June 19, 2021, Saturday

भ्रष्टाचारको अभियोगमा कर्णेल कार्की जेल चलान

काठमाडौ । उदयपुरस्थित कालीसिद्धी गणका गणपति प्रमुख सेनानी (लेफ्टीनेन्ट कर्णेल) केशवराज कार्की सरकारी बजेट अन्तर्गतको पचास लाख रकम भ्रष्टाचार गरेको अभियोगमा जेल चलान भएका छन् ।

नेपाली सेनाको सैनिक अदालतले भ्रष्टाचारमा कसुर ठहर भएका कर्णेल कार्कीलाई सैनिक सेवाबाट बर्खास्त गरी शुक्रबार राति नै जेल चलान गरिएको छ । सेनाको समरी जनरल अदालतले पेस गरेको निर्णयलाई शुक्रबार प्रधानसेनापति पूर्णचन्द्र थापाले सदर गरेपछि उनलाई सेवाबाट बर्खास्त गरेर तीन महिना कैद सजाय तोकिएको सैनिक जनसम्पर्क निर्देशनालयले जनाएको छ ।

सरकारी बजेटमा हिनामिना भएको उजुरी प्राप्त भएपछि त्यसबारेमा कोर्ट अफ इन्क्वारी बोर्डले छानबिन गरेको थियो । तोकिएको काम नगरी करिब पचास लाख उनले भ्रष्टाचार गरेको छानबिनबाट देखिएको थियो । छानबिनबाट भ्रष्टाचारको कसुर देखिएपछि गत वैशाख २३ गते सैनिक समरी जनलर अदालत गठन भएको थियो । जेठ तीन गते सुनुवाइ सकिएपछि शुक्रबार फैसला सुनाइएको हो । उनले हिनामिना गरेको ४९ लाख असुलउपर गर्ने गरी फैसला गरिएको छ ।

भष्टाचारविरुद्ध शून्य सहनशिलताको नीतिअनुसार प्रधानसेनापति पूर्णचन्द्र थापाले आर्थिक अनियमिता तथा अनुचित काममा संलग्न सैनिक कर्मचारीमाथि प्रभावकारी रुपमा कारबाही अघि बढाउँदै आएका छन् । भर्ना छनोटमा अनियमिता गर्ने १८१ जना सैनिक कर्मचारीलाई यसअघि नै थापाले कारबाही गरिसकेका थिए ।

त्यसैगरी सेनाले रिपुमर्दिनी स्कूलमा अनियमिता गर्ने शिक्षकमाथि पनि केही समयअघि कारबाही भएको थियो । सेनाको कारबाहीलाई अझ् स्वच्छ, मर्यादित र व्यवसायिक बनाउनका लागि प्रधानसेनापतिकै विशेष पहलमा नयाँ आचारसंहिता लागु गरिएको छ । आचारसंहिताको प्रभावकारी कार्यान्वयमा सैनिक नेतृत्वले जोड दिदै आएको छ र उलंघन गर्नेमाथि कारबाही हुँदै आएको सैनिक जनसम्पर्क निर्देशनालयले जनाएको छ ।

सम्बन्धित समाचार

मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
  • २०७६ जेष्ठ १२, १०: ३६: ५७

नयाँ बिकल्प, काठमाडौं । तीन दिनअघि आएको अबिरल वर्षाका कारण बाढी र पहिरोबाट जनधनको क्षति व्यहोरेका सिन्धुपाल्चोक जिल्लाको मेलम्ची र...

प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
  • २०७६ जेष्ठ १२, १०: ३६: ५७

नयाँ बिकल्प, काठमाडौं । नेपाली कांग्रेसको महाधिवेशन आगामी भदौ १६ देखि १९ गतेसम्म १४ औं महाधिवेशन काठमाडौंमा गर्ने घोषणा गरे...

ढुंगा, गिटी निकासी नगर्न सर्वोच्चको अन्तरिम आदेश
ढुंगा, गिटी निकासी नगर्न सर्वोच्चको अन्तरिम आदेश
  • २०७६ जेष्ठ १२, १०: ३६: ५७

नयाँ विकल्प काठमाडौं – सर्वोच्च अदालतले ढुंगा, गिटी बालुवा निकासी गर्ने गरी सरकारले आर्थिक वर्ष २०७८–७९ को बजेट वक्तव्यमा गरेको...

भर्खरै

TOP