एनआईसीले ऋणपत्र निष्कासन गर्दै

NayaBikalpa
प्रकाशित मिती: २०७५ कार्तिक १४, ११: ५२: ३५

काठमाडौं । एनआईसी एशिया बैंकले एक हजार अंकितको दरले ४० लाख कित्ता बराबरको ४ अर्ब रुपैयाँ एनआईसी एशिया ऋणपत्र २०८५÷८६ को बिक्री गर्त लागेको छ ।

यसको बिक्री प्रवन्धकको जिम्मा एसबिआई मर्चेन्टलाई दिइएको हो । एनआईसी एशियाले ४ अर्ब रुपैयाँको ऋणपत्र ११ प्रतिशत ब्याजदर दिने गरेर निकाल्ने छ । यसअघि बैंकले जारी गरेको रु १ अर्ब ८३ करोड रुपैंयाको ‘११ प्रतिशत एनआईसी एशिया ऋणपत्र २०८२÷८३’ सम्पूर्ण रुपमा आवेदन प्राप्त भई बाँडफाँड समेत भइसकेको छ ।

प्रस्तावित ११ प्रतिशत व्याज भएको यस ऋणपत्र लगानीकर्ताका लागि उत्कृष्ट प्रतिफलसहितको दीर्घकालीन लगानी गर्ने सुवर्ण अवसर मानिएको छ । उक्त ऋणपत्र निष्कासन सम्बन्धी सम्झौतापत्रमा एनआईसी एशिया बैंकका कामु प्रमुख कार्यकारी अधिकृत रोशनकुमार न्यौपाने र नेपाल एसबिआई मर्चेन्ट बैंकिङ लिमिटेडका तर्फबाट प्रबन्ध निर्देशक छपिराज पन्तले संयुक्त हस्तक्षर गरेका हुन् । ऋणपत्र धितोपत्र बोर्डले स्वीकृती दिएपछि बैंकले ८० प्रतिशत ऋणपत्र व्यक्तिगत तथा २० प्रतिशत सर्वसाधारणका लागि छुट्ट्याएको छ ।