March 2, 2021, Tuesday

पुराना गाडी चलाउने मन्त्रीको दाउ

काठमाडौ । यातायात व्यवसायी र मोटर्स पार्टसका व्यवासायीको प्रभावमा परेर सरकारले २० बर्षे पुराना सवारी साधान हटाउने प्रावधानलाई खारेज गर्ने भएको छ । भौतिक पूर्वाधार तथा यातायात मन्त्री रघुबीर महासेठले सरोकारावाला निकाय यातायात व्यवस्था विभागलाई छल्दै मन्त्रालयका एक उपसचिवलाई प्रस्ताव गर्न लगाएर आफैले सलर गर्दै मन्त्रीपरिषद् बैठकमा पेश गर्ने तयारी गरेका छन् ।

सरकारले १ चैत २०७४ देखि नेपालबाट २० बर्ष पुराना भाडाका बस, ट्रक, मिनी बस, मिनी ट्रक, भ्यान, जीप, कारलाई सञ्चालनमा रोक लगाएको थियो । तर व्यवसायीको आग्रहमा मन्त्री महासेठले बिहीबार मन्त्रीस्तरिय निर्णय गराई मन्त्रिपरिषद्मा लगेका हुन ् । तर प्रधानमन्त्री ओलीले केही दिन पर्खिने भनेपछि रोकिएको छ । प्रधानमन्त्री ओली अमेरिकी भ्रमण सकेर फर्किएपछि मात्र सो बिषयमा निर्णय हुने बताइएको छ ।

मन्त्रालय स्रोतका अनुसार महासेठले विभिन्न कारण देखाउँदै काठमाडौं महानगरपालिका र पोखरा महानगरपालिकाबाहेक अन्यत्र देशव्यापी सञ्चालन गर्न पाउने प्रस्ताव गरेका छन् । मुलुकभर हाल २० बर्ष पुराना त्यस्ता सवारीको सख्या करिव १० हजार रहेको छ । नारायणी अञ्चलमा मात्र त्यस्ता सवारीको सख्या दुई हजार तीन सय रहेको छ ।

महासेठले निकट भविश्यमा आएको चाडबाडमा यात्रुको चाप र सामग्री ढुवानीको चापलाई समेत मध्यनजर गर्दै यस्तो प्रस्ताव गरेको दाबी गरेका छन् । तत्कालिन मन्त्रिपरिषद्को २६ भदौ २०७१ को बैठकले २ बर्षभित्र २० पुराना सवारी साधनको सञ्चालनमा रोक लगाउने निर्णय गरेको थियो । यातायात माफियाको दबाबमा १८ फागुन ०७१ मा मात्र राजपत्रमा सूचना प्रकाशित गर्दै २ बर्ष भित्र २० बर्ष पुराना सवारी सञ्चालनमा रोक लगाउने जनाइएको थियो ।

त्यसको अवधि पुन एक बर्ष थपेर १ चैत २०७४ देखि सरकारले २० बर्ष पुराना सवारीमा रोक लगाएको थियो । २० बर्ष पुराना सवारी सञ्चालनमा रोक लगाएको करिव ६ महिनापछि सरकारले सो निर्णयमा पुनर्विचार गर्न लागेको हो ।

पुराना र थोत्रा सवारी साधनको सञ्चालनमा रोक नलगाउँदा सवारी दुर्घटनामा बृद्धि भएको र त्यसबाट बर्षेनी करोडौंको धनजनको क्षति हुँदै आएको छ । पुराना भएका भाडाको सवारी साधनको कार्बोरेटर, क्लजप्लेट, गियर बक्स, इञ्जिन कमजोर हुँदा सवारी दुर्घटनाको सम्भावना हुने गर्छ ।

२०५२ सालमा वातावरण मन्त्रालयले पुराना सवारी साधनले धुवाँ फ्याक्दा कार्बन मोनोअक्साईड निस्कने र त्यसबाट मानव स्वास्थ्यमा गम्भिर असर गर्ने भन्दै प्रदुषण जाँचको व्यवस्था भएको थियो ।

सम्बन्धित समाचार

करोडौं रकम ठग्ने एयरटेल सहकारीका सञ्चालकलाई जेल र जरिवाना,  नागरिकता नै नक्कली
करोडौं रकम ठग्ने एयरटेल सहकारीका सञ्चालकलाई जेल र जरिवाना, नागरिकता नै नक्कली
  • २०७५ आश्विन ८, १०: २८: ५२

नयाँ बिकल्प,काठमाडौं । सहकारीको नाममा सयौं सर्वसाधारणले बचत गरेको करोडौं रुपैया हिनामिना गर्ने राजाधानीको न्यूरोडस्थित धर्मपथको एयरटेल सहकारी संस्थाका सञ्चालकलाई...

प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
  • २०७५ आश्विन ८, १०: २८: ५२

’नयाँ बिकल्प,काठमाडौं – दुुई वर्षअघि अर्थात २०७५ फागुन २८ गते नेत्र बिक्रम चन्द उर्फ विप्लव नेतृत्वको तत्कालिन नेपाल कम्युनिष्ट पार्टीलाई...

सुुगरको मात्रा उच्च र अक्सिजन कम देखिएपछि कांग्रेस नेता श्रेष्ठ अस्पतालमा भर्ना
सुुगरको मात्रा उच्च र अक्सिजन कम देखिएपछि कांग्रेस नेता श्रेष्ठ अस्पतालमा भर्ना
  • २०७५ आश्विन ८, १०: २८: ५२

नयाँ बिकल्प,काठमाडौं – नेपाली कांग्रेसका नेता तथा पूर्वउपसभापति गोपालमा श्रेष्ठलाई मंगलबार बिहान अस्पताल भर्ना गरिएको छ । शरिरमा अक्सिजनको मात्रामा...

भर्खरै

TOP