February 25, 2021, Thursday

तारा गाउँको १५० रोपनी जग्गा सरकारलाई फिर्ता

काठमाडौँ । तारागाउँ विकास समितिको १५० रोपनी जग्गा हस्तान्तरणमा अनियमितता भएको भन्दै संघीय संसदको अन्तर्राष्ट्रिय सम्बन्ध समितिले निष्कर्ष निकालेको छ । तारा गाउँ विकास समितिको जग्गा, शेयर र होटल निर्माणको खर्चमा भएको अनियमितताको विषयमा छानबिन गर्न समितिले अग्नीप्रसाद सापकोटाको संयोजकत्वमा गठन गरेको उपसमितिले यस्तो निष्कर्ष निकालेको हो ।

समिति सभापति पवित्रा निरौला खरेललाई सापकोटा संयोजक रहेको उपसमितिले दिएको प्रतिवेदनमा जग्गाको स्वामित्व हस्तान्तरण तथा लिज, शेयर संरचना हेरफेर तथा भवन निर्माण गर्दा नै अनियमितता भएको जनाइएको छ ।

उपसमिति संयोजक सापकोटाले प्रतिवेदन समितिले बुझेर निष्कर्ष निकालेपछि नै अनियमितता भएको बिषय स्पस्ट हुने बताएका थिए । समिति स्रोतका अनुसार तारागाउँ विकास समितिको जग्गाको स्वामित्व हस्तान्तरण गरी रजिष्ट्रेसन पास गर्नु गलत भएको निष्कर्ष उपसमितिले निकालेको छ । मालपोत ऐनको व्यवस्थाविपरीत सरकारी जग्गा तारागाँउ रिजेन्सी होटल्स लिमिटेडको नाममा स्वामित्व हस्तान्तरण भएको भन्दै उपसमितिले १५० रोपनी जग्गा सरकारको नाममा फिर्ता ल्याउन आवश्यक निर्णय गर्न सरकारलाई निर्देशन दिन सिफारिस गरेको छ ।

समितिले पहिले २९ वर्षका लागि हायत होटल रिजेन्सीको लागि दिइएको लिज पछि संशोधन गरी ४९ वर्षसम्मलाई बढाइनु नै सम्पूर्ण जग्गा हडप्ने षडयन्त्र भएको टिप्पणी गरेको छ । उपसमितिले अख्तियारलाई तारागाउँको शेयर घटाएको विषयमा छानबिनको सुझाव दिएको छ । १५० रोपनी जग्गा रजिष्ट्रेसन पास गरी दिनेहरुमाथि समेत छानबिन र कारवाही अघि बढाउन सिफारिस गरेको छ । तारागाउँ रिजेन्सी होटल्स लिमिटेडका सञ्चालकहरुले वैदेशिक लगानी भित्र्यााएको भनी दाबी गरिएको छ ।

कुनकुन बैंकबाट त्यो बैदेशीक लगानी भित्र्याएको भन्ने बारेमा स्पस्ट पारिएको छैन । उपसमितिले होटल निर्माणका क्रममा भएको अत्यधिक लागतवृद्धि, कर र अन्य प्रयोजनका लागि छुट्टाछुट्टै लेखा परीक्षण भएको विषयहरुमाथि छानबिन गर्न निर्देशन दिएको छ । होटलको हकप्रद शेयरमाथि भएको निर्णयमाथि समेत छानबिन हुनेछ भने होटललाई घाटा भएको देखाई गैरकानुनी लाभ लिएको विषयमा समेत अनुसन्धानको सिफारिस गरिएको छ ।

सम्बन्धित समाचार

विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
  • २०७५ चैत्र २५, ०७: १८: ५२

नयाँ बिकल्प,काठमाडौं – नेपाली कांग्रेसका सभापति शेरबहादुर देउवाले प्रतिनिधिसभा विघटन गर्ने प्रधानमन्त्री केपी शर्मा ओलीको कदम बिरुद्ध सर्वोच्च अदालतमा परेको...

ओली पक्षकाे बालुवाटार भेलाः   ताेकिएकाे समयमा भित्र संसद बैठक बाेलाउने निर्णय
ओली पक्षकाे बालुवाटार भेलाः ताेकिएकाे समयमा भित्र संसद बैठक बाेलाउने निर्णय
  • २०७५ चैत्र २५, ०७: १८: ५२

नयाँ विकल्प काठमाडाैं- प्रधानमन्त्री केपी शर्मा ओली नेतृत्वको नेपाल कम्युनिष्ट पार्टीले सर्वोच्च अदालतको संसद पूर्नस्थापनागर्ने निर्णयको सम्मान गरेको छ ।...

प्रतिनिधिसभा पुनर्स्थापनापछि देउवासँग प्रचण्ड–माधवको  छलफल
प्रतिनिधिसभा पुनर्स्थापनापछि देउवासँग प्रचण्ड–माधवको छलफल
  • २०७५ चैत्र २५, ०७: १८: ५२

नयाँ विकल्प काठमाडौं – नेपाली कांग्रेसका सभापति शेरबहादुर देउवासँग नेपाल कम्युनिष्ट पार्टी (नेकपा)का प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र...

भर्खरै

TOP