May 18, 2021, Tuesday

ओलीको टोलीका चर्चित मन्त्रीहरु

काठमाडौं । वामगठबन्धनबाट शक्तिशाली बन्न पुगेका एमाले अध्यक्ष एवं प्रधानमन्त्री के.पी शर्मा ओलीले फागुन ३ गते देशको प्रधानमन्त्रीमा नियुक्त भए पश्चात आफ्नो समर्थनमा २ तिहाई पु¥याउन सफल भएका छन् । संघीय संसदबाट २ तिहाई भन्दा बढी विश्वासको मत पाएका ओलिले राखेको हरेक प्रस्ताव पार्टीको पोलिटब्युरो समितिबाट पास भएको छ ।

जसअनुसार राष्ट्रपति, राष्ट्रियसभाका अध्यक्ष, उपसभामुख तथा मन्त्रीमण्डलमा सामेल गराउने व्यक्तिहरु चयनले गर्दा एमालेभित्र प्रधानमन्त्री के.पी शर्मा ओली वर्तमान अवस्था सबैभन्दा शक्तिशाली देखिएका छन् । शुक्रबार तेस्रो पटक वर्तमान मन्त्रीपरिषद् विस्तार गर्दा पनि कामका अनुभवि र नयाँ पुस्ता तथा युवाहरुलाई मन्त्रीमण्डलमा समावेश गरेर चर्चामा पुगेका छन् ।

जसअनुसार संघीय संसदको निर्वाचनमा गुल्मीबाट विजयी भएका प्रदीप ज्ञवालीलाई परराष्ट्र मन्त्रालयको जिम्मेवारी दिइएको छ । ज्ञवाली पार्टी र बाहीर पनि निकै शालिन तथा बौद्धिक रुपमा परिचित छन् । परराष्ट्र मामलामा पनि जानकार रहने व्यक्ति भएकोले छिमेकीको सम्बन्धमा पनि कुटनैतिक तवरले व्यवस्थापन गर्नसक्ने अनुमान गरिएको छ ।

शान्ति स्थापनादेखि गणतन्त्रको कार्यान्वयनमा ज्ञवालीको भूमिका अन्य नेताहरुको भन्दा निकै गहन देखिएकाले पनि राज्यबाट गरिएका धेरै वार्ता टोलीमा बसेर काम गरेको अनुभव ज्ञवालीसँग रहेको छ । त्यसैले छिमेकी राष्ट्रमात्र नभएर अन्य मुलुकहरुको सम्बन्धमा पनि परराष्ट्र मन्त्री ज्ञवालीले सुधार गर्न सक्ने अनुमान गरिएको छ ।

ओलीको टिममा अर्का चर्चित पात्र हुन् गोकर्ण विष्ट जसले छोटो समय मन्त्री हु्ँदा पनि निकै चर्चा कमाएका र एमालेमा युवा नेतृत्व पङ्क्तिमा निकै लोकप्रिय नेता मानिन्छन् । श्रम, रोजगार तथा सामाजिक सुरक्षामन्त्री बनाईदा एमाले पार्टीमा युवाहरुको ठूलो जमात खुशी भएको बताइएको छ ।

त्यतिमात्र नभएर छोटो समयका लागि उर्जामन्त्री हुँदा पनि उनले लोडसेडिङ्गको व्यापक विरोध गरेको र भ्रष्टाचारको जालो नतोडेसम्म लोडसेडिङ्ग नहट्ने दाबी गर्दै विद्युत चोरी अनैतिक विद्युत लाइसेन्स रोक गरेर चर्चामा आएका थिए । त्यसैगरी विद्युत चोरी भएका थाहा पाएपछि उनले कार्वाही समेत अगाडी बढाएको र प्राधिकरणभित्र भएको अनियमितता बाहिर ल्याएका थिए । त्

यसैले पनि उनलाई यो मन्त्री मण्डलमा ठूलो मन्त्रालयको जिम्मेवारी दिईएको बताइन्छ । त्यसैगरी एमालेका अर्का युवा नेता रविन्द्र अधिकारीले पर्यटन मन्त्रीको जिम्मेवारी पाएका छन् । लगातार निर्वाचन जित्दै आएका र मन्त्री पद नपाउँदा पनि निकै चर्चामा रहेका उनी संसदको विभिन्न समितिमा रहेर काम गरिसकेका व्यक्ति हुन् ।

काम गर्न मन्त्रीपद मात्र चाँहिदैन भनेर उदार बन्न सफल अधिकारी यस भन्दा पहिले सरकारको कुनै पनि मन्त्रालयको जिम्मेवारी नपाए पनि ‘एक्सन ओरियन्टृड’ नेताको रुपमा परिचित छन् । उनी आफ्नो पार्टी मात्र हैन सबैसँग मिलनसार रुपमा व्यवहार गर्न सक्ने व्यक्तिको रुपमा चिनिन्छन् ।

त्यसैगरी सञ्चार क्षेत्रबाटै राजनीतिमा आएर र पत्रकारको रुपमा आजसम्म स्थापित नेता गोकुल बाँस्कोटालाई सञ्चार मन्त्रालयको जिम्मेवारी दिइएकोले एमालेको सञ्चार क्षेत्र मात्र नभै साना लगानीका मिडिया हाउस समेत खुशी भएका छन् ।

सञ्चारमन्त्री राज्यमन्त्री भएर पुरै मन्त्रालयको जिम्मेवारी पाएका गोकुल गत आम निर्वाचनमा काभ्रेबाट सर्वाधिक मत ल्याएर विजयी भएका थिए । सञ्चार क्षेत्रमा लामो समय काम गरेका र साना तथा मझौला सञ्चार गृहको विषेश जानकार व्यक्तिलाई सञ्चार मन्त्रालयको जिम्मेवारी दिँदा वर्तमान अवस्थामा साना मिडियाको विकास र प्रबद्र्धनमा विषेश किसिमको परिवर्तन आउने अपेक्षा गरिएको छ । युवा पिडिमा चर्चित बाँस्कोटा निकै खरा र प्रष्ट वक्ताको रुपमा चिनिन्छन् ।

त्यसैगरी माओवादी पार्टीबाट चर्चित केही अनुहार मध्ये २ जनाले मात्र मन्त्री पद पाउन सफल भएका छन् । जस अनुसार शक्ति बहादुर बस्नेतले वन तथा वातावरण मन्त्रालयको जिम्मेवारी पाएका छन् भने पहिलो संविधान सभामा निर्वाचित भएका वर्षमान पुनलाई उर्जामन्त्रीको जिम्मेवारी दिइएको छ । उनी अध्यक्ष पुष्पकमल दाहालका विश्वासीला पात्रका रुपमा रहेता पनि शान्ति प्रकृयामा मुलुकले प्रवेश गरीसके पछिको अवस्थामा राजनैतिक दलहरुसँगको सहकार्यमा पुनको भूमिका उल्लेखनीय रहेको पाइन्छ ।

भद्र र शालीन व्यक्तित्वका पुनले यस अघि अर्थमन्त्रालयको कार्यभार सम्हालिसकेका छन् । त्यसैगरी गिरिराजमणी पोखरेलले पुनः शिक्षामन्त्रीको जिम्मेवारी पाएका छन् । निरन्तर निर्वाचनबाट विजयी हुँदै आएका पोखरेल पाँचौ पटक पुनः शिक्षा मन्त्रालयको जिम्मेवारी पाउने एक मात्र मन्त्री यो मन्त्रीमण्डलमा रहेका छन् ।

सम्बन्धित समाचार

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७४ चैत्र ५, ०८: २९: ४९

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७४ चैत्र ५, ०८: २९: ४९

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

कोरोना संक्रमणबाट सप्तकोशी नगरपालिकाकी उपमेयर चाैधरीको निधन
कोरोना संक्रमणबाट सप्तकोशी नगरपालिकाकी उपमेयर चाैधरीको निधन
  • २०७४ चैत्र ५, ०८: २९: ४९

नयाँ विकल्प, काठमाडाैं-सप्तरीको सप्तकोशी नगरपालिकाकी उपप्रमुख आशा चौधरीको कोरोना संक्रमणले मृत्यु भएको छ। विराटनगरस्थित विराट नर्सिङहोममा उपचाररत उनको अस्पतालमै आज...

भर्खरै

TOP