March 3, 2021, Wednesday

मन्त्री पण्डितलाई उपसचिवको चुनौतिः श्रम सचिवलाई कार्वाही गर्नुस्

विराटनगर । घुस र कमिसन नखाने र मन्त्री तथा सचिवलाई पनि नखुवाउने आप्mनो व्यवहारको कारण बारम्बार सरुवा हुनु परेको भन्दै सामाजिक सञ्जालमा छाएका उपसचिव प्रेमप्रसाद सञ्जेलले श्रम सचिवलाई कारबाहीको लागि उजुरी गरेका छन् ।

उनले संघीय मामिला तथा सामान्य प्रशासन मन्त्री लालबाबु पण्डितलाई पत्र लेखेर आफ्नो सरुवा बदर गर्न र निजामती सेवा ऐन विपरित सरुवा गर्ने श्रम सचिवलाई कारबाही गर्न माग गरेका छन् । दुई पाना लामो हस्तलिखित निवेदन सञ्जेलले प्रधानमन्त्री तथा मन्त्रिपरिषदको कार्यालयलाई पनि बोधार्थ दिइएका छन् ।

जिल्ला निर्वाचन कार्यालय मोरङबाट श्रम कार्यालय विराटनगरमा सरुवा भएको दुई महिना बित्न नपाउँदै व्यवसायिक सिप विकास तालिम प्रतिष्ठान इटहरी सरुवा गरिएपछि उपसचिव सञ्जेलले पत्रकार सम्मेलन गर्दै भ्रष्ट कर्मचारीको चंगुलमा मन्त्री मन्त्रि पण्डित र सचिव परेको दाबी गरेका थिए ।

उनले गरेको पत्रकार सम्मेलनको दृष्य सामाजिक सञ्जाल फेसवुक र ट्वीटरमा भाइरल भएको छ । श्रम रोजगार तथा सामाजिक सुरक्षा मन्त्रालयको सचिवस्तरीय निर्णयबाट पुस ५ गते सञ्जेलको सरुवा गरेको थियो ।

निवेदनमा निजामती सेवा ऐन २०४९ विपरित आफ्नो सरुवा भएको भन्दै सञ्जेलले यथास्थानमा काम गर्न पाउनुपर्ने माग गरेका छन् । ६ वटा कारणले आफ्नो सरुवा कानुन सम्बत नभएकाले बदर गर्नुपर्ने उनको तर्क छ । सञ्जेलले हुलाक मार्फतपत्र पठाएको जानकारी दिँदै सरकारले सरुवा बदर नगरे अदालत जाने चेतावनी पनि दिएका छन् । श्रम कार्यालयमा आएपछि सामाजिक सुरक्षा ऐन र श्रम ऐन कार्यान्वयन गर्नुर्का साथै भ्रष्टाचार विरोधी गतिविधी गरेकै कारण आफ्नो सरुवा भएको सञ्जेलको दाबी छ ।

सम्बन्धित समाचार

डोको–डालो बनाएरै आम्दानी गर्दै महिला
डोको–डालो बनाएरै आम्दानी गर्दै महिला
  • २०७५ पुष २३, १०: ०३: ४६

नयाँ विकल्प नवलपरासी- बाँसको चोया काटेर महिलाले डोको–डालो बुन्छन्भन्दा धेरैलाई आश्चर्य लाग्न सक्छ । समुदायमा विशेषगरी पुरुषले मात्रै डोको–डालो बुन्ने...

झापामा ब्राउनसुगरसहित दुई जना पक्राउ
झापामा ब्राउनसुगरसहित दुई जना पक्राउ
  • २०७५ पुष २३, १०: ०३: ४६

नयाँ विकल्प झापा- मेचीनगर नगरपालिका–६ स्थित मेची पुलबाट लागुऔषध ब्राउनसुगरसहित मङ्गलबार दुई जना पक्राउ परेका छन् । पक्राउ पर्नेमा पाँचथर...

प्रचण्ड-नेपाल पक्षको केन्द्रीय कमिटी बैठक बस्दै
प्रचण्ड-नेपाल पक्षको केन्द्रीय कमिटी बैठक बस्दै
  • २०७५ पुष २३, १०: ०३: ४६

नयाँ विकल्प, काठमाडाैं- संसद बैठक र सरकार गठनबारे रणनीति तय गर्न नेकपाको प्रचण्ड-नेपाल पक्षको केन्द्रीय कमिटी बैठक बाेलाएकाे छ ।...

भर्खरै

TOP