May 19, 2021, Wednesday

संसद बन्द गरी विपक्षी दबाउन खोज्दै सभामुख

काठमाडौं । नेपाली कांग्रेसले संविधानले व्यवस्था गरे बमोजिम संघीय प्रदेश र प्रदेश सभाका संसदको सभामुख र उपसभामुख फरक फरक दलको हुनु पर्ने माग गरेपछि सभामुख कृष्णबहादुर महरा दोधारमा परेका छन् । प्रमुख प्रतिपक्षी दल नेपाली कांग्रेसले संविधानको पालना र कार्यान्वयन संसदबाटै पहिले शुरुआत गर्न भन्दै माग गरेपछि महराले संसदमा आउने सम्भावित बिरोधलाई छल्न संसद बैठक नै एक साता पर सारेका छन् ।

संविधानले हरेक संसदको सभामुख र उपसभामुख फरक दल र फरक लिंगको हुनुपर्ने व्यवस्था गरेको छ । तर अहिले सभामुख महरा र उपसभामखु शिबमाया तुम्बाहाम्फे दुबै जना नेकपाका सांसद हुन् । सभामुख र उपसभामुखको निर्वाचनमा महरा नेकपा माओवादी केन्द्रको र उसभामुख तुम्बाहाम्फे नेकपा एमालेकी सांसद थिइन् । संसदको सभामुख र उपसभामुखको निर्वाचनपछि उनीहरु निर्वाचित भएको दल एमालै र माओवादी केन्द्रबीच एकीकरण भएर हाल नेकपा निर्वाचन आयोगमा समेत दर्ता भइसकेको छ ।

निर्वाचन आयोगमा दल दर्ता भएपछि आफूहरुले सम्वन्धित दलबाट राजिनामा दिएको भन्दै सभामुख र उपसभामुखले संविधानको ब्याख्या आफै गर्दै हाल आफूहरुले सम्वन्धित दलबाट राजिनामा दिएको भन्दै संविधान आकर्षित नहुने तर्क गरेका छन् । तर प्रमुख प्रतिपक्षी दल कांग्रेसले संविधानको कार्यान्वयन नभएसम्म अर्थात सभामुख र उपसभामुख फरक फरक दलको व्यक्ति नभए सदन चल्न नदिने निर्णय गरेका छ । सोही निर्णय बमोजिम प्रदेश २ बाहेक हरेक प्रदेश र संघीय संसदमा सभामुख र उपसभामुख एउटै दल अर्थात नेकपाका सांसदहरु छन् । प्रतिनिधिसभाको बैठकअघि गत साता भएको कार्यब्यवस्था परामर्श समितिको बैठकमा समेत सभामुुख महराले सदनको बैठक एक साताभन्दा बढी सार्ने भनेका थिएनन् ।

तर उनले एक्कासी साउन ८ गतेसम्म प्रतिनिधिसभाको बैठकको मिति सारेपछि प्रमुख प्रतिपक्षी दल कांग्रेस पनि सभामुख महरासँग टेढिएको छ । उसले सभामुख महराबिरुद्ध अब संसदमा आन्दोलन गर्ने भएको छ । सभामुख महराले प्रमुख प्रतिपक्षीसँगको सल्लाहमा बैठक बोलाउने र राख्ने परम्परलाई तोडेकोमा प्रतिपक्षी दलका प्रमुख सचेतक बालकृष्ण खाँडले आपत्ति प्रकट गरेका छन् । प्रमुख प्रतिपक्षी दलका नेता शेरबहादुर देउवाले समेत सभामुख महराले आफूसँग सल्लाह नै नगरी सभामुख महरा एकलौटी ढंगले अघि बढेको प्रतिक्रिया दिएका थिए ।

संसदको बैठक बसालेमा जुम्लामा भएको प्रहरी दमनको बिरोध हुने र आफ्नो पनि राजिनामा माग हुने डर र त्रासले सभामुख महराले सदन छल्ने गरेको कांग्रेसका नेताहरुको बुझाई छ । कांग्रेस प्रवक्ता विश्वप्रकाश शर्माले समेत संसद छल्न सभामुख महराले एक सातासम्म बैठक नराखेको प्रतिक्रिया दिए ।

सम्बन्धित समाचार

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ श्रावण ७, ०६: ५१: ३५

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७५ श्रावण ७, ०६: ५१: ३५

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
  • २०७५ श्रावण ७, ०६: ५१: ३५

नयाँ बिकल्प,काठमाडौं । प्रधानमन्त्री केपी शर्मा ओलीले गत वैशाख २७ गते प्रतिनिधि सभाबाट विश्वासको मत लिने प्रस्तावको विपक्ष र तठस्थमा...

भर्खरै

TOP