May 14, 2021, Friday

सिन्डिकेट हटाउने महानिर्देशकलाई प्रलोभनमा हटाइयो

काठमाडौं । यातायात सिन्डिकेट हटाउन विशेष भूमिका निभाएका यातायात व्यवस्था विभागका महानिर्देशक रूपनारायण भट्टराईलाई भौतिक पूर्वाधार तथा यातायात मन्त्री रघुविर महासेठले मन्त्रालय तानेर आफ्नो सक्कली अनुहार देखाएका छन् । पछिल्लो समय भट्टराईसँग रुष्ट भएका महासेठले उनलाई मन्त्रालय तानेका हुन् ।

मन्त्री महासेठले मन्त्रालय र बिभाग मातहतका कमाई हुने कार्यालयबाट मासिक उठाउने गरेको स्रोतको दाबी छ । मन्त्री महासेठले यसअघि पनि यातायात ब्यवस्था कार्यालयका नायव सुब्बा पोषण थापालाई पनि मन्त्रालयमा तानेका स्रोतको भनाई छ । मन्त्रीको सिफारिसमा आफ्ना कार्यकर्तालाई सवारी अनुमति पत्र नबाँढेको भन्दै रिसाएका महासेठले दुई साता अघि छापामार शैलीमा विभागका महानिर्देशक भट्टराईलाई मन्त्रालय तान्ने पत्र बुझाएका थिए ।

गत चैतमा यातायात व्यवस्थापन कार्यविधि निर्देशिका संशोधनसहित अरू नौ वटा नयाँ कार्यविधि ल्याएर यातायात क्षेत्रको सुधारमा महानिर्देशक भट्टराई सक्रिय थिए । सुरूवातमा प्रधानमन्त्री कार्यालय, गृह मन्त्रालय, भौतिक पूर्वाधार तथा यातायात मन्त्रालयले उनलाई पूर्ण साथ दिए पनि मन्त्री महासेठ भने उनीसँग चिढिएका थिए । सिण्डकेट अन्त्यको नाममा लोकप्रिय हुन खोजेको तर आफूलाई मासिक रकम उपलब्ध नगराएको भन्दै महासेठले उनलाई हटाउने योजना बनाएका स्रोतलेब तायो ।

सिण्डिकेट हटाउने निर्णय आफूले गर्नु पर्ने तर माओवादीबाट सरकारमा सहभागी गृहमन्त्री रामबहादुर थापा बादलको सल्लाहमा चलेको भन्दै महासेठ भटराईसँग रुष्ट बनाएका थिए । यातायात व्यवस्था विभागले गत चैत १८ गते यातायात व्यवस्थापन कार्यविधि ल्याएसँगै यातायात व्यवसायीहरू उक्त कार्यविधि खारेज गर्ने र भट्टराईलाई हटाउने पहलका लागि मन्त्रीलाई गुहारिरहेका थिए । उनीहरुले सार्वजनिक रूपमै भट्टराईप्रति इंगित गर्दै ‘एक जनाले बनाएको कार्य विधि मान्दैनौं भनेका थिए । उनलाई हटाउन एमाले निकट यातायात ब्यवसायी महासंघका महासचिव सरोज सिटौला र केन्द्रीय सदस्य बसन्तराम भण्डारी ज्यान छोडेर लागेका थिए ।

शनिबार विराटनगरको सेवा कार्यालयबाट लाइसेन्स नविकरणको उद्घाटन सामान्य प्रशासन मन्त्री लालबाबु पण्डितले गरेका थिए । त्यतिखेर मन्त्री महासेठले आफू विभागीय मन्त्री हुँदाहुँदै लालबाबु पण्डितलाई उद्घाटन गर्न लगाएकोमा समेत रूष्ट बनेको मन्त्रालय स्रोतले जानकारी दिएको छ । मन्त्रीको निर्णय कार्यान्वयनका लागि प्रधानमन्त्रीसँगै समन्वय गर्नुपर्ने, सचिवले भनेपछि महानिर्देशकलाई मन्त्रालय तानिए पनि पत्र ढिलो गएको थियो । राम्रो काम गर्ने महानिर्देशकलाई आफ्नै हातले सरुवाको चिठी नलेख्ने अडान लिएका सचिवलाई समेत महासेठले हटाउने चेतावनी दिएका मन्त्रालयका कर्मचारी बताउँछन् । सिन्डिकटले घुँडा टेकेको र अब यातायात व्यवस्थापनको महत्वपूर्ण खाका तयार गर्नुपर्नेसमयमा विभागमा महानिर्देशकलाई मन्त्रालय तान्ने तयारी गर्नुलाई शंकाको रुपमा हेरिएको छ ।

सिन्डिकेट अन्त्यका लागि संस्था दर्ता ऐन अन्तर्गत दर्ता भएका यातायात समिति आगामी आर्थिक वर्षदेखि नविकरण तथा नयाँ दर्ता नगर्ने निर्णय भइसकेको छ । यसमा मन्त्रीले व्यवसायीको प्रलोभनमा परेर महानिर्देशकलाई हटाएको विभाग र मन्त्रालयका कर्मचारीको आशंका छ । १३ महिना देखि व्यवस्था विभाग सम्हालेका महानिर्देशक भट्टराईले करिब ८० कर्मचारीलाई विभागीय कारबाही गरिसकेका छन् । .यसअघि पनि मन्त्रिपरिषद बैठकले भट्टराईको सरूवा गर्ने निणर्य गरेको थियो । तर, तत्कालिन यातायात मन्त्री विरवहादुर वलायरले उनको सरूवा रोकेका थिए ।

सम्बन्धित समाचार

शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
  • २०७५ जेष्ठ १४, ०८: ५०: ५८

नयाँ विकल्प, काठमाडाैं- शुक्रबार थप ८ हजार ५२० जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४...

जसपाकाे संसदीय दलकाे नेतामा राजेन्द्र महतो चयन
जसपाकाे संसदीय दलकाे नेतामा राजेन्द्र महतो चयन
  • २०७५ जेष्ठ १४, ०८: ५०: ५८

नयाँ विकल्प, काठमाडाैं- जनता समाजवादी पार्टी (जसपा) महन्थ ठाकुर पक्षले राजेन्द्र महतोलाई संसदीय दलको नेता चयन गरेको छ । बिहीबार...

देउवाको दनक ओली वा नेपाललाई, भोट बादल कि देवकोटालाई ?
देउवाको दनक ओली वा नेपाललाई, भोट बादल कि देवकोटालाई ?
  • २०७५ जेष्ठ १४, ०८: ५०: ५८

नयाँ बिकल्प,काठमाडौं । पार्टीको आन्तरिक जीवन र बहुदलिय प्रतिष्पर्धात्मक राजनीतिमा समेत आफ्ना सहयात्री र कार्यकर्तालाई भन्दा अन्य दलका नेतासँग सम्वन्ध...

भर्खरै

TOP