May 13, 2021, Thursday

डीएलए महाधिवेशनमा गुटगत उम्मेदवार

काठमाडौं । प्रमुख प्रतिपक्षी दल नेपाली कांग्रेसको शुभेच्छुक संगठन कानुन व्यवसायीहरुको संस्था डेमोक्रेटिक लयर्स एसोसिएसन (डीएलए) को नवलपरासीस्थित गैंडाकोटमा भएको १०औं महाधिवेशनमा गुटगत उम्मेदवारी परेको छ ।

डीएलए केन्द्रीय कार्य समितिको अध्यक्षमा पार्टी सभापति शेरबहादुर देउवा, बरिष्ठ नेता रामचन्द्र पौडेल, महामन्त्री डा. शशांक कोइराला र नेता कृष्णप्रसाद सिटौलाका छुट्टाछुट्टै उम्मेदवार भएका छन् । पौडेल गुटबाट अलग भएका डा. कोइराला र सिटौलाले भने संयुक्त रुपमा एउटै प्यानल खडा गरेर उम्मेदवार बनाएका हुन् ।

सभापति देउवाको संस्थापन पक्षमा २ जना अध्यक्षको आकांक्षी बनेका छन् । नेता ज्ञानेन्द्रबहादुर कार्की निकट केदार कार्की र देउवा निकट रामकुमार श्रेष्ठले अध्यक्षको दाबेदारी नछोडेपछि संस्थापन पक्षमा रस्साकस्सी भएको छ ।

नेता पौडेल समूहबाट भने सीताराम केसी अध्यक्षका दाबेदार छन् । उनलाई डीएलएका पूर्वअध्यक्ष यदुनाथ खनालको समर्थन रहेको बुझिएको छ । महामन्त्री डा. शशांक कोइराला र नेता सिटौलाले संयुक्त रुपमा डीएलए काठमाडौंका पूर्वअध्यक्ष तथा सर्वोच्च डीएलएका पूर्वअध्यक्ष योगेन्द्र अधिकारीलाई अध्यक्षको उम्मेदवार बनाउने निष्कर्षमा पुगेका छन् ।

महामन्त्री कोइराला र सिटौलाले छुट्टै उम्मेदवार अध्यक्षमा उठाएपछि चिढिएका पौडेलले आप्mmना उम्मेदवारलाई समर्थन गर्न आग्रह गरेका छन् । तर कोइराला र सिटौलाले आफ्नो अडानबाट पछि नहटेपछि पौडेलले रामकुमार श्रेष्ठ उम्मेदवार भए समर्थन गर्न सक्ने प्रस्ताव देउवालाई पठाएका थिए ।

पौडेलले देउवा समूहलाई पठाएको प्रस्ताव बमोजिम देउवा समूहले पनि श्रेष्ठलाई अध्यक्षमा अघि बढाउने सम्भावना रहेको त्यहाँ रहेका डीएलए प्रतिनिधि तिलक पाण्डेले बताए । देउवा र पौडेल समूहबीच श्रेष्ठलाई अघि सार्ने बिषयमा सहमति हुन नसकेपछि अधिकारी नै अन्य नेताभन्दा अघि देखिएका छन् ।

बरिष्ठ उपाध्यक्ष पनि तीन वटा समूहबीच कडा टक्कर हुने देखिएको छ । बरिष्ठ उपाध्यक्ष एउटा पदमा देउवा समूहबाट अरुण पञ्जियार, पौडेल समूहबाट रामचन्द्र त्रिपाठी र कोइराला÷सिटौला समूहबाट सुरेश पौडेल उम्मेदवार बनेका छन् । पञ्जियार उपसभापति विमलेन्द्र निधि निकट हुन् । निधि उपप्रधानमन्त्री तथा गृहमन्त्री हुँदा पञ्जियार उनकै कानुनी सल्लाहकार थिए ।

महिला उपाध्यक्षमा सुश्मा बाँस्कोटा बराल निर्विरोध निर्वाचित भएकी छन् । उनी अध्यक्षका प्रत्यासी अधिकारीको प्यानलबाट उम्मेदवार भएकी थिइन् । त्यस्तै, एक नम्वर प्रदेशबाट मुरारी खड्का र दुई नम्वर प्रदेशबाट राजनप्रसाद दाहाल प्रदेश उपाध्यक्षमा निर्विरोध निर्वाचित भएका छन् । दुवै उाध्यक्षहरु कोइराला र सिटौला समूहका हुन् ।

तीन नम्वर प्रदेशबाट तुलसी बास्तोला, थम्मलाल शर्मा र राजु कटवाल उपाध्यक्षका उम्मेदवार छन् । चार नम्वर प्रदेशबाट उपाध्यक्षको उम्मेदवार भएका फणिन्द्र राज कोइराला र भूमिश्वर शर्मा गौतम प्रतिष्पर्धामा उत्रिएका छन् । पाँच नम्वर प्रदेशबाट उपाध्यक्षमा तीन वटै समूहबाट गोकर्णसिंह थापा, नन्दराम भण्डारी र रेशमराज गिरी प्रतिष्पर्धा गर्ने भन्दै चुनावी प्रचारमा लागेका छन् । ६ नम्वर प्रदेशबाट भने संस्थापन पक्षका खड्गबहादुर सिजापति उपाध्यक्षमा निर्विरोध निर्वाचित भएका छन् ।

सात नम्वर प्रदेशमा उपाध्यक्षमा निर्वाचित बीरबहादुर जेठारा पनि देउवा निकटका हुन् । एउटा महासचिवमा सात जना आकांक्षी भएका छन् । जसअनुसार कलमबहादुर खत्री, कृष्ण घिमिरे भूषण, बिना श्रेष्ठ, भरतबहादुर रावत, रामकुमार न्यौपाने, लक्ष्मीदेवी दाहाल रावल र सर्वज्ञराज नायले महासचिवमा उम्मेदवारी दिने घोषणा गरेका छन् ।

एउटा सचिवमा आठजनाले उम्मेदवारी दिने घोषणा गरेका छन् । खड्गबहादुर बुढाथोकी, नवराज खतिवडा, भिमप्रसाद पौडेल, बसन्त रिमाल, रामजी कोङरेङ, श्यामलाल श्रेष्ठ, लोकेन्द्रध्वज खाँड र हुमबहादुर खत्रीले उम्मेदवारीको तयारी गरेका छन् । सचिबमा उम्मेदवारी दिएका पौडेल र रिमाल नेता रामचन्द्र पौडेल निकटका हुन् भने खाँड र खत्री देउवा निकटका कानुन व्यवसायी हुन् ।

महिला सचिवमा समेत तीन जनाले प्रतिष्पर्धा गर्ने भएका छन् । जस अनुसार बिष्णु बस्याल, लक्ष्मी थापा र सम्झना पोखरेलले उम्मेदवारी घोषणा गरेर चुनावी प्रचारमा लागेका छन् । एउटा कोषाध्यक्षमा आठ जना र ६ वटा खुल्ला केन्द्रीय सदस्यमा २२ जनाले उम्मेदवारी दिएर प्रचारमा हाम्रा सम्वाददाताले बताएका छन् ।

सम्बन्धित समाचार

एमाले विवादः माधव नेपालसहित चार नेतामाथिको कारबाही फुकुवा
एमाले विवादः माधव नेपालसहित चार नेतामाथिको कारबाही फुकुवा
  • २०७५ श्रावण १४, ०७: ३८: १९

नयाँ विकल्प, काठमाडाैं- नेकपा एमालेले वरिष्ठ नेता माधवकुमार नेपालसहित चार जना नेतामाथि गरिएको कारबाही फुकुवा गरेको छ। प्रधानमन्त्रीको सरकारी निवास...

सत्ता संकटमा परेपछि माधव नेपालकाे शरणमा पुगे ओली पक्षीय नेताहरू
सत्ता संकटमा परेपछि माधव नेपालकाे शरणमा पुगे ओली पक्षीय नेताहरू
  • २०७५ श्रावण १४, ०७: ३८: १९

नयाँ विकल्प, काठमाडाैं- प्रधानमन्त्री केपी शर्मा ओलीकाे सत्ता संकटमा परेपछि माधव नेपाललाइ फकाउन ओली निकट नेताहरू नेपाल निवासमा पुगेका छन्...

गण्डकी प्रदेशको मुख्यमन्त्रीमा एमालेका गुरुङ पुनः मुख्यमन्त्रीमा नियुक्त
गण्डकी प्रदेशको मुख्यमन्त्रीमा एमालेका गुरुङ पुनः मुख्यमन्त्रीमा नियुक्त
  • २०७५ श्रावण १४, ०७: ३८: १९

नयाँ बिकल्प,पोखरा । गण्डकी प्रदेश प्रमुख सीताकुमारी पौडेलले प्रदेश सभामा सबैभन्दा ठूलो दलको नेताको हैसियतमा एमाले संसदीय दलका नेता पृथ्वीसुब्बा...

भर्खरै

TOP