November 27, 2020, Friday

नेपाल बारको चुनावमा लोकतान्त्रिक समुह अगाडि

काठमाडौं । कानुन व्यवसायीहरुको साझा संगठन नेपाल बार एसोसिएसनको शनिबार सम्पन्न निर्वाचनबाट सुनिल पोखरेल नेतृत्वको लोकतान्त्रिक समूह विजयी हुने निश्चित जस्तै भएको छ । आफ्नो श्रीसम्पती सार्वजनिक गरेर चुनावमा होमिएका पोखरेल यसभन्दा अघिल्लो कार्यकालमा नेपाल बारको महासचिव भएर लोकप्रियता कमाई सकेका हुन् ।

अन्तराष्ट्रिय कानुनका ज्ञाता र स्वच्छ छवि भएका मिलनसार स्वभाव भएका पोखरेलका अघि सत्तारुढ नेकपाको सहयोग र समर्थनमा अध्यक्षको उम्मेदवार बनेका चण्डेश्वर श्रेष्ठ समुहको प्रगतिशिल समूह फिक्का सावित भएको छ । शनिबार सम्पन्न बारको २५ सदस्यीय कार्य समिति चयनको लागि चुनावमा १० हजार ३ सय १३ जनाले मत हालेका थिए ।

३५ स्थानमा मतदान व्यवस्था थियो । २५ पदमा ६३ जनाको उम्मेदवारी परेको थियो । सबैभन्दा धेरै सर्वोच्च अदालतमा भएको मतदान केन्द्रमा ४८४३ मत खसेको थियो । त्यस्तै, सर्वोच्च बारमा ६४४ मत, उच्च बारमा १६८८ मत, काठमाडौं बारमा १५८० मत, ललितपुर बारमा ५०२ मत, भक्तपुर तथा अन्यबाट नामावली सारिएको केन्द्रमा ४२९ मत खसेको थियो । हाल बारका अध्यक्ष शेरबहादुर केसी पनि प्रजातान्त्रिक समुहबाटै निर्वाचित भएका थिए ।

यस पटकको निर्वाचनमा समेत लोकतान्त्रिक समूहले करिव ७ सिटबाहेक अध्यक्षसहित अधिकांस सीट जित्ने आंकलन गरिएको छ । नेपाल बारको हरेक जसो निर्वाचनमा लोकतान्त्रिक समूहले नै जित हासिल गर्दै आएको छ । २०६२ सालमा प्रगतिशिल समुहका सम्भु थापाले लोकतान्त्रिक समूहका यज्ञमूर्ती बञ्जाडेलाई पराजित गरेका थिए ।

केसीभन्दा अघि वरिष्ठ अधिवक्ता मैनालीले लोकतान्त्रिक समुहका अध्यक्षलाई पराजित गरेका थिए । लोकतान्त्रिक समूहबाट अध्यक्षको उम्मेदवार चयन गर्ने क्रममा पूर्वअध्यक्ष हरिहर दाहालको असन्तुष्टी तथा अध्यक्षमा पूर्वमहासचिव माधव बास्कोटा र डेमोक्रेटिक लयर्स एसोसिएसनका यदुनाथ खनालले समेत आकांक्षा देखाउँदा असन्तुष्टी वाहिर आउने हो कि भन्ने आशंका गरिएको थियो ।

तर असन्तुष्ट लोकतन्त्रबादी कानुन व्यवसायीहरुले सुनिल पोखरेलकै समूहलाई विजयी बनाउन आव्हान गरेका छन् । तीन दिनभित्र मत पेटिका संकलन गरिसकेपछि मत गणना हुने र जम्मा चार दिन भित्रै मत परिणाम आईसक्ने नेपाल बारको निर्वाचन समितिले जनाएको छ ।

सम्बन्धित समाचार

‘भ्रष्टाचारका संरक्षक’ प्रधानमन्त्री ओलीले राजिनामा गर्न अधिकारकर्मीहरुको माग
‘भ्रष्टाचारका संरक्षक’ प्रधानमन्त्री ओलीले राजिनामा गर्न अधिकारकर्मीहरुको माग
  • २०७५ चैत्र १९, १०: २३: २४

नयाँ विकल्प,काठमाडाैं-एम्नेष्टि इन्टरनेसनलले हालै प्रकाशित गरेको प्रतिवेदनले नेपाल एसियामै सबैभन्दा बढी भ्रष्टाचार हुने देश भनेर औल्याएकोले नैतिकताको आधारमा उचित निकास...

७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
  • २०७५ चैत्र १९, १०: २३: २४

नयाँ विकल्प पाेखरा- जिल्ला प्रहरी कार्यालय कास्कीले ७१ बर्षे एकल बृद्ध महिला बलत्कार गरेकाे आराेपमा पोखरा महानगरपालिका -१९ पुरन्चौरका ३४...

सशस्त्र प्रहरीका आठ डीआइजी र एक एसएसपीको काज सरुवा (सूची सहित)
सशस्त्र प्रहरीका आठ डीआइजी र एक एसएसपीको काज सरुवा (सूची सहित)
  • २०७५ चैत्र १९, १०: २३: २४

नयाँ विकल्प काठमाडाैं- गृह मन्त्रालयले सशस्त्र प्रहरी बल नेपालका आठजना  नायब महानिरीक्षक (डीआइजी) र एकजना वरिष्ठ उपरीक्षकको  काज सरुवा गरेको...

भर्खरै

TOP