May 19, 2021, Wednesday

प्राकृतिक सुन्दरता अतुलनीयः भारतीय पूर्वराजदूतहरु

काठमाडौँ । नेपालका लागि भारतीय पूर्व राजदूतहरूले नेपालको प्राकृतिक सुन्दरताको खुलेरै प्रशंसा गरेका छन् । डोल्पा र से फोक्सुण्डोको पदयात्रा गरेका नेपालका लागि भारतीय पूर्व राजदूतहरू रञ्जित रे, श्याम शरण र देव मुखर्र्जीले नेपालको जस्तो प्राकृतिक सुन्दरता विश्वमै कही नभएको भन्दै प्रशंसा गरेका हुन् ।

पदयात्रा सकेर आएपछि शनिबार काठमाडौंमा पत्रकारमाझ कुरा गर्दै पूर्व राजदूतहरूले त्यस क्षेत्रको प्राकृतिक सौन्दर्यता अतुलनीय रहेको बताएका हुन् ।

पूर्व राजदूत श्याम शरणले भूकम्पले आक्रान्त बनेको नेपाल राम्रोसँग तङग्रिएको अवस्थामा पाउँदा आफूलाई खुसी लागेको बताए । उनले विश्वमै नभएको प्राकृतिक सौन्दर्यता नेपालमा पाएको बताए । त्यसैगरी पूर्व राजदूत रञ्जित रेले पदयात्रा कठीन भए पनि त्यहाँको प्राकृतिक सौन्दर्यले आफूलाई मोहित बनाएको बताए ।

उनले विदेशी पर्यटक खोज्नुभन्दा आन्तरिक पर्यटकलाई बढावा दिने गरी योजना बनाउन सुझाव दिए । अर्का पूर्व राजदूत देव मुखर्र्जीले फोक्सुण्डोले आफूलाई साह्रै मोहित पारेको बताए ।

फोक्सुण्डो जस्तो सुन्दरता विश्वमै कहीँ पनि नभएकोले त्यहाँ पुग्ने बाटो राम्रोसँग बनाउन सकेमा आकर्षक पर्यटक गन्तव्य बन्ने बताए । तीनै जना पूर्व राजदूत डोल्पाको जुफाल विमानस्थलबाट सेफोक्सुण्डोको पदयात्रामा सहभागी भएका थिए ।

भारतीय राजदूतहरु नेपालको हिमाली जिल्लाको भ्रमणमा किन निश्किए भनेर धेरैतिरबाट शंका र आशंकाबाट चर्चा हुन थालेपछि विसुद्ध धार्मिक, पर्यटकिय र व्यक्तिगत रुपमा हिमाली जिल्ला डुल्न गएका तीन राजदूतहरुले पत्रकार सम्मेलन बताए ।

मुस्ताङ र डोल्पातिर गएका राजदूतहरु कहाँ र कता गएका होलान् भनी ति जिल्लाका नेताहरुलाई सोधेमा रिसाउने र झर्कने गरेका छन् । जिल्लास्तरीइ नेताहरुले भारतीय राजदूतको हिमाली जिल्ला भ्रमणले पर्यटकीयस्थलको प्रचार हुने बताए ।

सम्बन्धित समाचार

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ बैशाख २०, ०६: २४: २४

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७५ बैशाख २०, ०६: २४: २४

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
  • २०७५ बैशाख २०, ०६: २४: २४

नयाँ बिकल्प,काठमाडौं । प्रधानमन्त्री केपी शर्मा ओलीले गत वैशाख २७ गते प्रतिनिधि सभाबाट विश्वासको मत लिने प्रस्तावको विपक्ष र तठस्थमा...

भर्खरै

TOP