्काउने काम गरेको भन्दै माओवादी एकता प्रक्रिया अगाडि बढ्न नसक्ने निष्कर्शमा पुगेका छन् ।

समय गुज्रिदै जाँदा अब एकताले कस्तो आकार ग्रहण गर्ला हेर र पर्खको अवस्थामा छ । माघ २४ गते राष्ट्रियसभाको चुनाव सम्पन्न भएपछि फागुन पहिलो हप्तातिर सरकार गठनका लागि राष्ट्रपतिले आह्वान गर्ने सम्भावना छ । भावी प्रधानमन्त्रीका रुपमा चिनिएका ओलीको नेतृत्वमा सरकार बनाउन प्रचण्ड सहमत हुन्छन् वा हुन्नन् ? पेचिलो प्रश्न उठेको छ । माओवादीले सरकार गठन र पार्टी एकता सँगसँगै बढाउनु पर्ने बताउदै आएका छन् । तर एमालेले भने पार्टी एकता र सरकार गठन फरक फरक कुरा भन्दै आएका छन् । उसले एकता प्रक्रिया अगाडी नबढेपनि सरकार गठन हुने संकेत गरेको छ ।

सम्बन्धित समाचार

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७४ माघ २२, ०९: ३७: ३४

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७४ माघ २२, ०९: ३७: ३४

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
  • २०७४ माघ २२, ०९: ३७: ३४

नयाँ बिकल्प,काठमाडौं । प्रधानमन्त्री केपी शर्मा ओलीले गत वैशाख २७ गते प्रतिनिधि सभाबाट विश्वासको मत लिने प्रस्तावको विपक्ष र तठस्थमा...

भर्खरै

TOP