May 18, 2021, Tuesday

भारतीय अभिनेत्री श्रीदेवीको निधन

काठमाडौं । भारतीय सिनेमा उधोगकी चर्चित अभिनेत्री श्रीदेबीको ५४ वर्षको उमेरमा गएराती युएईको आभुदावीमा हृदयघातका कारण असामयिक निधन भएको छ । उनी त्यहाँ आफ्नो भान्जाको विवाहमा परिवारका साथ पुगेकी थिईन् ।

श्रीदेवीका पति बोनी कपुरका अनुसार उनलाई राती हृदयघाट भएपछि अस्पताल लगिएको थियो । अस्पताल पुग्दा उनको निधन भईसकेको पारिवारिक श्रोतले जनाएको छ । आईतबार विहानै श्रीदेवीको निधनको खबरले बलिउडकर्मी सहित उनका फ्यानहरु स्तव्ध भएका छन् । उनीप्रति सामाजिक सञ्जाल मार्फत लाखौंले श्रद्धासुमन व्यक्त गरेका छन् ।

आइतबार बिहानसम्म श्रीदेवीको शवलाई मुम्बई ल्याउने बारे परिवारबीच छलफल हुँदैछ । विवाहका लागि उनका पति एवं निर्माता बोनी कपुर सहित सबै परिवार आवुदावी पुगेकाले सबै उतै छन् । उनको अन्त्यष्टी मुम्बईमा गर्ने बारे पारिवारिक छलफल भईरहेको पारिवारिक सुत्रले जनाएको छ । यो समाचार तयार पार्दासम्म उनको शब मुम्बई ल्याईएको थिएन ।

१३ अगष्ट सन १९६३ मा तामिलनाडुमा श्रीदेवीको जन्म भएको हो । उनका दुई सन्तान छन् । जस मध्य छोरी जान्ह्वी कपुर बलिउडमा अहिले नयाँ फिल्मको छायाँकनमा व्यस्त छिन् । श्री देबीले चार वर्षको उमेरमै तालिम फिल्म कंधन करुणईबाट अभिनय सुरु गरेकी थिईन् । त्यसपछि उनले बालकलाकारको रुपमा केही तेलुगु र मलयालम फिल्ममा अभिनय गरिन् ।

सन १९७९ मा फिल्म सोलहवां सालमा नायिका बनेर उनले बलिउड यात्रा सुरु गरेकी थिईन् । सन १९८० को दशकमा उनी बलिउडमा सर्वाधिक व्यस्त र लोकप्रिय रहिन् । त्यो समयमा श्रीदेवीले हिम्मतवाला, मिष्टर इन्डिया, नागिन, तोहफा, खुदा गवाह, सद्मा, बलिदान, मास्टर जी, सरफरोस, आखिरी रास्ता, सुहागन, घर संसार कर्मा, जोशिले, जवाव हम देंगे, चाँदनी, गुरु, चालवाज, राम अवतार, पत्थर के इन्सान, चन्द्रमुखी, लम्हे, रुपकी रानी चोरोंका राजा, चाँदका टुक्डा, लाड्ला, आर्मी, मिस्टर बेचारा, जुदाई जस्ता थुप्रै हिट फिल्म दिईन् । श्रीदेवीले करिव तीन सय ओटा फिल्ममा अभिनय गरिसकेकी थिईन् ।

श्रीदेवीको पहिलो विवाह अभिनेता मिथुन चक्रवर्तीसँग भएको थियो । तर त्यो विवाह लामो समय टिक्न सकेन । पहिलो दाम्पत्य जीवन सुखद हुन नसकेपछि श्रीदेवीले २२ वर्ष अघि निर्माता वोनी कपुरसँग दोस्रो विवाह गरेकी थिईन् ।

सम्बन्धित समाचार

‘माया बैगुनी’ नामक भिडियो सार्वजनिक
‘माया बैगुनी’ नामक भिडियो सार्वजनिक
  • २०७४ फाल्गुन १४, ०८: ०८: २१

काठमाडौं । न्युयोर्क निवासी गायिका उर्मिला लाम्गादेले ‘मायाँ बैगुनी’ नयाँ म्युजिक भिडियो सार्वजनिक गरेकी छिन् ।उक्त गीतमा बसन्त सापकोटाको शब्द,...

‘फिदा’ बोलको म्युजिक भिडियो सार्वजनिक
‘फिदा’ बोलको म्युजिक भिडियो सार्वजनिक
  • २०७४ फाल्गुन १४, ०८: ०८: २१

काठमाडौँ । गीतकार सुमन योञ्जनको शब्द, गायिका दिपा लामा र गायक सुमन केसीको युगल स्वरमा रहेको ‘फिदा’ बोलको म्युजिक भिडियो...

डिजिटल बजारमा ‘मैना’
डिजिटल बजारमा ‘मैना’
  • २०७४ फाल्गुन १४, ०८: ०८: २१

काठमाडौं–प्रतिभाशाली युवा कलाकार बिज्ञान र मोडेल गरिमा शर्माको दमदार अभिनय रहेको बिल्कुलै नयाँ म्युजिक भिडियो ‘ुमैना’ डिजिटल बजारमा सार्वजनिक भएको...

भर्खरै

TOP