May 19, 2021, Wednesday

प्रधानमन्त्रीको २ नम्बर प्रदेशमा सम्बोधन ः विवादास्पद र आलोचित

जनकपुरधाम । प्रधानमन्त्री केपी शर्मा ओलीले संविधानमा स्पष्ट व्यख्या नगरिएको भ्याकुमलाई उपयोग गर्दै बारम्बार प्रदेश सभालाई सम्बोधन गर्न जानु संघीयता बिरोधी क्रियाकलाप भनेर सर्बत्र आलोचना भएको छ ।

मुलुक संघीय संरचनामा गएर प्रदेशहरु स्वायत्त भए पनि प्रधानमन्त्री ओलीले राज्य अझै केन्द्रीकृत संरचनामा नै रहेको भन्दै प्रदेश सरकार र प्रदेशको प्रशासन आफू अनुकूल र आफ्नो मातहत राख्ने उदेश्यले बारम्बार प्रदेश सभामा सम्बोधनका लागि जाने गरेका छन् । प्रधानमन्त्री पदीय मर्यादाको दृष्टिकोणले प्रदेश प्रमुख, मुख्यमन्त्री भन्दा माथि नै छन् ।

प्रदेश सरकार वा प्रदेश सभाले निमन्त्रणा नै नगरी प्रधानमन्त्रीले जवर्जस्ती प्रदेश सभामा जाने र भाषण गर्ने आफ्नो ढिपी पुन देखाएका छन् । एक महिना अघि तीन नम्बर र चार नम्बर प्रदेशको प्रदेश सभामा प्रमुख प्रतिपक्षी दलले बैठक नै अबरुद्ध गरिरहेको बेला सम्बोधन गर्न गएका थिए । प्रदेश सभामा उनलाई अतिथिको रुपमा नबोलाए पनि प्रधानमन्त्री ओलीले जबर्जस्ती अतिथिको रुपमा सदनमा उपस्थित हुने र आफूलाई बोल्न दिनै पर्ने बाध्यतामा पार्ने गरेको दृष्टान्त र घटनाले देखाएका छन् ।

यसको पछिल्लो उदाहरणको रुपमा शनिबार ओलीले बिबाद र समस्याका बाबजुद सुरक्षाकर्मीको घेरामा परेर प्रदेश २ को प्रदेश सभालाई सम्बोधन गरे । प्रदेश प्रमुख, मुख्यमन्त्री र सभामुखलाई दबाबामा पारेर सम्बोधन गरेर आलीले सो प्रदेशमा लोकप्रीयता भन्दा बढी आलोचना व्यहोर्नु परेको छ । ओलीको यस्तो क्रियाकलापलाई नेकपाका नेता तथा पुराना एमाले नेताले व्यङ्ग्यात्मक रुपमा खुबै प्रशंसा गर्दै उपलब्धीमूलक भन्न थालेका छन् ।

आफूलाई प्रदेशसभामा असुरक्षीत महसुस गर्दै सम्बोधनमा जानुले प्रधानमन्त्री ओलीको कार्यशैली झन आलोच्य बनेको छ । संसद बैठक चलिरहेको अवस्थामा पोशाकधारी सुरक्षाकर्मी सदन भित्र प्रवेश गर्दैनन् । संसद भवन भित्र सुरक्षा व्यवस्था कायम गर्न मर्यादापालक खटाइएका हुन्छन् । मर्यादापालक सुरक्षाकर्र्मी नै भएपनि उनीहरुको पोशाक नियमित लगाउने पोशाक भन्दा छुट्टै हुन्छ ।

तर, प्रदेश २ को प्रदेशसभामा प्रधानमन्त्री केपी शर्मा ओलीका निजी सुरक्षागार्ड नेपाली सेनाका प्रमुख सेनानी नै सैनिक पोशाकमै प्रदेशसभा बैठक भित्र प्रवेश गरेका थिए । प्रधानमन्त्री ओलीले प्रदेशसभालाई सम्बोधन गरिरहँदा नेपाली सेनाका उनका सुरक्षागार्ड रोस्टम छेउमै बसिरहे । अन्य बैठक तथा कार्यक्रमहरुमा सरकार प्रमुखको निजी सुरक्षागार्ड प्रवेश गरेपनि संसदको बैठकमा प्रवेश गरेको अहिलेसम्म देखिएको छैन ।

सुरक्षागार्ड प्रवेशसम्बन्धमा कुनै नियम कानून नभएपनि संसदीय प्रणालीमा यस्तो अभ्यास देखिएको छैन ।
संघीय संसदको बैठक हुँदासमेत सभाकक्ष भित्र प्रधानमन्त्रीका निजी सुरक्षागार्ड प्रवेश गरेको पाइँदैन् । प्रदेशसभा बैठकको क्रममा निजी सुरक्षागार्ड पोशाकमै प्रवेश गर्नु संसदीय मर्यादा विपरित रहेको जानकारहरु बताउँछन् । यस विषयमा कानुन त हुँदैन तर यो मर्यादा, प्रचलन र संस्कारको कुरा हो ।

बैठक चलि रहेकोबेला हतियार बोकेर वा पोशाकमा सुरक्षाकर्मी संसारका अन्य संसदीय प्रणाली भएका मुलुकमा पनि छैन । नेपालको संसदीय इतिहासमा अहिलेसम्म पोशाक लगाएरै सुरक्षागार्ड प्रवेश गरेको यो पहिलो घटना हो । दुई वर्ष अघि तत्कालीन अर्थमन्त्री सुरेन्द्र पाण्डेले संसदमा बजेट प्रस्तुतगर्नु पूर्व प्रमुख प्रतिपक्षी दल माओवादीका सांसदहरुले विरोध गरेका थिए ।

अर्थमन्त्री पाण्डेसँग रहेको ब्रिफकेस खोस्ने र सदनका कुर्सीहरु तोडफोड भएको थियो तर त्यहाँ पोशाक लगाएका सुरक्षाकर्र्मीहरु संसद भवनभित्र प्रवेश गरेका थिएनन् ।

ओलीको सम्बोधन बहिस्कार
प्रधानमन्त्री केपी शर्मा ओलीले शनिवार गरेका विशेष सम्बोधन राष्ट्रिय जनता पार्र्टी नेपालका केही सांसदहरुले बहिष्कार गरेका छन् । राजपाका प्रमुख सचेतक परमेश्वर साहले ओली सरकारले मधेश आन्दोलनको क्रममा मधेशीलाई होच्याउने तथा मधेश आन्दोलनको क्रममा लगाइएको झुठा मुद्दा फिर्ता गर्ने आश्वासन पुरा नगरको र उनले सधैँ मधेशको पक्षमा लड्ने तर ओलीको सधैँ मधेशका जनतालाई होच्याउने प्रवृतिका अभिव्यक्तिकै कारण आफूलाई उनको सम्बोधन बहिष्कार गर्नुपरेको बताए ।

प्रदेशसभा कार्यसञ्चालन नियमावली, २०७५ को नियम २१४ को उपनियम ९२० बमोजिम प्रदेसभालाई सम्बोधन गर्ने क्रममा राजपाका ९ सांसद प्रदेशसभामा पुगेका थिए जसमध्ये तीन जनाले बहिष्कार गरी बाहिर निस्केका थिए ।

सम्बन्धित समाचार

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ भाद्र ४, ०८: ५९: ५७

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७५ भाद्र ४, ०८: ५९: ५७

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
  • २०७५ भाद्र ४, ०८: ५९: ५७

नयाँ बिकल्प,काठमाडौं । प्रधानमन्त्री केपी शर्मा ओलीले गत वैशाख २७ गते प्रतिनिधि सभाबाट विश्वासको मत लिने प्रस्तावको विपक्ष र तठस्थमा...

भर्खरै

TOP