May 19, 2021, Wednesday

राजपामा बिबाद चर्कियो

काठमाडौं । गठन भएको एक बर्ष चार महिना विते पनि महाधिवेशन गर्न नसकेको राष्ट्रिय जनता पार्टी (राजपा) नेपालभित्र नेतृत्व, संगठन र क्रियाकलापलाई लिएर बिबाद बढेको छ । प्रत्येक दुई महिनामा नेतृत्व परिवर्न गर्ने र एक बर्षभित्र महाधिवेशन घोषणा पार्टी एकीकरण वा गठनको बेला भएको थियो । तर, पार्टीको अध्यक्ष मण्डलको संयोजक बनेका महन्थ ठाकुरले नेतृत्व छाड्न नचाहेपछि बिबाद बढेको हो ।
प्रदेश नम्वर २ मा प्रभाव राख्ने राजपाले सो प्रदेशमा सरकारमा समेत सहभागी छ ।

राजापाले संघीय सरकारमा समेत सामेल हुने चाहनालाई केपी ओली नेतृत्वको सरकारले पुरा नगरेपछि राजपा सत्तारुढ हुने वा प्रतिपक्षी हुने भन्ने बिषयमा अन्योलमा परेको छ । २ नम्वर प्रदेशमा अर्को दल संघीय समाजवादी फोरमसँगको सहकार्यमा सरकार बनाएको राजापमा सरकारमा सहभागी हुने बिषयमा समेत बारम्बार बिबाद हुने गरेको छ ।

साउन अन्तिम साता प्रदेश २ को प्रदेश सभालाई संवोधन गर्न प्रधानमन्त्री केपी शर्मा ओली गएपछि राजपामा रहेको सुुसुप्त आन्तरिक बिबाद चर्किएको थियो । राजापाका महासचिव भएर पनि २ नम्वर प्रदेशमा कुनै भूमिका नपाएका मनिष कुमार सुमन र संघीय सरकारका भौतिक पूर्वाधार मन्त्री जितेन्द्रकुमार सोनलबीचको टकरावले पार्टीमा बिबाद चर्काएको हो ।

प्रधानमन्त्री ओली मधेशबिरोधी भएको र उसले प्रदेश सभाको अनुमति नलिइ संवोधन गरेको बिषयालाई लिएर राजापामा बिबाबद बढेको थियो । राजपा महासचिव मनिषकुमार सुमन लगायतले प्रधानमन्त्री ओलीले भाषण गर्ने प्रदेश सभा २ को बैठक कक्ष नै बहिस्कार गरेका थिए । प्रधानमन्त्री ओलीलाई प्रदेश २ को सभामा संवोधन गर्न दिने र नदिने बिषयमा राजपा भित्र देखिएको बिबाद यतिवेला सतहमा पोखिएको हो ।

राजपा संसदीय दलको नेता समेत रहेका मन्त्री सोनलले ओलीको संवोधनमा अवरोध गर्ने वा बिरोध गर्ने कार्यक्रम नराख्न दबाब दिएका थिए । तर, सोनलको सो आग्रह वा ह्वीप अन्य सांसदहरुले टेरेनन । सुमनसहित नौ जना राजपा सांसदे प्रधानमन्त्री ओलीको संवोधन बहिस्कार गरेका थिए । प्रदेश २ का मुख्य मन्त्री लालबाबु राउत फोरमका नेता हुन् ।

फोरम संघीय सरकारमा नेकपा नेतृत्वको सरकारको सहयात्री दल पनि हो । सभामुख राजपाका नेता सरोजप्रसाद यादब भए पनि उनले समेत ओलीको संवोधनको कार्यसूची तय गरेर मु्ख्य मन्त्री राउतको प्रस्तावलाई स्वीकार गरेका थिए । उनले राजपाका अन्य सांसदलाई वेवास्था गर्दै ओलीको संवोधनको व्यवस्था गरेको भन्दै पार्टी भित्र आलोचना गरिएको छ ।

ओलीको २ नम्वर प्रदेशको स्वागत गर्ने कि बिरोध भनेर राजपाले अझै आधिकारिका निर्णय गरेको छैन् । औपचारिक निर्णय गर्न शुक्रबार बसेको अध्यक्ष मण्डलको बैठक पनि बिना निष्कर्ष स्थगित भएको थियो । २०७४ साल बैशाख ७ गते मधेशकेन्द्रीत ६ वटा दल मिलेर बनेको राजपाले यो बर्षभित्रै महाधिबेशन गर्ने घोषणा गरेपनि हालसम्म सदस्यता बितरण समेत हुन सकेको छैन् । त्यसबेला तमलोपा, सद्भावना, रामसपा, नेसपा, फोरम गणतान्त्रिक र नेपाल सद्भावना पार्टीबीच एकता भएको थियो ।

सम्बन्धित समाचार

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ भाद्र ११, ०८: ५३: ५७

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
उपेन्द्रको असहमति हुँदाहुँदै ठाकुरले जसपा दलको नेतामा महतो नियुक्त गरे
  • २०७५ भाद्र ११, ०८: ५३: ५७

नयाँ बिकल्प,काठमाडौं । सत्तारुढ केपी शर्मा ओली नेतृत्वको सरकारलाई बिस्वासको मत दिने र नदिने विषयमा चर्किएको विपक्षी जनता समाजबादी पार्टी...

जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
जसपा नेतृत्व नपाए सरकारमा नजानेः ओली सरकारले बहुमत नपाउने निश्चित
  • २०७५ भाद्र ११, ०८: ५३: ५७

नयाँ बिकल्प,काठमाडौं । प्रधानमन्त्री केपी शर्मा ओलीले गत वैशाख २७ गते प्रतिनिधि सभाबाट विश्वासको मत लिने प्रस्तावको विपक्ष र तठस्थमा...

भर्खरै

TOP