February 26, 2021, Friday

भारतीय राजदुतमा आचार्यको नाम सिफारिस

मन्त्रिपरिषद्ले छिमेकी भारतसहित तीन मुलुकमा राजदूत नियुक्तिका लागि नाम सिफारिस गरेको छ । मन्त्रिपरिषद्को आइतबारको बैठकले भारतका लागि नेपाली राजदूतमा निलाम्बर आचार्यलाई सिफारिस गरेको हो । राजनीतिक विश्लेषक एवम पूर्वमन्त्री आचार्य नेपाल भारत प्रबुद्ध समूहका सदस्यसमेत हुन् । आचार्य २०४७ सालसम्म कम्युनिष्ट नेताको रुपमा चिनिन्थे । उनी बाममोर्चाको तर्फबाटनै २०४७ सालमा विश्वनाथ उपाध्यायको संयोजकत्वमा गठित संविधान मस्यौदा आयोगको सदस्य थिए ।

उनी नेपाली कांग्रेसको तर्फबाट संविधान सभा सदस्य भएका थिए । संविधान सभामा मस्यौदा समितिको सभापति समेत भएका आचार्यले तत्कालिन माओवादीका सभासद नारायणकाजी श्रेष्ठलाई पराजित गरेका थिए । दुई बर्षअघि तत्कालिन एमाओबादीको समर्थनमा केपी शर्मा ओली नेतृत्वको संयुक्त सरकारले गठन गरेको नेपाल भारत प्रवुद्ध समुहका सदस्यमा नियुक्ति पाएका थिए ।

यसअघि पूर्वप्रमुख निर्वाचन आयुक्त नीलकण्ठ उप्रेतीलाई भारतका लागि राजदूतमा सिफारिस गरेको विषय विवादमा परेपछि सरकारले अहिले आचार्यलाई सिफारिस गरेको हो । भारतको लागि नेपाली राजदूत एक बर्षदेखि रिक्त रहेको छ । भारतका लागि नेपालका तत्कालीन राजदूत दीपकुमार उपाध्यायले प्रतिनिधि र प्रदेशसभा निर्वाचनअघि गत बर्ष कात्तिकमा राजीनामा दिएपछि सो पद रिक्त थियो ।

उपाध्याय कांग्रेसबाट प्रतिनिधिसभामा उम्मेदवार बनेका थिए । सरकारले मलेसियाको राजदूतमा उदयराज पाण्डे र संयुक्त अरब इमिरेट्स (युएई) को राजदूतमा कृष्ण ढकालको नाम सिफारिस गरेको छ । उनी परराष्ट्र मन्त्रालयका सहसचिव स्तरका कर्मचारी हुन् । यस्तै संयुक्त राष्ट्रसंघको जेनेभास्थित नियोग प्रमुखमा दीपक धिताललाई नै निरन्तरता दिने निर्णय मन्त्रिपरिषद्ले गरेको छ । सरकारले सिफारिस गरेको नाममा सम्बन्धित मुलुकबाट एग्रिमो आएपछि राजदूत नियुक्ति प्रक्रिया संसदीय समिति हुँदै अघि बढ्छ । यस्तो मलेसियाको राजदूतमा उदयराज पाण्डेलाई सिफारिस गरिएको छ ।

बैठकले कर्मचारी समायोजन विधेयक स्वीकृतिका लागि लोकसेवा आयोगमा पठाउने निर्णय गरेको छ । मन्त्रिपरिषद्ले राष्ट्रिय खेलकुद परिषद् सदस्यमा पीताम्बर तिमल्सिना, सरोज गुरुङ र इन्दिरा निरौलालाई नियुक्त गरेको छ । बैठकले नागरिक लगानी कोषमा रमण नेपाललाई नियुक्त गरेको छ भने नेपाल प्रहरीकी डा. दुर्गा थापालाई एआइजीमा बढुवा गरेको छ ।

सम्बन्धित समाचार

फागुन २२ वा २३ गते संसद अधिवेशन बेलाउन सिफारिस गर्ने तयारीमा ओली सरकार
फागुन २२ वा २३ गते संसद अधिवेशन बेलाउन सिफारिस गर्ने तयारीमा ओली सरकार
  • २०७५ कार्तिक २७, ०७: ४६: ०५

नयाँ बिकल्प, काठमाडौं – प्रधानमन्त्री केपी शर्मा ओलीले आगामी फागुन २२ वा २३ गतेभित्रै संसद अधिवेशन बोलाउन राष्ट्रपतिसमक्ष सिफारिस गर्ने...

चिनियाँ र भारतीय राजदूतले भेटे कांग्रेस सभापति देउवालाई
चिनियाँ र भारतीय राजदूतले भेटे कांग्रेस सभापति देउवालाई
  • २०७५ कार्तिक २७, ०७: ४६: ०५

नयाँ बिकल्पकाठमाडौँ – प्रतिनिधि सभा पुनःस्थापना भएपछि नयाँ सरकार गठनको चर्चा चलिरहेका बेला नेपालको उत्तरी छिमेकी देश चीन र दक्षिणी...

मस्तिष्क पक्षघात भएका जोशीको शल्यक्रिया गरी एमआइसीयूमा उपचार हुँदै, अवस्था गम्भीर
मस्तिष्क पक्षघात भएका जोशीको शल्यक्रिया गरी एमआइसीयूमा उपचार हुँदै, अवस्था गम्भीर
  • २०७५ कार्तिक २७, ०७: ४६: ०५

नयाँ बिकल्प,काठमाडौं – शुक्रबार राति नै अस्वस्थ भई बीर अस्पताल लगिएका नेपाली कांग्रेसका केन्द्रीय सदस्य तथा पूर्व मन्त्री नविन्द्रराज जोशीलाई...

भर्खरै

TOP