May 11, 2021, Tuesday

शेरबहादुर देउवाको कार्यकाल सफल की असफल ?

शेरबहादुर देउवा नेतृत्वको सरकारको केही आलोचनाहरु भए । तर उनको कार्यकालको सरकारले गरेका केही महत्वपूण कामहरु पनि छन् । चौथोपटक देशको कार्यकारी प्रमुख सम्हालेका देउवाको अन्य तीन कार्यकाल भन्दा सन्तोषजनक नै छ ।

विगतमा दरबारमा लोकतन्त्र बुझाएको र निर्वाचन गराउन असक्षम भएको आरोपले घेरिएको तीतो र संशयपूर्ण इतिहास पछिल्लो कार्यकालले केही मत्थर पारेको छ । विकास र सुशासनको दिशामा भने देउवा अघिल्ला कार्यकालमा जस्तै विवादित र आलोचित रहे ।

स्थानीय तह, प्रदेशसभा, प्रतिनिधिसभा र राष्ट्रियसभाको निर्वाचन सम्पन्न गराएर देउवाले आफु नेतृत्वको सरकारले पाएको महत्वपूर्ण जिम्मेवारी पुरा गरे । निर्वाचनको सवालमा उनी सफल भए । संविधान प्रति असन्तुष्ट जनाउँदै चुनावमा भाग नलिने घोषण गरेका मधेशवादी दललाई समेत विश्वासमा लिएर उनले शान्तिपूर्ण रुपमा सबै स्थानहरुमा ४ तहैको निर्वाचन गराए ।

पदबाट राजीनामा दिनुअघि देशवासीको नाममा सम्बोधन क्रममा उनले मधेसी दललाई निर्वाचनमा ल्याउन सक्नुलाई आफ्नो कार्यकालको सबैभन्दा महत्वपूर्ण उपलब्धि औंल्याउँदै त्यसप्रति गर्व गरे ।
निर्वाचनको पाटो बिर्सिने हो भने देउवाको ८ महिने कार्यकालमा केही विवाद पनि देखिए ।

‘वेटिङ’ प्रधानमन्त्री र प्रधानमन्त्री बनिसकेपछि उनले गरेका धेरै निर्णय विवादास्पद छन् । सर्वोच्च अदालतकी तत्कालीन प्रधानन्यायाधीश सुशीला कार्कीविरुद्ध संसदमा महाअभियोग प्रस्ताव दर्ता गर्नु देउवाको सबभन्दा अलोकप्रिय निर्णय बन्यो । अघिल्ला कार्यकालमा जस्तै यसपटक पनि उनले ६४ सदस्यीय ‘जम्बो’ मन्त्रिपरिषद बनाएर बदनाम भए ।

आईजीपी प्रकरणमा हस्तक्षेप, राजदूतलगायत अन्य राजनीतिक नियुक्ति र सरुवाबढुवामा पनि देउवा विवादित र आलोचित रहे । राजनीतिक नियुक्ति र आर्थिक चलखेलका स्थानमा हुने सरुवामा देउवाभन्दा आरजु बढी हावी भएको समाचारहरु पनि प्रकाशित भए । आर्थिक सहयोगका नाममा करोडौं रकम नेता–कार्यकर्तालाई मनपरी वितरण गरेको उनी माथि आरोप पनि लागेको छ ।

पहिलो पार्टी रहेको कांग्रेस उनले नेतृत्व सम्हालेपछि दोस्रोमा खुम्चिनु परेको भन्दै आलोचित नि भए । चुनौतिपुर्ण अवस्थामा सबै निर्वाचण गराउन देउवा सफल भए । जति आलोचित भए पनि संविधानले निकृष्ट गरेको सबै तहको निर्वाचन गराएर सत्ता बहुमत प्राप्त बामगठबन्धनलाई हस्तान्तरण गराएर लोकतान्त्रिक परिपाटीको जग बलियो बनाएका छन् ।

सम्बन्धित समाचार

काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
  • २०७४ फाल्गुन ७, ०६: ०६: ४७

नयाँ विकल्प, काठमाडाैं -नेपालमा एकैदिन हालसम्मकै धेरै संख्यामा कोरोना संक्रमण पुष्टि भएको छ भने मृत्यु संख्या पनि उच्च रहेको छ...

उपत्यकामा जेठ १३ गतेसम्म निषेधाज्ञा थपियाे,  थप कडाइ गर्ने निर्णय
उपत्यकामा जेठ १३ गतेसम्म निषेधाज्ञा थपियाे, थप कडाइ गर्ने निर्णय
  • २०७४ फाल्गुन ७, ०६: ०६: ४७

नयाँ विकल्प, काठमाडाैं- काठमाडौं उपत्यकामा निषेधाज्ञा १५ दिन थप भएको छ । काठमाडौं उपत्यकाका तीनवटै जिल्लाका प्रमुख जिल्ला अधिकारीको बैठकले...

लुम्बिनी प्रादेशिक अस्पतालमा उपचाररत १२ जना संक्रमितको मृत्यु
लुम्बिनी प्रादेशिक अस्पतालमा उपचाररत १२ जना संक्रमितको मृत्यु
  • २०७४ फाल्गुन ७, ०६: ०६: ४७

नयाँ विकल्प, बुटबल- लुम्बिनी प्रादेशिक अस्पतालको इमर्जेन्सीमा उपचाररत थप १२ जना कोरोना संक्रमितको मृत्यु भएको छ । मृत्यु हुनेमा ७...

भर्खरै

TOP