May 13, 2021, Thursday

ओलीका लागि लुटेरा समूह प्रचण्डको लागि कसरी मित्र भए ?

प्रचण्डलाई मार्न विप्लवले माइन्युट गरेकै हुन् ?

 काठमाडौं । नेत्र बिक्रम चन्द विप्लव नेतृत्वको नेपाल कम्युनिष्ट पार्टीलाई प्रतिवन्ध लगाउने घोषणा गर्नु अघिल्लै दिन प्रधानमन्त्री केपी शर्मा ओलीले कम्युनिष्टको नाममा केही समुहले लुटपाट मच्चाइ रहेको बताएका थिए ।

उनले विप्लवको नेकपालाई मन्त्रिपरिषद बैठकबाटै प्रतिवन्ध लगाएपछि लुटेरा समूहकै उपमा दिए । तर सत्तारुढ नेकपाकै अर्का अध्यक्ष पुष्पकमल दाहाल प्रचण्डले भने विप्लवलाई लुटेरा भन्ने शब्द प्रयोग गरेका छैनन् ।

सायद अर्को अध्यक्ष तथा प्रधानमन्त्री केपी शर्मा ओलीले प्रयोग गरेको शब्दप्रति प्रचण्डलाई मन नपरेको हो कि भन्ने बुझ्न सकिन्छ । दाहालले औपचारिक कार्यक्रममा समेत विप्लव प्रचण्ड बन्न खोजेको भन्दै फरक बाटो समात्न सुझाव दिए ।

उनले विप्लवलाई लुटेरा वा अराजनीतिक संगठनको नेतृत्व गरेको आरोप नलगाइ प्रचण्ड बन्ने प्रयास वा नक्कल नगर्न सुझाव दिएका थिए । पहिलेको जस्तो अहिले ५२ साल नभएको, परिस्थिति बदलिएको, राजसंस्था नरहेको, समावेसी सिद्धान्तको आधारमा राज्य संचालित भएको र आफ्नै सहकर्मीहरु सत्ता रहेको अवस्थालाई समेत बुझ्न आग्रह गरे । राजा ज्ञानेन्द्रले राजा महेन्द्रको नक्कल गर्दा राजसंस्था नै फालिएको उदाहारण प्रस्तुत गर्दै प्रचण्डले आफूले प्रचण्ड बन्न चाहेर नभएको दाबी गरे ।

प्रचण्डले विप्लवको क्रियाकलापमाथि टिप्पणी त गरेका छैनन तर आफ्नै सचिवालयमा सचिव भएर काम गरेको व्यक्तिले आफैले शुरु गरेको जनयुद्धको बाटो पक्रेकोमा चिन्ता छ । त्यसैले उनले औपचारिक कार्यक्रममै भर्ने बिप्लवले मलाई मार्न एक नम्वरमै नाम राख्नु भएको छ रे ।’

प्रचण्डका अनुसार उनलाई यस्तो सूचना विहीबार बिहान प्रधानमन्त्री केपी शर्मा ओलीले सुनाएका हुन रे । प्रचण्डले आफूलाई मारेर संघीयता, गणतन्त्र, धर्मनिरपेक्षता र समावेसी राज्यव्यवस्था नटिक्ने दाबी गरे । उनले आफूलाई मारेर परिवर्तन आउने भन्दा पनि परिवर्तन उल्टन सक्ने भन्दै आफ्ना मित्रको त्यस्तो निर्णय गरेको थाहा पाउँदा दया लागेर आएको प्रतिक्रिया दिएका थिए ।

प्रचण्डले दिएको यो अभिव्यक्तिसँगै उनलाई अब आफ्ना अघि र पछि थप सुरक्षाकर्मी प्राप्त गर्ने अवसर मिल्ने भएको छ । सिंहदरबारमा जाँदा होस् कि संसद भवन नयाँबानेश्वर जाँदा होस् वा प्रधानमन्त्री निवास वालुवाटार जाँदा होस प्रचण्डले सुरक्षाको नाममा राखेका सादा पोशाकका कार्मचारीलाई कुदीरहेको गाडी नरोकिँदै ढोका खोलेर ओर्लन लगाइन्छ ।

अनि कुदीरहेको सवारीबाट हामफालेका सुरक्षाकर्मीले प्रचण्डको सवारीको ढोका खोल्ने चलन छ । सिंहदरबार, संसद बैठक परिषर नयाँवानेश्वर र बालुवाटारमा दुईदेखि तीन तहको सुरक्षा व्यवस्था छ तर उनलाई संसद भवनको मूल ढोकामा जाँदा समेत एक दर्जन सुरक्षाकर्मीले घेरा हाल्ने गर्छन जब कि त्यहाँ सांसद र मर्यादापालक वाहेक छेउ छाउमा कोहीनै हुँदैनन् ।

यसरी आफूलाई भीभीआईपी भएको र अगाडि पछाडी धेरै सुरक्षाकर्मी कुदाएको हेर्ने प्रचण्डको सौखका कारण आफूलाई हत्या गर्न खोजिएको भन्दै सार्वजनिक गर्न खोजिएको त होइन भन्ने गृहमन्त्रालय स्रोतलाई आशंका उब्जाएको छ ।

सर्वोच्च अदालतका तत्कालिन कार्यममुकायम प्रधानन्यायाधिश दीपकराज जोशीको प्रधानन्यायाधिशमा सिफारिस भएपछि सुनुवाईका क्रममा सुनुवाई समितिकी सदस्य निरुदेवी पालले यस्तै फण्डा गरेकी थिइन । उनले आफूलाई जोशीको नाम सुनुवाई समितिबाट पास गर्ने बेलामा असहमति राखे सिध्याइदिने भन्दै डेरा नजिक एक अपरिचित व्यक्तिले पेस्तोल ताकेको बताएकी थिइन ।

तर उनको त्यो दाबी अझै प्रहरीले प्रमाणीत गर्न सकेको छैन् । प्रहरीले सांसदलाई गोली हानेर मार्ने धम्की दिने शंकास्पद व्यक्तिको खोजीको क्रममा राजधानीबाट करिव एकसय पचास वढी युवा र शंकास्पद भन्दै व्यक्तिलाई प्रक्राउ गर्यो । त्यतिका युवालाई प्रहरीले दुख दियो तर त्यो घटना सत्य थियो वा बनावटी भन्ने अझै पनि प्रहरीले पत्ता लगाउन सकेको छैन् ।

सम्बन्धित समाचार

एमाले विवादः माधव नेपालसहित चार नेतामाथिको कारबाही फुकुवा
एमाले विवादः माधव नेपालसहित चार नेतामाथिको कारबाही फुकुवा
  • २०७५ चैत्र ४, ०७: ५०: १२

नयाँ विकल्प, काठमाडाैं- नेकपा एमालेले वरिष्ठ नेता माधवकुमार नेपालसहित चार जना नेतामाथि गरिएको कारबाही फुकुवा गरेको छ। प्रधानमन्त्रीको सरकारी निवास...

सत्ता संकटमा परेपछि माधव नेपालकाे शरणमा पुगे ओली पक्षीय नेताहरू
सत्ता संकटमा परेपछि माधव नेपालकाे शरणमा पुगे ओली पक्षीय नेताहरू
  • २०७५ चैत्र ४, ०७: ५०: १२

नयाँ विकल्प, काठमाडाैं- प्रधानमन्त्री केपी शर्मा ओलीकाे सत्ता संकटमा परेपछि माधव नेपाललाइ फकाउन ओली निकट नेताहरू नेपाल निवासमा पुगेका छन्...

सगरमाथा चढ्न गएका दुई जना विदेशी आरोहीको मृत्यु
सगरमाथा चढ्न गएका दुई जना विदेशी आरोहीको मृत्यु
  • २०७५ चैत्र ४, ०७: ५०: १२

नयाँ विकल्प, काठमाडाैं- सगरमाथा चढ्न गएका दुई जना विदेशी आरोहीको मृत्यु भएको छ। स्विट्जरल्यान्डका आरोही अब्दुल वारैच र अमेरिकी आरोही...

भर्खरै

TOP