May 19, 2021, Wednesday

नेतृत्वको लागि आकांक्षा देखाउँदै डा. शशांक

काठमाडौं । नेपाली कांग्रेसको १४ औँ महाधिवेशनको चर्चा सुरु भएपछि महामन्त्री डा. शशांक कोइरालाको पनि सभापतिमा नाम चर्चामा आउन थालेको छ । सभापतिमा आकांक्षाका साथ अघि बढेका कोइराला पार्टी भित्रका आफू निकट नेताहरूसँग छलफलमा व्यस्त छन् । पार्टीको विधानअनुसार २०७६ सालको फागुनमा १४औँ महाधिवेशन गर्नुपर्ने हुन्छ ।

उक्त महाधिवेशनका लागि कोइरालाले अहिलेबाटै लविङ सुरु गरेका हुन् । पछिल्लो समय उनी पार्टी कार्यकर्ताको भेला, प्रशिक्षण तथा भेटघाट कार्यक्रममा समेत व्यस्त छन् । आफू निकटका नेताहरूसँग उनले पार्टी सुधारका लागि आफ्नो विकल्प नरहेको दाबी गर्दै आएका छन् । पार्टीलाई कोइराला परिवारमा फर्काउन कोइराला पररिवारका तीन प्रभावशाली नेताहरूसमेत लागिपरेका छन् ।

कोइराला परिवारका सदस्य डा. शशांक, डा. शेखर र सुजाता कोइराला यतिबेला आन्तरिक रूपमा छलफलमा छन् उनीहरूले आफ्नो परिवारको विरासत जोगाउन एक हुनुको विकल्प नरहेको समेत आफू निकटहरूलाई बताउँदै आएका छन् । केही समयअघि विराटनगरमा भएको एक कार्यक्रममा जाँदा कोइराला निवासमा शेखर र शशांक सँगै बसेका थिए ।

उनीहरूले त्यसबेला पनि आउने महाधिवेशनमा पार्टी नेतृत्वको विषयमा निकै लामो छलफल गरेको उनी निकट स्रोत बताउँछ । कोइराला परिवारबाट सभापतिको उम्मेदवार हुँदा शशांककै नाम पहिलो नम्बरमा आउने कोइराला परिवार नजिकका नेताहरू बताउँछन् । पछिल्लो समय शशांक कार्यकर्तासँगको भेटघाटका लागि देश दौडाहामा छन् ।

उनी विभिन्न कार्यक्रममा पुग्दै कार्यकर्तामाझ आफ्ना धारणा राख्दै आएका छन् । मंगलबार मात्र कोइराला सर्लाही पुगेका थिए । त्यहाँ भएको एक कार्यकर्ता भेलामा उनले आफूलाई आश मात्र होइन, अब विश्वास गर्नुपर्ने धारणा राखेका थिए । यसले पनि कोइरालाले सभापतिको तयारीमा रहेको स्पष्ट हुने कांग्रेसमा चर्चा छ । यस्तै, बिहीबार मात्र लैनचौरस्थित एक बैंक्वेटमा रात्रिभोजको आयोजना गरेका थिए ।

भोजमा कांग्रेसका पदाधिकारी, केन्द्रीय सदस्यसहित उनी निकटका नेता तथा कांग्रेसबाट जितेका गाउँ तथा नगरपालिकाका प्रमुखरउपप्रमुख, अध्यक्षर उपाध्यक्षहरूको पनि सहभागिता थियो । कोइराला परिवारले पछिल्लो समय पार्टी सभापति शेरबहादुर देउवा र वरिष्ठ नेता रामचन्द्र पौडेल समूहसँग असन्तुष्ट भएका नेताहरूलाई समेट्ने प्रयास गरिरहेका छन् ।

खासगरी कोइराला परिवारले कृष्णप्रसाद सिटौला, प्रकाशमानसिंह र अर्जुननरसिंह केसीको समूहलाई आफूहरूसँग सहकार्य गर्न ल्याउनका लागि छलफल गरिरहेको स्रोतले बताउँदै आएको छ । यसका लागि पार्टी नेता डा. शेखर सक्रिय छन् । शशांकले आफू कुनै पनि हालतमा सभापतिबाट पछि नहट्ने आफू निकटका नेतासँगको भेटमा बताउँदै आएका छन् ।

शशांकले पार्टी भित्र गुटको अन्त्य गर्नुपर्छ भन्ने धारणा राख्दै आएका छन् । तर आउने महाधिवेशनमा पार्टी सुधारका लागि भए पनि म जसरी पनि सभापतिको चुनाव लड्छु भन्दै आएका छन् । तर उनी प्रचारका लागि भने कमजोर रहेको स्रोत बताउँछ । उनी आफू निकटका नेतासँग खुलेर सभापतिको उम्मेदवारमा चुनाव लड्ने दाबी गर्दै आएका छन् तर बाहिर भने उनी प्रचार गर्दैनन् ।

सम्बन्धित समाचार

लमजुङ केन्द्र भएर आज बिहान ५.३ म्याग्निच्युडको भूकम्पकाे धक्का
लमजुङ केन्द्र भएर आज बिहान ५.३ म्याग्निच्युडको भूकम्पकाे धक्का
  • २०७५ भाद्र १८, ०९: १५: १९

नयाँ विकल्प, काठमाडाैं- लमजुङको भुलभुले केन्द्र भएर आज बिहान ५.३ म्याग्निच्युडको भूकम्प गएकाे छ । भूकम्पको धक्का पोखरा, तनहुँ, गोरखा,...

बालबालिकालाई कोरोना खोप लगाउने ब्यावस्था गर्ने देउवाकाे आग्रह
बालबालिकालाई कोरोना खोप लगाउने ब्यावस्था गर्ने देउवाकाे आग्रह
  • २०७५ भाद्र १८, ०९: १५: १९

नयाँ विकल्प, काठमाडाैं-नेपाली कांग्रेसका सभापति शेरबहादुर देउवाले कोरोनाको तेस्रो लहर आउने र त्यसबेला बालबालिका धेरै प्रभावित हुने विज्ञहरूले बताइरहेकोले सरकारले...

देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
देश भित्रै हवाई उडान ठप्प हुँदा नेपाली बिचल्ली तर विदेशीलाई तेस्रो देश उडाउँदै सरकार
  • २०७५ भाद्र १८, ०९: १५: १९

नयाँ बिकल्प,काठमाडौं । कामकुरो एकातिर कुम्लो बोकी ठिमी तिर भने झैं देशमा कोरोना संक्रमणको महामारीबाट दैनिक दुई सयको हाराहारीमा नेपाली...

भर्खरै

TOP