May 14, 2021, Friday

रुचाईयो पञ्जेबाजा, ६५ हलबाट प्रदर्शन

काठमाडौं । आधुनिक प्रेम कथामा आधारित चलचित्र पञ्जेबाजा शुक्रबारबाट देशव्यापी प्रदर्शनीमा आएको छ । चलचित्रको प्रचारका लागि देश दौडाहामा रहेको पञ्जेबाजा निर्माण पोखरा, बुटबल, नारायणघाट, हेटौंडा लगायतका शहरमा चलचित्रबारे विभिन्न कार्यक्रम गरेर बिहिबार काठमाडौं फर्किएको थियो ।

चलचित्रको प्रदर्शनसँगै शुक्रबार काठमाडौं प्रेस सो पनि गरियो । चलचित्रलाई सञ्चारकर्मी तथा समिक्षकले मन पराए । सिनेमाले दर्शकबाट राम्रो प्रतिक्रिया पाएको छ । एउटा कलाकारको जीवनमा आउने आरोह अबरोहको कथा यो चलचित्रमा समेटिएको छ ।

चलचित्रलाई राजेश शाहीले निर्माण गरेका हुन् । जसमा सौगात मल्ल, जस्मिन श्रेष्ठ र कर्मा शाक्यबीचको त्रिकोणात्मक प्रेम देख्न सकिन्छ ।
चलचित्रको बारे निर्माता शाहीले भने,‘चलचित्रको नाम पञ्जेबाजा भए पनि यसमा हामीले आधुनिक प्रेम कथा समेटेका छौं । हाँसो, द्धन्द्ध, पीडा, मिलन, बिछोड सबै पक्ष समेटिएको पञ्जेबाजा दर्शकका लागि नयाँ स्वाद हुनेमा हामी विश्वस्त छौं ।’

चलचित्र पञ्जेबाज शुक्रबारबाट काठमाडौं उपत्यकाका २० ओटा सिनेमा हल र मोफसलका ४५ गरी ६५ ओटा सिनेमा हलबाट प्रदर्शनमा आएको हो । यसले शुक्रबार ८० प्रतिसत र शनिबार सिनेमा हलमा हाउसफुल व्यापार गरेको थियो । चलचित्र पञ्चेबाजालाई घनश्याम लामिछानेले निर्देशन गरेका हुन् । आफुहरुले एक वर्षसम्म स्क्रिप्टमा बसेर बल्ल चलचित्रको छायाँकन गरेको उनले बताए । निर्माता राजेश शाहले बिगतको सिनेमा भन्दा यसमा केही फरक गर्न खोजेको र आफुले पनि बिगतका सिनेमा भन्दा बिल्कुलै फरक काम गरेको पनि निर्देशक घनश्यामले दाबी गरे । हुन पनि उनल बिगतका काम भन्दा यसमा निकै राम्रो काम गरेका छन् ।

सारा गुरुङ सह निर्माता रहेको यो चलचित्रलाई पोखरा आसपासको सुन्दर दृष्यमा छायाँकन गरिएको हो । जसमा सौगात मल्ल, कर्मा शाक्य, जस्मिन श्रेष्ठ, बुद्धि तामाङ, सृजना सुब्बा, प्रकाश घिमिरे, बिमला गिरी, देशभक्त खनाल, सविन बाँसतोला, प्रमिला तुलाचन, राजेश शाही, युवराज भण्डारी, तेज गिरी सहितको अभिनय छ । पञ्जेबाजामा कालीप्रसाद बासकोटा र बिकाश चौधरीको संगीत, प्रदीप भारद्धाजको लेखन, हरि घले लामाको छायाँकन रहेको छ ।

सम्बन्धित समाचार

‘माया बैगुनी’ नामक भिडियो सार्वजनिक
‘माया बैगुनी’ नामक भिडियो सार्वजनिक
  • २०७४ फाल्गुन १४, ०८: १०: २०

काठमाडौं । न्युयोर्क निवासी गायिका उर्मिला लाम्गादेले ‘मायाँ बैगुनी’ नयाँ म्युजिक भिडियो सार्वजनिक गरेकी छिन् ।उक्त गीतमा बसन्त सापकोटाको शब्द,...

‘फिदा’ बोलको म्युजिक भिडियो सार्वजनिक
‘फिदा’ बोलको म्युजिक भिडियो सार्वजनिक
  • २०७४ फाल्गुन १४, ०८: १०: २०

काठमाडौँ । गीतकार सुमन योञ्जनको शब्द, गायिका दिपा लामा र गायक सुमन केसीको युगल स्वरमा रहेको ‘फिदा’ बोलको म्युजिक भिडियो...

डिजिटल बजारमा ‘मैना’
डिजिटल बजारमा ‘मैना’
  • २०७४ फाल्गुन १४, ०८: १०: २०

काठमाडौं–प्रतिभाशाली युवा कलाकार बिज्ञान र मोडेल गरिमा शर्माको दमदार अभिनय रहेको बिल्कुलै नयाँ म्युजिक भिडियो ‘ुमैना’ डिजिटल बजारमा सार्वजनिक भएको...

भर्खरै

TOP