May 18, 2021, Tuesday

युवा नेता भट्टराई फेरि पन्छाइए

काठमाडौं । शुक्रबार गरिएको मन्त्रिपरिषद विस्तारले एमालेभित्र गुटगत राजनीतिले कति प्रभाव पार्छ भन्ने कुरा छर्लंग पारेको छ । एमाले पार्टीले इतिहासमै सबैभन्दा धेरै सफलता पाएको अवस्थमा पनि पार्टीका पूर्व प्रधानन्यायाधीश लगायत अन्य थुप्रै नेताहरु पार्टीभित्रै प्रतिपक्षी भएर बसेका छन् ।

राष्ट्रपतिको उम्मेदवार बन्न तम्सिएका पूर्व अध्यक्ष झलनाथ खनाल अध्यक्ष केपी अ‍ोलीको अगाडि नतमस्तक भए भने पूर्व महासचिव माधवकुमार नेपाल अध्यक्ष बनाइदिन्छु भन्ने ओलीको प्रलोभनको जालमा नराम्ररी फसे र राष्ट्रपतिमा विद्यादेवी भण्डारीलाई सघाउन सहमत भए ।

पार्टीभित्र आफ्नो बलियो संगठन भएका नेताहरु ओलीको बोलीमा फसे भने अन्य नेता तथा कार्यकर्ताहरुको हबिगत कस्तो होला सजिलै अनुमान लगाउन सकिन्छ ।  सार्वजनिक रुपमै प्रधानमन्त्री ओलीले यसपटकको मन्त्रिपरिषद् विस्तारमा योगेश भट्टराईलाई मन्त्री बनाएरै छाड्ने प्रतिबद्धता गरेका थिए ।

दुई पटकसम्म काठमाडौंमा चुनाव लड्दा हारेका योगेश गत आमनिर्वाचनमा ताप्लेजुङ्गबाट प्रतिनिधिसभाका लागि उम्मेदवार बनेका थिए उनको चुनावी सभालाई सम्बेधन गर्न ओली ताप्लेजुङ पुगेर भट्टराई मन्त्री बन्ने पक्का भएको बताएका थिए ।

उक्त अवसरमा भट्टराईको प्रसंशाका लागि अ‍ोलीले युवा, अनुभवी, तेज तरार, विश्वासिलो, युवा मष्तिस्क र युवा काँध भएका जस्ता थुप्रै प्रशंसाका शब्दहरु खचिएका थिए । तर आपूmले चुनेर पठाएको जनप्रतिनिधि मन्त्री बन्लान् र जिल्लाको विकास गर्लान् भनेर आशावादी बनेका ती जनताहरुलाई ओलीले अहिले जिल्लाईदिएका छन् ।

निर्वाचनका बेला त्यति विशेषतायुक्त युवा नेता योगेश अहिले पटक पटक मन्त्रालय फुटाउँदै भागवण्डा मिलाउँदा पनि मन्त्रीमा नपर्नुको एक मात्र कारण हो, उनी ओलीको भन्दा फरक गुटको नेता हुन् । एमालेको नवौं महाधिवेशनमा माधव नेपालको प्यानलबाट सचिव जितेका योगेशले बेलाबेलामा पार्टी अध्यक्षप्रति गर्ने गरेको खबरदारीका कारण आज उनी मन्त्रीको सूचीभन्दा बाहिर परेका हुन् ।

एमालेको स्थायी समिति सदस्य समेत रहेका भट्टराई मात्र हुन् जो यसपटक मन्त्री बनाइएनन् । आप्mनो प्यानलबाट सचिव बनेका भट्टराईलाई मन्त्री बनाउन नेपालले ओलीलाई बारम्बार आग्रह गरेका थिए ।

तर ओलीले टेरपुच्छर लगाएनन् । योगेशले पार्टी एकतापश्चात ओली र प्रचण्डले सन्यास लिएर नेल्सन मण्डेलाजस्तो सर्वमान्य बन्नुपर्ने सुझाव दिएका थिए । तर खरो बोल्ने र साँचो बोल्ने नेतालाई यसपटक ओलीले छानी छानी प्रहार गरे । आप्mनो बोलीमा हो मा हो नमिलाउने नेताहरुलाई ओलीले यसपटक “टार्गेट” बनाएको एमाले नेताहरुको आरोप छ ।

प्रदेश ५ बाट राष्ट्रिय सभामा कोमल वलीलाई टिकट दिइएकोमा स्थायी समिति बैठकमा उपमहासचिव भूषाल र सचिव भट्टराईले “नोट अफ डिसेन्ट” नै लेखेका थिए । ठाकुर गैरेलाई प्रदेश ५ बाट र जगन्नाथ खतिवडालाई प्रदेश १ बाट राष्ट्रियसभा उम्मेदवार बनाउनुपर्ने उनीहरुले सुझाएका थिए ।

ओलीलाई सबैभन्दा ठूलो रिस विद्या भण्डारीलाई राष्ट्रपतिमा दोहो¥याउनु हुन्न भन्दाको रहेको थियो । भट्टराईले त्यतिबेलाको स्थायी कमिटिको बैठकमा शितल निवासमा बसेर राष्ट्रपतिले गुट चलाएको आरोप लगाएका थिए ।

ओलीले आफ्नो विपक्षमा एक शब्द मात्र बोल्ने नेतालाई पाखा लगाएको र आफ्ना निर्णयहरु खुरुखुरु सहमति जनाएका नेताहरुलाई मात्र व्यवस्थापन गरेका छन् ।

सम्बन्धित समाचार

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७४ चैत्र ५, ०७: ५५: १९

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७४ चैत्र ५, ०७: ५५: १९

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

कोरोना संक्रमणबाट सप्तकोशी नगरपालिकाकी उपमेयर चाैधरीको निधन
कोरोना संक्रमणबाट सप्तकोशी नगरपालिकाकी उपमेयर चाैधरीको निधन
  • २०७४ चैत्र ५, ०७: ५५: १९

नयाँ विकल्प, काठमाडाैं-सप्तरीको सप्तकोशी नगरपालिकाकी उपप्रमुख आशा चौधरीको कोरोना संक्रमणले मृत्यु भएको छ। विराटनगरस्थित विराट नर्सिङहोममा उपचाररत उनको अस्पतालमै आज...

भर्खरै

TOP