March 4, 2021, Thursday

काँग्रेसका युवा नेता पनि बुथबाट तर्सिए

काठमाडौं । नेपाली काँग्रेस सधैँ आन्तरिक विवादमा फस्दै आएको छ । कांग्रेसभित्र एउटा विवाद उब्जिएपछि समाधान हुन नपाई अर्को विवाद देखा पर्दै गएको छ । विवाद बढ्दै गएपछि समाधान गर्नका लागि कांग्रेसले महासमिति बैठक समेत बोलायो । तर महासमिति बैठकमा सर्वसम्मत पारित भएका विषयहरु अहिले कार्य समितिमा विवादित बन्दै आएका छन् ।

उक्त महासमिति बैठकमा पनि अधिकांश केन्द्रीय सदस्यहरु बेखुसी थिए । जिल्ला सभापतिहरूले केन्द्रीय सदस्य पनि क्षेत्रीय प्रतिनिधि र महाधिवेशन प्रतिनिधि हुन बुथबाटनै आउनुपर्ने मुद्दा उठाउँदै आएका थिए । उक्त मुद्दा हेटौडा भेलादेखि ककनी भेला हुँदै महासमितमा समेत निकै तहल्का मच्चाएका थिए ।

यसरी तहल्का मच्चिएपछि अधिकांश केन्द्रीय सदस्यहरु समेत झस्किएका थिए । महासमितिको बैठकमा जिल्ला सभापतिहरू र अधिकांश महाधिवेशन प्रतिनिधिहरुको बहुमतका कारण नेताहरूलाई केन्द्रीय समितिबाट उक्त विषय समेटेर विधान पारित गर्ने प्रतिबद्धता नजनाई सुखै भएन । यस्तो प्रतिबद्धता सभापति शेरबहादुर देउवा र वरिष्ठ नेता रामचन्द्र पौडेलले नै गरिसकेको अवस्थामा अहिले आएर उक्त प्रस्ताव माथि केन्द्रीय समितिमै खेलबाड भएको छ ।

जिल्ला सभापतिहरूले उठाएको अर्को विषय थियो, समानुपमातिकको सूचीमा एकपटक परेकालाई अर्कोपटक अवसर दिन हुँदन भन्ने । जिल्ला सभापतिहरूको यो प्रस्तावले सधैँ समानुपातिकको सूचीमा परिरहने नेताहरूको मनमा ढ्यांग्रो बज्यो । महासमिति सक्दै गर्दा यो विषयलाई समेट्छु नभनेसम्म जिल्ला सभापतिहरूले नदिने भएपछि सभापति र वरिष्ठ नेताले प्रतिवद्धता जनाए । तर त्यो प्रतिवद्धतापछि सभापति निकटका नेताहरू भने यो प्रतिवद्धता कायम नगर्नका लागि लविङमा उत्रिए ।

तल्लो तहबाटै निर्वाचित भएर आउने विषयमा युवा नेता नै डराएको शुक्रबार बसेको केन्द्रीय समिति बैठकमा प्रष्ट हुन्थ्यो । बैठकमा बाल्ने केही युवा नताहरूले यो विषयलाई नछोइकनै आफ्नो धारणा राखे भने केहीले केन्द्रीय सदस्यहरू तल्लो तहमा जान नहुने धारणा राखे । केन्द्रीय सदस्य गुरुराज घिमिरेले यो विषयलाई प्रवेश नै गराएनन् । ‘केन्द्रीय सदस्यहरू तलैबाट आउने कुरामा युवा नेता पनि डराएको देखियो’, बैठकमा सहभागी एक युवा नेताले भने, ‘गुरुजीले यो विषय प्रवेश नगराउनुको कारण पनि त्यही हो ।

विवादित होइन्छ भनेर मात्र उहाँले बोल्नु भएन ।’ यस्तै चन्द्र भण्डारीले पनि आफू तल्लै तहबाट आउनुपर्ने विषयको विपक्षमा रहेको स्पष्ट पारे । ‘म पनि केन्द्रीय सदस्यहरू तल्लै तहबाट आउनुपर्छ भन्नेको विरोधी हुँ’, उनले भने, ‘तर केन्द्रीय सदस्यले चाहिँ जित्नै सक्दैनन् भन्नेजस्ता धारणा आएका छन् यसले गर्दा तलैबाट आउने व्यवस्था राख्नुहुन्न भन्ने लागेको छ ।’ केन्द्रीय सदस्य तलैबाट आउनुपर्छ भन्ने विषयमा नेता कृष्णप्रसाद सिटौला समूह भने निकै प्रतिवद्ध देखिए ।

बैठकमा नेता सिटौलाले सभापति र वरिष्ठ नेतालाई प्रतिवद्धता नभुल्न आग्रह गरे । डा. शेखर कोइरालले पनि केन्द्रीय सदस्यहरू तलैबाट आउनुपर्ने बताए । यस्तै, सिटौला निकट नेता गगन थापाले पनि कुनै हालतमा जिल्ला सभापतिहरूसँग गरेको प्रतिवद्धता बिर्सन नहुने बताए भने त्यस्तो निर्णय गरे फरक मत लेख्ने धम्की समेत दिए ।

सम्बन्धित समाचार

प्रधानमन्त्री ओलीलाई कारबाही गरिकाे पत्र संसद सचिवालय पेश
प्रधानमन्त्री ओलीलाई कारबाही गरिकाे पत्र संसद सचिवालय पेश
  • २०७५ माघ २८, ०९: १४: ५०

नयाँ विकल्पकाठमाडाैं- नेकपा प्रचण्ड–माधव समूहले संसद सचिवालयलाई पत्र पठाएर प्रधानमन्त्री केपी शर्मा ओलीलाई पार्टी सदस्यबाटै निश्कासन गरेको भन्दै संसदीय दलको...

सम्झना बाेहाेरा हत्याको अपराधी २० दिनपछि सार्वजनिक
सम्झना बाेहाेरा हत्याको अपराधी २० दिनपछि सार्वजनिक
  • २०७५ माघ २८, ०९: १४: ५०

नयाँ विकल्प गुल्मी- रेसुङ्गा नगरपालिका–३ अन्तर्गत भाडगाउँमा २२ वर्षीय सम्झना बोहोरा क्षेत्रीको हत्या गर्ने व्यक्तिलाई प्रहरीले पक्राउ गरी सार्वजनिक गरेको...

जेब्रा क्रसिङमा सवारीले ठक्कर दिएर विद्यार्थी मारेको भन्दै कोटेश्वरमा बिरोध प्रदर्शन
जेब्रा क्रसिङमा सवारीले ठक्कर दिएर विद्यार्थी मारेको भन्दै कोटेश्वरमा बिरोध प्रदर्शन
  • २०७५ माघ २८, ०९: १४: ५०

नयाँ बिकल्प, ललितपुर । बुधबार बिहान कलेज हिँडेकी एक छात्रालाई ललितपुरको बागडोलस्थित रिङरोडको सडक जेब्रा क्रसिङबाट पार गर्ने क्रममा एक...

भर्खरै

TOP