May 18, 2021, Tuesday

नाजुक अवस्थामा रहेको प्राधिकरण

अहिले नाफामाः घिसिङ

काठमाडौ । राष्ट्रिय योजना आयोगका सदस्य डा. कृष्णप्रसाद ओलीले जलविद्युत सम्बन्धी ठुला आयोजनाहरु निर्माण लागि सरकार क्रियालिश रहेको जनाए । तराई विकास तथा सञ्चार केन्द्र नेपालद्वारा सञ्चालनमा ल्याइएको सञ्चार केन्द्र नेपालको हलमा आयोजना गरेको ‘जलविद्युत विकासका उपलब्धीहरु र देखिएका चुनौतीहरु’ विषयक कार्यक्रममा ओलीले सो कुरा बताएका हुन् ।

उनले सरकारले उर्जा क्षेत्रको विकासका लागि कयौं नीतिगत कुराहरु अगाडि बढाएकाले जनाउँदै मन्त्री र व्यूरोक्रेसी गहन रुपले लागिरहेको बताए ।

त्यसैगरी कार्यक्रममा उर्जा मन्त्रालयका जलविद्युत महाशाखा प्रमुख सहसचिव दिनेश घिमिरेले स्थिर सरकार भएका कारण यथार्थ परक ढँगबाट मुलुक अगाडि बढिरहेको हुनाले अब उर्जा क्षेत्रमा पनि विकासले तिव्रता पाउने धारणा राखे । सहसचिव घिमिरेले गुणस्तरीय विजुली वितरण योजनामा मन्त्रालय रहको जनाए ।

कार्यक्रममा नेपाल विद्युत प्राधिकरणका कार्यकारी निर्देशक कुलमान घिसिङ्गले नेपालमा जलविद्युत क्षेत्रमा विकास र विस्तारमा विद्युत प्राधिकरण अगाडि बढेको जनाए । लामो समयसम्म लोडसेडिङ्गको मारमा परेको नेपाली जनतलाई लोडसेडिङ्गमुक्त गर्न सफल भएको बताउँदै घिसिङ्गले नाजुक अवस्थामा रहेको प्राधिकरणले २ वर्षयता नाफामा जान सफल भएको बताए ।

घिसिङ्गले प्राधिकरणको कयौं चुनौतीहरु रहेको जनाउँदै जलविद्युत विकासका लागि डिष्ट्रिव्यूसन सिस्टम र (इन्भेष्ट) लगानी प्रमुख आवश्यकता भएकाले यस विषयमा उर्जा मन्त्रालय र विद्युत प्राधिकरणले महत्वपूर्ण कार्यहरु अगाडि बढाएको जनाए । विजुलीका तार झर्ने कारण वर्षेनी कयौं व्यक्तिहरुको मृत्यु भईरहेकोले सुरक्षाका लागि तारका पोलहरु हटाउनेतर्फ प्राधिकरण अगाडि बढेको जनाए ।

पत्रकार तथा जलविद्युतसम्बन्धी जानकार विकास थापाले नेपालका उपल्लो तहका व्यक्तिहरु नै लाइसेन्स वितरण गरि कमिसन लिने खेलमा लागेका कारण जलविद्युत क्षेत्रमा फड्को मार्न नसकेको दाबी गरे ।

उनले नेपालका मन्त्री तथा उपल्लो तहका सरकारी अधिकारीहरु विदेशी कम्पनीको प्रलोभनमा परेर लाइसेन्स दिएपनि उत्पादनमा भने ध्यान दिन नसक्दा नेपालीहरु लामो समयसम्म लोडसेडिङ्गको मार खेप्नुपरेको बताए । नेपालमा रहेका जलाशययुक्त आयोजनाहरुमा बैदेशिक लगानी भित्र्याएर भएपनि छिटोभन्दा छिटो सम्पन्न गर्नुपर्ने तर्क गर्दै उनले अब नेपालले आयात होइन निर्णय गर्नुपर्ने धारणा राखे ।

सञ्चार केन्द्र नेपालका अध्यक्ष गोविन्दप्रसाद चौलागाईंले हामी जलविद्युत क्षेत्रमा आत्मनिर्भर हुँदै विदेशमा निर्यात गर्ने स्रोत भएपनि विविध कारणले हामीले विदेशमा विद्युत खरिद गर्नुपर्ने दयनीय अवस्था रहेको जनाउँदै यस्तो समस्या समाधान गर्नको लागि सरकारले उपयुक्त कदम चाल्नुपर्ने बताए ।

जलउर्जामा फड्को मार्न सके मुलुक सम्बृद्धितर्फ लाग्न सक्छ भन्दै चौलागाई्रले मुलुकलाई सम्बृद्धितर्फ लैजाने हो भने जल उर्जा क्षेत्रको विकासमा नीतिगत रुपमै सुधार गरी लैजानु आवश्यक रहेको जनाए । उक्त कार्यक्रममा सौर्य विद्युत उत्पादन संघका किरण गौतम र बर्मा सरकारका उर्जा सल्लाहकार मधुसुदन अधिकारीलगायतका वक्ताहरुले आ–आफ्नो धारणा राखेका थिए ।

सम्बन्धित समाचार

भारतले बनाएको कोरोना विरूद्धकाे औषधि के हाे ?
भारतले बनाएको कोरोना विरूद्धकाे औषधि के हाे ?
  • २०७५ आश्विन १, ०८: १७: ५९

नयाँ विकल्प, काठमाडाैं- भारतका रक्षामन्त्री राजनाथ सिंह र स्वास्थ्य मन्त्री हर्ष वर्द्धनले सोमबार भारतमा उत्पादित कोभिड विरुद्धको औषधि टु–डिजी अर्थात्...

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७५ आश्विन १, ०८: १७: ५९

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

मदन-आश्रितकाे रहस्यमय मृत्युः   गुपचुपमै विते २८ बर्ष
मदन-आश्रितकाे रहस्यमय मृत्युः गुपचुपमै विते २८ बर्ष
  • २०७५ आश्विन १, ०८: १७: ५९

नयाँ विकल्प काठमाडाैं- नेपाल कम्युनिष्ट आन्दाेलनका शिखर पुरूष मदन भण्डारी तथा जिवन आश्रितकाे चितवन स्थित दासढुङ्गामा कार दुर्घटनामा मत्यु भएकाे...

भर्खरै

TOP