May 18, 2021, Tuesday

संविधानले प्रेस स्वतन्त्रतालाई उच्च स्थानः कामू प्रधानन्यायाधीश जोशी

नेपाल पत्रकार महासंघको ६३औं स्थापना दिवसका अवसरमा प्रेस स्वतन्त्रता र पत्रकारको सुरक्षा विषयमा अन्तक्र्रिया कार्यक्रम तथा चियापानको कार्यक्रम आयोजना गरिएको थियो । नेपाल पत्रकार महासंघको केन्द्रीय कार्यालयमा आयोजित कार्यक्रमको प्रमुख आतिथ्य सर्वोच्च अदालतका कामु प्रधानन्यायाधीश दिपकराज जोशीले संविधानले प्रेस स्वतन्त्रतालाई उच्च स्थान दिएकोले प्रेसलाई नियन्त्रणमा लिन नसकिने धारणा व्यक्त गरे । उनले प्रेस र न्यायालय दुवैको लोकतन्त्रमा अर्थपूर्ण भूमिका रहने भन्दै आ–आफ्नो क्षेत्रमा जिम्मेवार भएर अगाडि बढ्नुपर्नेमा जोड दिए ।

उक्त अवसरमा नेपाली कांग्रेसका नेता डा. प्रकाशशरण महतले कांग्रेस अभिव्यक्ति स्वतन्त्रताको पक्षमा रहेको भन्दै प्रेस स्वतन्त्रतालाई अभिन्न अंगका रुपमा लिएको बताए । उनले प्रेसको सुन्तुलन कायम राख्न राजनीतिक लागानीबाट प्रेस जगत टाढा हुनुपर्ने उनको धारणा थियो । कार्यक्रममा नेकपा एमालेका प्रचार विभाग प्रमुख योगेश भट्टराइले प्रेसले कमजोर वर्गको पक्षमा पनि बोल्नुपर्ने भन्दै सरकारको स्वस्थ आलोचना गर्न पत्रकारलाई आग्रह गरे । उनले संविधानको धारा १९ ले सञ्चारको हकको मात्रै प्रत्याभूती गरेको नभै त्यसले सञ्चार जगतलाई गलत मार्गमा जानबाट पनि रोकेको हुँदा संचारजगतले बुद्धिमानीपूर्वक काम गर्नुपर्ने बताए । त्यसैगरी एकीकृत नेकपा माओवादी केन्द्रका प्रवक्ता पम्फा भुसालले संविधानको अधिनमा रहेर संघ, प्रदेश र स्थानीय तहमा ऐन कानून निर्माण गर्ने क्रममा रहेको भन्दै प्रेस स्वतन्त्रता संकुचित हुने कानुन निर्माण गर्न नहुने बताइन् । उनले सत्यतथ्यमा जोड दिन संचारजगतलाई आग्रह समेत गरिन् ।

राष्ट्रिय जनता पार्टीका नेता केशव झाले निष्पक्ष भूमिका निर्वाह गर्न पत्रकारलाई आग्रह गरे । “हामी राजनीतिक व्यक्ति भएको हुँदा पूर्वतिरको भूमिकालाई निष्पक्ष रुपमा भूमिका निभाउनुपर्ने हुँदा प्रेस जगतको सहयोगको अपेक्षा भएको” उनले बताए । प्रेस काउन्सिलका कार्यवाहक अध्यक्ष किशोर श्रेष्ठले आचारसंहितामा नाममा प्रेस स्वतन्त्रतालाई प्रेस काउन्सिलले नियन्त्रण नगर्ने धारणा व्यक्त गर्दै परिवर्तित अवस्थामा काउन्सिलको ऐन, नियममा परिवर्तन हुनुपर्ने आवश्यकता औंल्याए ।

त्यस्तै, राष्ट्रिय मानवअधिकार आयोगका प्रवक्ता मोहना ओन्सारीले पत्रकार महासंघ मानव अधिकारको जिवित योद्धा रहेको बताउँदै प्रेस स्वतन्त्रता सम्बन्धी महासंघले निर्वाह गरेको भूमिकाको प्रशंसा गरे । मानव अधिकारमा आउने चुनौतीमा पत्रकार समेत पर्ने हुँदा एकाइसौंं शताब्दीमा प्रेस स्वतन्त्रतालाई कसैले नियन्त्रण गर्न नहुने उनको धारणा थियो ।

महासंघका निवर्तमान अध्यक्ष डा.महेन्द्र विष्टले अदालतको अवहेलनाका नाममा प्रेसलाई सङ्कुचन गर्न नहुने कुरा बताए । महासंघका अध्यक्ष गोविन्द आचार्यले प्रेस स्वतन्त्रता पत्रकारको अधिकार मात्रै नभएर त्यो जनताको अभिव्यक्ति स्वतन्त्रतासँग जोडिएका कारण महासंघ त्यसको पक्षमा दृढताका साथ अघि बढ्ने प्रतिबद्धता व्यक्त गरे । पत्रकारित क्षेत्रमा संकट आइपर्दा न्यायका लागि जाने एक मात्र ठाउँ अदालत रहेको भन्दै प्रेस स्वतन्त्रतामा न्यायलयको साथ हुनुपर्ने धारणा व्यक्त गरे ।

सम्बन्धित समाचार

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७४ चैत्र १९, ०८: ५९: १९

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७४ चैत्र १९, ०८: ५९: १९

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

कोरोना संक्रमणबाट सप्तकोशी नगरपालिकाकी उपमेयर चाैधरीको निधन
कोरोना संक्रमणबाट सप्तकोशी नगरपालिकाकी उपमेयर चाैधरीको निधन
  • २०७४ चैत्र १९, ०८: ५९: १९

नयाँ विकल्प, काठमाडाैं-सप्तरीको सप्तकोशी नगरपालिकाकी उपप्रमुख आशा चौधरीको कोरोना संक्रमणले मृत्यु भएको छ। विराटनगरस्थित विराट नर्सिङहोममा उपचाररत उनको अस्पतालमै आज...

भर्खरै

TOP