March 5, 2021, Friday

नीति, नियम र भावी कार्यदिशा विहिन बैठकले कार्यकर्ता आक्रोसित

कांग्रेस बैठक आरोप—प्रत्यारोपमा सीमित

काठमाडौं । चुनाव सकिएको झण्डै चार महिनापछि चुनावको समीक्षा गर्न सुरु भएको नेपाली कांग्रेसको केन्द्रीय समिति बैठक पार्टीले व्यहोरेको पराजयको कारण खोज्ने र आगामी दिनमा कसरी अघि बढ्ने भन्दा पनि आरोप प्रत्यारोपमै बढी केन्द्रित भएको छ । पार्टीले व्यहोरेको हारको समीक्षा गर्दै अब पार्टीको अवस्थालाई बलियो बनाएर जानुपर्नेमा केन्द्रीत हुनुपर्नेमा एकअर्काको आलोचनामै बढी केन्द्रित हुँदा बैठक अनावश्यक दिशातर्पm लम्बिरहँदा बाहिर कार्यकर्ता भने आक्रोशित हुन पुगेका छन् ।

चैत्र ९ गतेबाट सुरु बैठकमा अभैm १५ जना केन्द्रीय सदस्यहरुले आप्mनो धारणा राख्न बाँकी छ । ४१ जना केन्द्रीय सदस्यले शुक्रबारसम्म आप्mनो धारणा दिइसकेका छन् । आफ्नो धारणा राखिसकेका अधिकांश नेताहरुले पार्टी नेतृत्वको आलोचना मात्र गरेनन् नेतृत्व परिवर्तनको माग समेत राखेका छन् । केन्द्रीय सदस्य अर्जुन नरसिंह केसीले नीति भन्दा नेता, संस्था भन्दा गुट र गुटभन्दा बढी गिरोह निर्णायक भएकोले पार्टीले निर्वाचनमा पराजय भोग्नुपरेको बताए ।

उनले “झुण्ड बलियो बनाउने कि पार्टी ?” भन्दै नेतृत्वलाई प्रश्न गरेका थिए । नेता केसीले पार्टीभन्दा “पार्ट” र “पार्ट” भन्दा गिरोह ठूलो मान्ने प्रवृत्तिले पार्टी कहिल्यै सुदृढ र सशक्त हुन नसक्ने धारणा व्यक्त गरेका थिए । अझै पनि जनताले कांग्रेसलाई विश्वास गरेकाले पार्टी सुधारका लागि छिटो भन्दा छिटो पहल गर्नुपर्नेमा उनले जोड दिए । बल्ल बल्ल बसेको केन्द्रीय समितिको बैठकमा आरोप प्रत्यारोप गरेर समय खेर फाल्न नहुने भन्दै बैठकलाई चिन्तनतर्पm अघि बढाउनुपर्नेमा जोड दिए । उनले भने, “यस वर्षको निर्वाचनमा पार्टीको असामान्य पराजयका कारक दोषहरुको समीक्षा सहितका समाधानको मात्र यो बैठकको औचित्य सिद्ध गर्नेछ ।”

नयाँ मतदातालाई आकर्षण र विश्वास सिर्जना गर्ने खालका गतिला कार्यक्रम दिन नसक्नु, संवैधानिक प्रावधान र संघीय संरचना अनुरुप पार्टी संगठन निर्माण गर्न नसक्नु, हचुवा र हैकमी कार्यशैलीले पार्टी संचालन हुनु, नेतृत्वको स्वेच्छाचारी गतिविधि निर्वाचनमा हारको मुख्य कारण भएको केसीको भनाई छ ।

त्यसैगरी बैठकमा नेतृत्वको बचाऊमा पनि थुप्रै स्वरहरु गुञ्जिएक थिए । केन्द्रीय सदस्य रमेश रिजालले निर्वाचनपछिको परिणामलाई लिएर नेतृत्वतर्फ मात्र औंला ठड्याउनु जायज नहुने बताए । उनले संसदीय समिति र कार्यसम्पादन समितिमा बसेर टिकट बाँड्नेहरुले पनि हारको जिम्मेवारी लिनुपर्ने बताए । पार्टी सभापति शेरबहादुर देउवाको बचाऊमा जति नै आवाज उठे पनि उनको आलोचनाका आवाज नै बुलन्द देखिन्थे । प्रदेशसभा र प्रतिनिधिसभा निर्वाचनमा नेतृत्वकै संरक्षणमा टिकट किनबेचका कारण अधिकांश उम्मेदवारले हार व्यहोर्नुपरेको भन्दै नेतृत्वको आलोचना गरिएको थियो ।

स्थानीय तहदेखि प्रदेश तथा प्रतिनिधिसभा निर्वाचनसम्मको समीक्षाका लागि भन्दै गत ९ चैतबाट जारी बैठकमा नेताहरूले पक्ष–विपक्ष सहित आरोप–प्रत्यारोपको शृंखला कायम राख्दा मंगलबारको बैठक टिकट किनबेच सम्म पुगेको थियो । केन्द्रीय सदस्य धनराज गुरुङले टिकट वितरण गर्दा किनबेच भएको भन्दै छानबिन गर्नुपर्ने माग समेत गरे  ।

‘टिकट वितरणका क्रममा कमजोरी भएका छन्, किनबेच भएको भन्ने गुनासो व्यापक छ, कतैकतै लिलाम बिक्रीसमेत भयो भन्ने सुनिन्छ,’ गुरुङले बैठकमा धारणा राख्दै सत्यतथ्य बाहिर ल्याइनुपर्ने माग गरे । बैठकमा डा. रामशरण महतले टिकट वितरणका बेला आर्थिक अनियमितताका गुनासो व्यापक आएको बताए  । ‘टिकट वितरणका क्रममा साथीहरूबाट आर्थिक अनियमितताका कुराहरू व्यापक रूपमा बाहिर आएकोले छानबिन गर्नुपर्नेमा जोड दिए । उनीहरूले निर्वाचनको समयमा पैसाको चलखेल गरेर उम्मेदवार बनाइएका कारण धेरै स्थानमा जित्ने उम्मेदवारहरू हुँदाहुँदै पनि हार्नेलाई टिकट दिइएको आरोप लगाए । जारी बैठकबाटै न्यायिक समिति गठन गरेर छानबिन गर्नुपर्ने माग उनीहरूले गरेका छन्  ।

त्यसैगरी केन्द्रीय सदस्य बलबहादुर केसीले आर्थिक लेनदेनका आधारमा टिकट वितरण गरिएको भन्दै नेतृत्वको आलोचना गरेका थिए  । उता केन्द्रीय सदस्य एनपी साउदले पार्टीलाई प्राप्त परिणाममा एक जना नेतालाई मात्र दोषी देखाउन नमिल्ने भन्दै निर्वाचनपछिको परिणामबाट पार्टीलाई बलियो बनाएर जाने दिशातर्फ सोच्नुपर्ने बेला आएको बताए  । छैटौं दिनको बैठकसम्म आइपुग्दा तत्काल महासमिति बैठक बोलाएर विधान संशोधन गर्नुपर्ने माग समेत उठेको छ  । तर कांग्रेस नेता खुमबहादुर खड्काको असामहिक निधनका कारण तत्कालका लागि बैठक स्थगित गरिएको छ । शनिबार सूचना टाँस गरी बैठक स्थगित भएको जानकारी दिइएको हो ।

देशकै पहिलो पार्टी बनिराखेको कांग्रेस आप्mनै नेतृत्वमा भएका सम्पूर्ण निर्वाचनमा पराजित हुनुपर्दा पार्टी नेतृत्वको सक्षमतामाथि नै प्रश्न चिन्ह खडा भएको छ । राम्रालाई भन्दा हाम्रालाई छानी छानी टिकट दिइएको कारण यस्तो अवस्था आएको अधिकांश नेताहरुको ठम्याई छ । आप्mनो काविलियत भन्दा पनि कांग्रेसमा विद्यमान बेथिति र नेतृत्वको मनपरीका कारण कम्यूनिष्टहरुले चुनाव जितेको कांग्रेस नेताहरुको निष्कर्ष छ । १३औं महाधिवेशनपछि गुट उपगुटको पसल खोल्दै आएका अधिकांश नेताहरुलाई अभैm पनि चेत नआएको हुँदा कार्यकर्ता भने निरास हुँदै गएको अवस्था छ । निर्वाचनपछि बल्ल बल्ल बसेको केन्द्रीय समितिको बैठकमा गुट उपगुटमा कुनै कमी नआएको एक केन्द्रीय सदस्यले नयाँ विकल्प साप्ताहिकलाई बताए ।

उता सधैं जस्तो केन्द्रीय बैठक बसिरहँदा पनि कार्यालयमा उपस्थित भएका इमान्दार कार्यकर्ता भने केन्द्रीय नेताहरुसँग आक्रोशित हुँदै गएका छन् । यो आक्रोशलाई नेताहरुले सुझबुझका साथ सम्हाल्न नसके कुनै अप्रिय घटना पनि हुन सक्ने अनुमान संचारकर्मीहरुले गर्न थालेका छन् । आक्रोशित कार्यकर्तालाई साम्य पार्ने र निरास कार्यकर्तालाई उर्जाशील बनाउन केन्द्रीय समिति एक ढिक्का नभए सम्भव देखिंदैन । यसैबीच बैठकले सरकारले विभिन्न धार्मिक बिदाहरु कटौती गरेकोमा आपक्ति जनाएको छ भने हालै इयुले सरकारलाई बुझाएको प्रतिबेदनमाथि पनि इयुप्रति आक्रोस व्यक्त गर्दै सरकारलाई सचेत समेत गराएको छ ।

सम्बन्धित समाचार

युद्धकाे अन्त्य नगर्ने कम्युनिष्ट आन्दाेलन हुन सक्तैनः विप्लव
युद्धकाे अन्त्य नगर्ने कम्युनिष्ट आन्दाेलन हुन सक्तैनः विप्लव
  • २०७४ चैत्र १९, ०९: १०: ३७

नयाँ विकल्प काठमाडाैं- नेपाल कम्युनिष्ट पार्टी विप्लव समुहका महासचिव नेत्र विक्रक चन्द विप्लबले नयाँ युगकाे सुरूवातीकालागि शान्तिपुर्ण राजनीति स्विकार गरेकाे...

प्रधानमन्त्री ओली र विप्लव विच ३ बुँदे समझदारी पत्रमा हस्ताक्षर हुँदै
प्रधानमन्त्री ओली र विप्लव विच ३ बुँदे समझदारी पत्रमा हस्ताक्षर हुँदै
  • २०७४ चैत्र १९, ०९: १०: ३७

नयाँ विकल्पकाठमाडाैं- नेपाल सरकार र नेत्रविक्रम चन्द विप्लव नेतृत्वको नेपाल कम्युनिष्ट पार्टीबीच शुक्रबार सहमति पत्रमा हस्ताक्षर भएकाे छ । सहमती...

नेपाली कांग्रेस र नेकपा ( प्रचण्ड-नेपाल पक्ष ) को संसदीय दलको बैठक सिंहदरबारमा बस्दै
नेपाली कांग्रेस र नेकपा ( प्रचण्ड-नेपाल पक्ष ) को संसदीय दलको बैठक सिंहदरबारमा बस्दै
  • २०७४ चैत्र १९, ०९: १०: ३७

नयाँ विकल्पकाठमाडाैं- प्रमुख प्रतिपक्षी नेपाली कांग्रेस र नेपाल कम्युनिष्ट पार्टी नेकपाको प्रचण्ड-नेपाल पक्षले संसदीय दलको बैठक बोलाएका छन्। आज दिउँसो...

भर्खरै

TOP