May 18, 2021, Tuesday

सुरक्षाको कारणले चिनियाँ सञ्चार कम्पनी प्रतिबन्धित

सुरक्षाको कारण देखाउँदै अष्ट्रेलियाले दुई चिनियाँ टेलिकम कम्पनीहरूबाट फाइभजी मोबाइल सञ्जालको प्रविधि नलिने भएको छ । हुआवेईका अनुसार अस्ट्रेलियाली सरकारले आफू र जेडटीईलाई प्रतिबन्ध लगाएको छ । अस्ट्रेलियाली सरकारले ती कम्पनीहरूले चिनियाँ सरकारका लागि गुप्तचरी गर्न सूचना सङ्कलन गरेको आशङ्का गरेको हो । सो निर्णयप्रति हुआवेईले दुस्ख व्यक्त गरेको छ। “उपभोक्ताका लागि यो धेरै निराशाजनक परिणाम हो,“ उसले आफ्नो आधिकारिक ट्विटरमा लेखेको छ ।

विश्लेषकहरूले उक्त कदमको अन्तर्रा्ष्ट्रिय प्रभाव हुने आकलन गरेका छन् । अघि नै अमेरिकी सुरक्षा निकायहरूले हुआवेईका उपकरण प्रयोग नगर्न सुझाव दिइसकेका छन् । गत जुन महिनामा यूकेमा पनि सुरक्षा समितिले हुआवेईको सञ्चारसाधन राष्ट्रिय सुरक्षाका लागि खतरा नभएको निश्चित हुन नसकिने बताएको थियो । फाइभजी मोबाइल इन्टर्नेटको आगामी सुविधा हो ।

यसले विद्यमान फोरजी प्रविधिले भन्दा स्थिर कनेक्शन र व्यापक कभरेज दिने बताइन्छ । यो सञ्चालनमा आएपछि तीव्र गतिमा डेटा डाउनलोड र अप्लोड गर्न सकिनेछ । विभिन्न देशहरूले फाइभजी प्रविधिमा आधारित सञ्जाल विस्तार गर्न खोज्दैछन् । विश्लेषकहरूका अनुसार सन् २०२० सम्ममा केही स्थानमा यो सुविधा सुरु हुनेछ ।

परामर्शदातृसंस्था कनेक्टिभिटीएक्सका मार्क न्युम्यान प्रविधि आपूर्ति गर्ने कम्पनीलाई प्रतिबन्ध लगाउँदा फाइभजीको विस्तारमा ठूलो आघात पुग्ने बताउँछन् । हुआवेई सञ्चार उपकरणको सबैभन्दा ठूलो उत्पादक हो । प्रतिबन्धको निर्णयबारे टिप्पणी गर्दै चिनियाँ विदेश मन्त्रालयका प्रवक्ताले अस्ट्रेलियाले कृत्रिम अवरोध सिर्जना गर्न निहुँ बनाउन नहुने बताएका छन् । चीनले अस्ट्रेलियालाई वैचारिक पूर्वाग्रह त्याग्न र चिनियाँ कम्पनीहरूलाई प्रतिस्पर्धात्मक वातावरण उपलब्ध गराउन आग्रह गरेको छ । हुआवेईले भने आफ्ना उत्पादनहरूको प्रयोग असुरक्षित नहुने दाबी गरेको छ ।

सम्बन्धित समाचार

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७५ भाद्र ११, १०: ०९: २८

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

जर्मनीसहित ५ देशले प्रतिवन्ध लगाए नेपालसँगको यात्रा
जर्मनीसहित ५ देशले प्रतिवन्ध लगाए नेपालसँगको यात्रा
  • २०७५ भाद्र ११, १०: ०९: २८

नयाँ बिकल्प,काठमाडौं । नेपालमा अनियन्त्रित ढंगले बढी रहेको नयाँ किसिमको कोरोना भाइरसको संक्रमण नियन्त्रणमा आउन नसकेको भन्दै युरोपियन मुलुक जर्मनीले...

चीन सरकारले दिएका अक्सिजन सिलिण्डर ताताेपानी आइपुग्दै
चीन सरकारले दिएका अक्सिजन सिलिण्डर ताताेपानी आइपुग्दै
  • २०७५ भाद्र ११, १०: ०९: २८

नयाँ विकल्पकाठमाडाैं- नेपाल सरकार र निजी क्षेत्रले ल्याएका अक्सिजनलगायत स्वास्थ्य सामग्री बोकेका गाडी तातोपानी भन्सारतर्फ आउँदैछन्। चीन सरकारले नेपालमा काेराेना...

भर्खरै

TOP