June 20, 2021, Sunday

अमेरिकाको ‘क्याथोलिक गिर्जाघरमा सयौँको यौनशोषण’ भएको खुलासा

अमेरिकाको पेन्सिल्भेनियाका अधिकारीहरूले त्यहाँको रोमन क्याथलिक गिर्जाघरले वर्षौँदेखि बालबालिकामाथि हुँदै आएको यौनशोषणका सयौँ घटनाहरू ढाकछोप गर्न खोजेको बताएका छन्। एउटा बृहत् न्यायिक समितिले छानबिनपछि तीन सय इसाई क्लर्जी र एक धर्मगुरुको पनि नाम उल्लेख गरी १४ सय पृष्ठको प्रतिवेदन प्रकाशित गरेको छ ।

सो प्रतिवेदनमा छवटा धार्मिक प्रदेशका एक हजारभन्दा बढी बालबालिका र किशोरकिशोरीहरू उनीहरूबाट यौन उत्पीडनको सिकार भएको जनाइएको छ । उजुर परेका कतिपय घटनाका कागजपत्र हराएको र केही पीडितहरू मुद्दा दायर गर्न डराएका कारण वास्तविक पीडितको सङ्ख्या निकै धेरै हुन सक्ने एउटा न्यायिक समितिले बताएको छ । पीडितहरूलाई नङ्ग्याउने, पिट्ने र बलात्कार गर्ने गरिएको प्रतिवेदनमा उल्लेख छ ।

अठार महिनाका बच्चादेखि किशोरीहरू गिर्जाघरका क्लर्जी र धर्मगुरुको दुव्र्यवहारमा परेको विवरण सो समितिले दुईवर्षे अनुसन्धानको क्रममा भेटिएको छ । तर त्यस्ता घटना र तिनमा संलग्न क्लर्जी तथा धर्मगुरुका गतिविधिहरू लुकाउने र कसैले विरोध गरे भनेपनि उनीहरूको बचाउमा गिर्जाघरका उच्च पदस्थ अधिकारीहरू लागेको बृहत् इजलासको आरोप छ।

निकै लामो समय अघिका कैयौँ मुद्दाहरूमा कानुनी कारबाही गर्न गाह्रो भएको अधिकारीहरूको भनाइ छ । पेन्सिल्भेनिया राज्यका महान्यायाधिवक्ता जोस साफिरोले बालबालिकाको यौनशोषणलाई गिर्जाघरका अधिकारीहरूले निरन्तर र जानीजानी खेल वा कुस्ती भनी हल्का रूपमा टिप्पणी गरेको बताएकी छन् ।

धेरै पीडितहरूका अनुसार लट्ठाउने औषधि दिएर वा अरू किसिमले प्रभावित पारेर उनीहरूको शोषण गरिएको थियो । केहीले आफूसँग दुव्र्यवहार भएको कुरा परिवारका सदस्यलाई सुनाउँदा उल्टै कुटाइ खानुपरेको बताएका छन् । पेन्सिल्भेनियामा झन्डै ३० लाख क्याथोलिकहरू बसोबास गर्छन् । सो प्रतिवेदनमा सयौँ व्यक्तिको नाम उल्लेख गरिएको छ । तर संवैधानिक अधिकार उल्लङ्घन हुने भन्दै केही नाममा संशोधन गरिएको छ । महान्यायाधिवक्ता जोस साफिरोले ती संशोधित नामहरू हटाइने बताएका छन् । तर सरकारी अधिकारीहरूले भने अनुसन्धान जारी रहेको र अझ धेरै मुद्दाहरू बाहिर आउन सक्ने जनाएका छन् ।– बीबीसी

सम्बन्धित समाचार

एनआरएन अष्ट्रेलियाको न्यु साउथवेल्स राज्य संयोजकको उम्मेदवार शाह चर्चामा
एनआरएन अष्ट्रेलियाको न्यु साउथवेल्स राज्य संयोजकको उम्मेदवार शाह चर्चामा
  • २०७५ भाद्र ४, ०८: ४५: २६

नयाँ बिकल्प, काठमाडौं। गैरआवासिय नेपाली संघ (एनआरएन) अस्ट्रेलियाको चुनाब नजिकीदै गर्दा विभिन्न राज्यमा विभिन्न पदका प्रत्यासीबीच प्रतिष्पर्धा हुन थालेको छ।...

पत्रकार महासंघ बेलायत शाखाको निर्वाचनमा धाँदली भएको भन्दै प्रेस युनियनद्धारा छुट्टै समिति घोषणा
पत्रकार महासंघ बेलायत शाखाको निर्वाचनमा धाँदली भएको भन्दै प्रेस युनियनद्धारा छुट्टै समिति घोषणा
  • २०७५ भाद्र ४, ०८: ४५: २६

नयाँ बिकल्प, काठमाडौं । नेपाल पत्रकार महासंघ बेलायत शाखाको जुन १३ अर्थात जेठ ३० गते भएको निर्वाचन प्रक्रिया र मत...

चीनको बिआरआईलाई टक्कर दिन अमेरिकाले अघि सार्‍यो बिथ्रिडब्लू , जी ७ मुलुकसँग सहकार्य गरेर अघि बढाइने
चीनको बिआरआईलाई टक्कर दिन अमेरिकाले अघि सार्‍यो बिथ्रिडब्लू , जी ७ मुलुकसँग सहकार्य गरेर अघि बढाइने
  • २०७५ भाद्र ४, ०८: ४५: २६

नयाँ विकल्प, एजेन्सी-पछिल्लो समय अन्तर्राष्ट्रिय सम्बन्धको क्षेत्रमा एउटा शब्द निकै प्रयोगमा आउन थालेको छ-बिआरआई। चिनियाँ राष्ट्रपति सी चिनफिङले सन् २०१३...

भर्खरै

TOP