May 18, 2021, Tuesday

फाँक्सबैंगनको नयाँ पोलो १.० बजारमा

काठमाडौं । पूजा इन्टरनेशनल नेपाल प्राइभेट लिमिटेडले फाँक्सबैगनकोे नयाँ मोडलको गाडी पोलो १.० नेपाली बजारमा ल्याएको छ । कम्पनीले काठमाडौंको थापाथलीमा पत्रकार सम्मेलन आयोजना गरी नयाँ गाडी नेपाली बजारमा ल्याएको जानकारी गराएको हो । ९९९ सीसी र ७६ एजपी इन्जिन क्षमता रहेको सो गाडी इन्धन बचतमा किफायति भएको दाबी कम्पनीले गरेको छ ।

यसअघि नेपाली बजारमा फल्क्सवागन पोलो गाडी १६०० र १२०० सीसीमा आएका थिए । आर्थिक वर्ष २०७५÷०७६ को बजेटमा व्यवस्था भएअनुसार १००० सीसीभन्दा माथिका गाडीमा कर बृद्धि गरिएको भए पनि उक्त नयाँ मोडलको गाडी खरिदले उपभोक्तालाई कर बृद्धिले कुनै असर नपर्ने कम्पनीले जनाएको छ ।

गाडीको बजार मूल्य २६ लाख ९५ हजार रहेको कम्पनीले जनाएको छ । नेपालीहरु घरदैलोमै आइपुग्न लागेको महान पर्व वडा दशैको अवसर पारेर गाडीमा मूल्यमा विशेष छुटको व्यवस्था गरिएको छ । जस्तै गाडीमा एन्टिलक ब्रेकिङ सिस्टम, एयर एयर ब्याग, गाल्भनाइज्ड बडी, पावर बिन्डो, रियर भ्यू क्यामेरा, पोलन फिल्टर सहितको एयर कन्डिसन, पावर स्टरिङ आदि समावेश गरिएको कम्पनीद्वारा जारी विज्ञप्तिमा उल्लेख छ ।

सन् २०११ मा नेपाली बजारमा ल्याएको पोलो १.६ ह्याचब्याक गाडी अत्याधिक सफल र दोस्रो बजारमा पनि सबैभन्दा बढी मूल्य पाउने गाडी रहेको कम्पनीले जनाएको छ । पोलो १.० ले पनि ग्राहकबाट त्यतिकै माया पाउने आशा कम्पनीले लिएको छ । फाँक्सबैंगन पोलो नियमित मर्मतमा लाग्ने खर्चको हिसाबमा सबैभन्दा कम खर्चिलो रहेको स्वतन्त्र सर्भे गर्ने संस्था ईलम कन्सल्टेन्सीले कार्यक्रममा प्रष्ट पारेको थियो । कम्पनीले फाँक्सबैंगन पोलो गाडी अन्य ब्राण्डका सोही समूहका गाडी भन्दा ३० प्रतिशत कम खर्च पर्ने देखाइएको छ ।

अध्ययनअनुसार अन्य ब्रान्डका गाडीहरु ५ हजार किमीमा सर्भिसिङ गर्नुपर्ने भए पनि फाँक्सबैंगन पोलो गाडी १५ हजार किमीसम्म आनन्दले चलाउन सकिने छ । कार्यक्रममा पुजा इन्टरनेशनल प्रा.लि.का कार्यकारी कधिधृत विवेक बिजुक्छेले अन्तर्राष्ट्रिय गाढीको ब्यापारमा पछिल्ला दुई वर्षमा फाँक्सबैंगन अगाडि रहेको बताए ।

कम्पनीले सन् २०१७ मा मात्रै झन्डै डेढ करोडको हाराहारीमा बिक्री भएको बिजुक्छेले बताए । फाँक्सबैंगनको नेपालमा हाल ९ वटा सर्भिस स्टेशन रहेको छ । जसमध्ये ३ वटा काठमाडौंमा रहेको छ । बजारमा ल्याएको उक्त मोडलको गाडी लोकप्रिय दरको रुपमा स्थापित गर्न सकिने कम्पनीले जनाएको छ ।

सम्बन्धित समाचार

सेयर बजारमा अर्काे नयाँ रेकर्ड : हाइड्रोपावरमा बढी आकर्षण
सेयर बजारमा अर्काे नयाँ रेकर्ड : हाइड्रोपावरमा बढी आकर्षण
  • २०७५ आश्विन १, ०८: २२: १५

नयाँ विकल्प काठमाडौं : सेयर बजारमा सोमबार पनि उत्साह जारी छ । नेप्से सूचकका साथमा खरिदबिक्री रकममा पनि राम्रो छ...

तराई-मधेश द्रुत मार्गः  सुरूङ बनाउने ठेक्का चिनियाँ कम्पनीलाई
तराई-मधेश द्रुत मार्गः सुरूङ बनाउने ठेक्का चिनियाँ कम्पनीलाई
  • २०७५ आश्विन १, ०८: २२: १५

नयाँ विकल्प, काठमाडाैं- काठमाडौं-तराई-मधेश द्रुत मार्ग(फास्ट ट्रयाक)को सुरुङ निमार्णका लागि नेपाली सेनाले दुई चिनियाँ कम्पनीसँग सम्झौता गरेको छ। द्रुत मार्गमा...

सिंगापुर बेभरेजका शर्मालाई युरोपको विश्वविद्यालयबाट बिद्याबारिधी उपाधि
सिंगापुर बेभरेजका शर्मालाई युरोपको विश्वविद्यालयबाट बिद्याबारिधी उपाधि
  • २०७५ आश्विन १, ०८: २२: १५

नयाँ बिकल्प,काठमाडौं । फ्रान्सको पेरिसस्थित युरोपियन इन्टरनेसनल युनिभर्सिटीले सिंगापुर बेभरेजेज नेपाल प्रालिका संस्थापक तथा म्यानेजिङ डाइरेक्टर आशिष शर्मालाई इन्टरनेसनल बिजनेस...

भर्खरै

TOP