अनुशासन विभागको पत्राचारप्रति नेताहरुको तिव्र असन्तुष्टि

मिडिया, सुरक्षा अंग र मानवअधिकारमाथिको सरकारी हस्तक्षेपविरुद्ध उत्रियो कांग्रेस

काठमाडौं । प्रमुख प्रतिपक्षी दल नेपाली कांग्रेसले बैशाख २५ बाट शुरु गरेको राष्ट्रिय जागरण अभियान देशब्यापी भएको छ । अभियानका क्रममा कांग्रेस नेताहरुले नेकपा नेतृत्वको बर्तमान सरकारले लोकतन्त्रका अंगमाथि हस्तक्षेप बढाएको भन्दै त्यसविरुद्ध सडक आन्दोलनमा जान नेतृत्वलाई दबाब दिन थालेका छन् ।

कांग्रेसको जागरण अभियानको क्रममा पार्टी सभापति शेरबहादुर देउवा, पूर्वमहामन्त्री प्रकाशमान सिंह, कृष्णप्रसाद सिटौलादेखि डा. शेखर कोइराला लगायतका नेताहरुले प्रधानमन्त्री केपी शर्मा ओली नेतृत्वको सरकार लोकतन्त्रका धरोहर र अंगमाथि हस्तक्षेप गरेर अघि बढ्न थालेको बताउँदै आएका छन् ।

सरकारले हालै संसदमा दर्ता गराएको मिडिया काउन्सिल विधेयक, राष्ट्रिय मानवअधिकार आयोग ऐनलाई संशोधन गर्न बनेको बिधेयक र राष्ट्रिय सुरक्षा परिषद् सम्वन्धी विधेयकले स्वतन्त्र संचार जगत, मानवअधिकार र नेपाली सेनामाथि हस्तक्षेप बढाएको भन्दै कांग्रेस जागरण अभियानको क्रममा नेतादेखि कार्यकर्तासम्मलाई आन्दोलनको लागि तयार हुन भनिरहेका छन् ।

सरकारले गरेका कमीकमजोरी मिडियाले उजागर गरेमा एक करोडसम्म जरिवाना गर्ने, जेल हाल्ने र नियमक निकाय मिडिया काउन्सिललाई संचार मन्त्रालयको कठपुतली बनाउने योजना बनाएको छ । त्यस्तै, मानवअधिकार आयोगलाई महान्यायाधिवक्ताको कार्यालय मातहत राखेर सरकारले सरकारद्धारा मानवअधिकार उलंघनका कुनै घटना गरेमा त्यसलाई ढाकछोप गर्ने योजना बनाएको छ ।

त्यस्तै, स्वतन्त्र र संवेदनशील अंगको रुपमा लिइएको नेपाली सेनालाई सुरक्षा परिषद्को बैठक बस्न नसकेको अवस्थामा प्रधानमन्त्रीको आदेशमा परिचालन गर्नेगरी ऐन परिमार्जन गर्न सरकारले विधेयक संसदमा पेश गरिसकेको छ ।

लोकतान्त्रिक शक्ति र अंगहरुलाई कमजोर बनाएर सबै निकायलाई सत्ता अनुकूल चलाउने र आफूविरुद्ध चल्न नदिने रणनीति बनाएको छ । त्यसको सबैभन्दा डरलाग्दो पक्ष भनेकै मिडिया काउन्सिल ऐन निर्माणको क्रममा कुनै सञ्चारमाध्यमले समाचार प्रकाशन वा प्रशारण गरे वापत कुनै व्यक्तिको प्रतिष्ठामा आँच आएमा पत्रकारलाई र संचारमाध्यमलाई एक करोड रुपैयाँसम्मको जरिवाना र पाँचदेखि १० बर्षसम्मको जरिवानाको व्यवस्था गर्नुलाई लिन सकिन्छ ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’

• २०७६ जेष्ठ ६, ०८: १८: ५८

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु

• २०७६ जेष्ठ ६, ०८: १८: ५८

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’

• २०७६ जेष्ठ ६, ०८: १८: ५८

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...