May 18, 2021, Tuesday

अप्टिकल फाइबरको काम रोक्न प्रम ओलीको निर्देशन

काठमाडौं । प्रधानमन्त्री केपी शर्मा ओलीले आफ्नो इच्छा वा सहमति बेगर अघि बढाइएका काम कारबाहीलाई रोकेर जिम्मेवार सरकारी अधिकारीलाई तर्साउने काम गर्न थालेका छन् । उनले आफ्नो मन्त्रिपरिषद्का सदस्यको जिम्मेवारी भित्र पर्ने काममा समेत आफै हात हाल्न थालेका छन् ।

यसअघि नै राष्ट्रिय अनुसन्धान विभाग, राजश्व अनुसन्धान बिभाग र एनजीओको अनुगमन आफ्नै मातहत ल्याएर आफूलाई सर्वाधिक शक्तिशाली देखाउने काम गरेका ओलीले नेपालको टेलिकमको क्षेत्रमा उल्लेख्य बृद्धि भइरहेको बेला अन्य बाहाना देखाएर टेलिकमले गरिरहेको अप्टिकल फाइबरको काममा हस्तक्षेप गरेका छन् । उनले सो कामप्रति असन्तुष्टि जनाउँदै सो कामका बारेमा गुनासा आएकोले त्यो काम जहाँ पुगेको छ त्यहीँ रोक्नुहोस भन्दै निर्देशन दिएका छन् ।

ओलीले त्यसका बारेमा थप बुझेपछि कसरी अगाडि बढ्ने छलफल गरौँला भनेर नेपाल टेलकमको नेतृत्वलाई थप मानसिक दबाबमा राखेका छन् । प्रधानमन्त्री ओलीले टेलिकमलाई प्रतिष्पर्धामा अगाडि आउने भन्दा पछाडि पर्ने लक्षण देखिएको भन्दै सेवामा सुधार गर्न समेत टेलिकमको व्यवस्थापनलाई निर्देशन दिएका छन् । उनले सेवा सुधारको प्रस्ताव ल्याउन र चुहावट रोक्ने प्रस्ताव ल्याउन र अनियमितता नगर्न तथा त्यस्तो गर्नेलाई नछोड्न निर्देशन दिएका छन् ।

प्रधानमन्त्री ओलीले शुक्रबार मन्त्रिपरिषद्को कार्यालय सिंहदरबारमा टेलिकमको प्रगति विवरण सुनेपछि नेपाल टेलिकमको सेवालाई व्यवस्थित, प्रभावकारी, उपभोक्तामैत्री एवं गुणस्तरीय बनाउन सेवालाई प्राथमिकतामा राख्नु पर्ने वताए । उनले टेलिकमभित्र मुसा वा मुसा प्रवृत्तिले सेवा अवरुद्ध हुने अवस्था आउनु दुःखद् रहेको उल्लेख गर्दै भने, ूटेलिकमभित्र यस्ता प्रवृत्ति हावी भएको देखिन्छ । यसको अन्त्य हुनुपर्छ र जनताले स्तरीय सेवा पाउनुपर्छ ।

प्रधानमन्त्री ओलीले टेलिकमका प्राविधिक शाखामा २४ सै घण्टा सेवा कर्मचारी खट्नुपर्ने र त्यस्ता शाखामा कर्मचारीको समय तालिका मिलाएर एकछिन पनि खाली नगर्न प्रधानमन्त्रीले निर्देशन दिए । टेलिकम नाफाका लागिमात्र नभएर जनताको सेवाका लागि स्थापना गरिएको संस्था भएको प्रधानमन्त्री ओलीको भनाइ छ । प्रधानमन्त्रीले ओलीले प्रधानमन्त्रीका मूख्य सल्लाहकार विष्णु रिमाल, सञ्चार तथा सूचना प्रविधि राज्यमन्त्री गोकुल बास्कोटा, नेपाल टेलिकमकी प्रबन्ध निर्देशक कामिनी राजभण्डारीलगायतलाई बोलाएर यस्तो निर्देशन दिएका हुन् ।

सम्बन्धित समाचार

माधव नेपाललाई भेट्न कोटेश्वर पुगे गृहमन्त्री बादल
माधव नेपाललाई भेट्न कोटेश्वर पुगे गृहमन्त्री बादल
  • २०७५ बैशाख २०, ०६: २७: २१

नयाँ विकल्प, काठमाडाैं- दुई दिनपछि हुन लागेको राष्ट्रिय सभा सदस्यको उपचुनावमा उम्मेदवार बनेका गृहमन्त्री रामबहादुर थापा ‘बादल’ नेकपा एमालेका वरिष्ठ...

बुटवलमा थप चारजना कोरोना संक्रमितको मत्यु
बुटवलमा थप चारजना कोरोना संक्रमितको मत्यु
  • २०७५ बैशाख २०, ०६: २७: २१

नयाँ विकल्पबुटबल- लुम्बिनी प्रादेशिक अस्पतालमा उपचाररत चारजना कोरोना संक्रमितको मृत्यु भएको छ । चार जनामध्ये तीनजना रुपन्देहीका र एकजना अर्घाखांचीका...

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७५ बैशाख २०, ०६: २७: २१

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

भर्खरै

TOP