May 19, 2021, Wednesday

सुनकाण्ड अभियुक्तका पार्टर्नर डनलाई किन छाडे एसएसपी पोखरेलले ?

काठमाडौ । निकै शालिन र कुसल नेतृत्व भनेर महानगरीय प्रहरी परिसरमा आएका प्रहरी प्रमुख श्विराज पोखरेल यतिखेर विवादमा तानिएका छन् । सत्तारुढ दलकी एक चकलेटी सांसद नविना लामाको प्रभावमा परेर एक गुण्डालाई छाडेपछि एसएसपी पोखरेलको साख प्रहरी संगठनमा गिरेको छ । उनलाई प्रहरी संगठनमा निकै आदर्श र क्षमतावान प्रहरी अधिकृतको रुपमा हेरिने गरिएको थियो । तर उनको गुण्डालाई समेत तह लगाउन नसक्ने ल्याकत देखेर प्रहरी प्रमुख सर्वेन्द्र खनालदेखि सरकारका मन्त्रीसमेत चकित भएका छन् ।

नवराज सिल्वाललाई बयान लिएर निकै चर्चा र बिबादमा तानिएका पोखरेल जो सरकारमा आए पनि चाकडी बजाएर पावरमा बस्न पछि पर्दैनन् भन्ने उदाहरण अहिले देखिन थालेको छ । उनीले यतिवेला निकै हडबडाउन थालेको भान हुन थालेका छन् । उनी आफू के गर्दैछु, किन र कसरी गर्दैछु भन्ने समेत बिर्सदै गएका छन् । एकै दिनका दुई घटनालाई लिने हो भने पहिलो त सार्वजनिक मुद्दा दर्ता गरिएका गुण्डा नाइके दावा लामाका उत्तराधिकारी सत्यमान लामालाई एक महिला माननीय नसिना लामाले थर्काएकै भरमा लिएर गइछन् ।

सांसद लामाको हुँकारका अघि लत्रकै भएका पोखरेलको त्यो हर्कतबाट ७७ वटै जिल्लामा खराव नजिर रहने गरी हाजिरी जमानीमा छाडिदिएका छन् । पछिल्लो समय नेपाल प्रहरीको हिट लिस्टका गुण्डा हुन्, दावा लामा । प्रहरीको ‘क’ वर्गको सूचीमा रहेको दावाले महानगरीय अपराध महाशाखामा दिवेश लोहनी र काठमाडौंको प्रहरी प्रमुखमा रवीन्द्र धानुक आएसँगै काठमाडौं छाडेर सिक्किम बस्दै आएका थिए। दावाले काठमाडौं छाडेसँगै उनको गुण्डागर्दीको धन्दा काभ्रेको तिमाल गाउँपालिका–६, ठूलो पर्सेल स्थायी घर भएका सत्यमान लामाले सम्हालेका थिए ।

बजारमा ‘डल्ले सत्ये’ भनेर चिनिने सत्यमान लामालाई गुण्डागर्र्दी गरेको अभियोगमा महानगरीय प्रहरी परिसर काठमाडौंले पक्राउ ग¥यो । तर, पक्राउ परेको केही घण्टामै छुटेको घटनालाई आईजी खनाल र गृहमन्त्री रामबहादुर थापा बादलले समेत नोटिसमा राखेका छन् ।
लामाले ‘मेरो दाइ हो’ भन्दै गृह–सचिव प्रेमकुमार राईलाई फोन गरेर गुण्डा नाइके दावाका सहयोगी सत्यमानलाई छुटाएको गृह मन्त्रालयका एक अधिकृतले बताए । काठमाडौंका प्रमुख जिल्ला अधिकारी केदारनाथ शर्माको लिखित आदेशमा छुटेका लामालाई महानगरीय प्रहरी परिसर काठमाडौंले सांसद नविनाको हाजिर जमानीमा राखेर अनुसन्धान गरिरहेको छ ।

‘सार्वजनिक अपराधसँग सम्बन्धित उसका तीन वटा मुद्दा भएपनि अहिले सांसदको जमानीमा छाडेको हो; उनी सुध्रिएको छैन फेरि ल्याउँछौ’ भनेर प्रहरीले दाबी गरे पनि यसरी सांसद्लाई प्रयोग गरेर प्रहरीलाई नै निकम्मा सावित गर्ने गुण्डा नाइकेका सहयोगी सत्यमानको विगत झनै कुरुप छ । ३३ किलो सुन तस्करीमा संलग्न भन्दै गृह–मन्त्रालयका सह–सचिव ईश्वरराज पौडेल नेतृत्वले छानविन गरिरहेका राम तिवारीका पार्टनर हुन् सत्यमान ।

पछिल्लो ४ वर्षदेखि गुण्डा नाईके दावा लामासँग मिलेर काभ्रे र रामेछापमा हुने बुद्धचित्त मालाको काम गर्दै आएका सत्यमानविरुद्ध पटक–पटक माला लुटेको उजुरी पर्दै आएको थियो । दावा सिक्किम लागेपछि उनकै पुरानो ग्याङको सहयोगमा काभ्रे जिल्लामा रहेको महंगो बुद्धचित्त माला यस वर्ष उनले कब्जा गर्ने प्रयत्न गरेका थिए । त्यसका लागि उनले सांसद नविना लामालाई प्रयोग गरेको माला कारोबारमा संलग्नहरु बताउँछन् ।

गत साता उनले काभ्रे जिल्लाको सबैभन्दा महंगो मानिने रोशी गाउँपालिका–३ फोईमा रहेको माईली तामाङको माला लुट्ने प्रयत्न गरेका थिए । तर, प्रहरीको हस्तक्षेपपछि उनी माईली तामाङलाई २० लाख बुझाएर मात्र माला टिप्न बाध्य भएका थिए ।
एसएसपी पोखरेलको यस्तै कार्यशैलीबाट अहिले काठमाडौंका प्रहरी अधिकृत र ड्युटी अफिसरमा आक्रोस बढेको छ । पोखरेलको क्रियाकलाप अलिक हजम नभएको बृतका डीएसपीहरुले समेत गुनासो हेडक्वाटरमा गर्न थालेका छन् ।

सम्बन्धित समाचार

बालबालिकालाई कोरोना खोप लगाउने ब्यावस्था गर्ने देउवाकाे आग्रह
बालबालिकालाई कोरोना खोप लगाउने ब्यावस्था गर्ने देउवाकाे आग्रह
  • २०७५ असार ३२, ०९: ०२: ११

नयाँ विकल्प, काठमाडाैं-नेपाली कांग्रेसका सभापति शेरबहादुर देउवाले कोरोनाको तेस्रो लहर आउने र त्यसबेला बालबालिका धेरै प्रभावित हुने विज्ञहरूले बताइरहेकोले सरकारले...

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ असार ३२, ०९: ०२: ११

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७५ असार ३२, ०९: ०२: ११

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

भर्खरै

TOP