May 19, 2021, Wednesday

राजनीतिक कर्मीद्वारा झापामा करको वहस

झापा । झापा जिल्लाका १५ वटै स्थानीय तहका प्रमुख, उपप्रमुख र प्रमुख प्रशासकीय अधिकृतले कर बृद्धि नगरेको बताएका छन् । जिल्ला समन्वय समितिले आयोजना गरेको स्थानीय तहमा कर विषयक अन्तरक्रियामा बोल्दै शिवसताक्षी नगरपालिकाका प्रमुख चन्द्र शेर्माले करका बारेमा अनावश्यक भ्रम फैलाइएको बताए ।

स्थानीय तहको विरुद्धमा करलाई हतियार बनाउन खोजिएको उनको भनाई छ । साइकलमा कर लगाइएको भन्ने चर्चा गलत भएको र साइकलमा नभई व्यवसायमा कर लगाएको समेत बताए ।

करलाई विषय बनाएर समाजका जान्ने बुझ्नेले सर्वसाधारण नागरिकलाई भ्रमित बनाएको आरोप लगाएका छन् । कार्यक्रममा सहभागी सबै स्थानीय तहका प्रमुख उपप्रमुखले कर बृद्धि नभई केहि शिर्षकमा सामान्य फेरवदल भएको बताएका छन् । जनप्रतिनिधिले करका बारेमा असामान्य अफवाह फैलाइएको भन्दै गुनासो गरेका छन् । उनीहरुले करका बारेमा भ्रममा नपर्न आग्रह गरेका छन् ।

हरेक स्थानीय तहले राजश्व निर्धारण गर्नुपूर्व विज्ञ र स्थानीय नागरिकको परामर्शबाट कर निर्धारण गरिएको बताएका छन् । स्थानीय तह बन्नुभन्दा पहिले नै लागु भएका अधिकांश कर कायम गरिएको जनप्रतिनिधिको भनाई छ । अधिकांश स्थानीय तहमा व्यक्तिगत घटना दर्ता निःशुल्क गरिएको पाइएको छ । ३५ दिनपछि दर्ता गरेका न्यूनतम ५० बढिमा १५० जरिवाना लिइएको बताइएको छ ।

बाह्रदशी गाउँपालिकाका अध्यक्ष खड्ग बहादुर राजवंशीले सबै स्थानीय तहले आगामी वर्षबाट कर निर्धारणमा एकरुपता गर्नुपर्ने बताए । आफ्नो गाउँपालिकामा करको कुनै विरोध नभएको जानकारी दिए । स्थानीय तहबीच करमा अन्तर भएकाले नागरिकको विचमा गलत सन्देश गएको उनको धारणा थियो ।

यसैगरी हल्दिवारी गाउँपालिकाका अध्यक्ष रविन्द्र लिङ्देनले नागरिकलाई करका बारेमा बुझाउन नसकिएकोले अनावश्यक भ्रम फैलिएको बताए । उनले कर के हो ? किन उठाइन्छ ? कसको लागि उठाइन्छ ? भन्ने विषयमा नागरिकलाई बुझाउनु पर्ने बताएका छन् । जनप्रतिनिधि जनताको गोठालो हौ, ? – भ्रम चिर्न नागरिकलाई बुझाउनै पर्छ ।

कर निर्धारण प्रक्रिया,करको दर र करको सार्वजनिकिकरणका बारेमा जनप्रतिनिधिले जानकारी गराएका थिए । झापामा व्यक्तिगत घटना दर्ता, बहाल करमा एक रुपता पाइएको छ ।

दमक नगरपालिकाका प्रमुख रोमनाथ ओलीले कर बृद्धि बाहिर चर्चामा भएजस्तो नभई हल्ला मात्र भएको बताएका छन् । उनले अनावश्यक चर्चाको साटो दिएको सुविधाको चर्चा हुनु राम्रो भनेका छन् । स्कुल बस र शव बहानलाई करमा छुट दिएको उनको भनाई छ । कानुनी प्रक्रियामा आउने नागरिकले थप सुविधा पाइरहेको बताए । सुत्केरीलाई २ हजार सुविधा दिन थालिएको सुनाएका छन् ।

गाउँपालिका महासंघका कार्यकारी निर्देशक विमल पोखरेलले बाहिर चर्चामा आएको विषय भन्दा तथ्य फरक रहेको बताए । एक प्रशंगमा उनले भने, सच्याउनै पर्ने विषयमा सच्याउन सकिने छ ।

समन्वय समिति झापाका प्रमुख सोमनाथ पोर्तेलले करका बारेमा नागरिकलाई सहजीकरण गरिने बताएका छन् । उनले करका बारेमा भ्रम फैलाइएको भन्दै स्थानीय तहका जनप्रतिनिधिले अभियान सञ्चालन गर्नुपर्ने धारणा राखे । कार्यक्रमबाट निष्कर्ष निकाल्दै उनले संकलित कर सार्वजनिक गर्ने समेत बताएका छन् ।

सम्बन्धित समाचार

लमजुङ केन्द्र भएर आज बिहान ५.३ म्याग्निच्युडको भूकम्पकाे धक्का
लमजुङ केन्द्र भएर आज बिहान ५.३ म्याग्निच्युडको भूकम्पकाे धक्का
  • २०७५ भाद्र ५, १०: ०४: ३३

नयाँ विकल्प, काठमाडाैं- लमजुङको भुलभुले केन्द्र भएर आज बिहान ५.३ म्याग्निच्युडको भूकम्प गएकाे छ । भूकम्पको धक्का पोखरा, तनहुँ, गोरखा,...

बालबालिकालाई कोरोना खोप लगाउने ब्यावस्था गर्ने देउवाकाे आग्रह
बालबालिकालाई कोरोना खोप लगाउने ब्यावस्था गर्ने देउवाकाे आग्रह
  • २०७५ भाद्र ५, १०: ०४: ३३

नयाँ विकल्प, काठमाडाैं-नेपाली कांग्रेसका सभापति शेरबहादुर देउवाले कोरोनाको तेस्रो लहर आउने र त्यसबेला बालबालिका धेरै प्रभावित हुने विज्ञहरूले बताइरहेकोले सरकारले...

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ भाद्र ५, १०: ०४: ३३

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

भर्खरै

TOP