December 4, 2020, Friday

समाजवादी पार्टी र राजपाको जुन सरकार छ, यो पाँच वर्षको म्याण्डेड प्राप्त छ । यो पाँच वर्षसम्म सजिलै चल्छ, यसमा कसैले शंका नगर्दा हुन्छ

लालबाबु राउत
मुख्यमन्त्री, प्रदेश नं. २

प्रदेश सरकार गठन पश्चात् निकै चर्चामा रहेका प्रदेश नं. २ का मुख्यमन्त्री लालबाबु राउतले प्रदेश सरकारले पाउनुपर्ने अधिकार नदिएको, संघीय सरकारले प्रदेश सरकारको अधिकार लगायत बजेट तर्जुमा पनि संघीय सरकारले आफुखुशी गरेको भन्दै संघीय सरकारको आलोचकको रुपमा रहँदै आएका र लोकसेवा आयोग जस्तो संस्था पनि प्रदेश सरकारलेनै गठन गर्न पाउनुपर्छ भन्दै आएका छन् ।

हालै लोकसेवाले निकालेको विज्ञापनमा पनि ठुलो असहमति राख्दै आएका हुँदा यिनै समसामयिक विषयमा केन्दीत रहेर प्रदेश नं. २ का मुख्यमन्त्री लालबाबु राउतसँग नयाँ विकल्प साप्ताहिकका लागि पत्रकार ऋषि धमलाले गरेको कुराकानीको सम्पादीत अशंः

तपाई मुख्यमन्त्री बने पश्चात् प्रदेश नं. २ को विकास तथा प्रदेशले पाउने अधिकारको के–कसरी प्रयोग भइरहेको छ ?
म मुख्यमन्त्री भैसकेपछि विकास निर्माणका कार्यहरु अगाडि बढिरहेका छन् । प्रदेशको ऐन कानुन बनाउने कुरामा समस्याको समाधान हुँदैछ । त्यसैले प्रदेशको अधिकारका लागि पनि हामी आफै ऐन, कानुन बनाउँदै छौं ।

संघीय सरकारको सहमति विना प्रदेशहरुले ऐन, कानुन बनाउन सक्छ र ?
संविधानले दिएको कुरा हामीले कसैलाई पर्खनु पर्छ भन्ने लाग्दैन ? त्यसैले हामीले सबै किसिमका ऐन, कानुनहरु निर्माण कार्यको अन्तिमतिर पुगिराखेको छांै । अहिले लोकसेवा आयोगको कानुन अन्तिम चरणमा छ । प्रदेश नं. २ को संसदमा पेस भइसकेको छ । प्रदेश निजामती सेवा पनि अहिले अन्तिम चरणमा छ । त्यस्ता दर्जनौ ऐन, कानुनहरु निर्माण गर्ने क्रममा अन्तिम चरणमा पुगेका छौं ।

खर्भरै संघीय सरकार अन्तर्गत संवैधानिक अंगको रुपमा रहेको लोकसेवा आयोगले निकालेको कर्मचारी भर्ना सम्बन्धी सूचनाको बारेमा संसदीय समितिले रद्द गर्नुपर्छ भनेर भनिसकेको यस्तो अवस्थामा के हुन्छ ?
लोकसेवा आयोगले जुन किसिमले अहिले विज्ञापन गरेकको छ, त्यो असंवैधानिक छ, गैरकानुनी छ । बल मिच्याइ गरेको छ । त्यसैले सरकारको एउटा एजेन्ट बनेर काम गर्ने निकाय जस्तो बनेको छ । संस्थाको गरिमालाई बचाउनुपर्छ लोकसेवा आयोगले । किन भन्दा लोकसेवा आयोग एउटा संवैधानिक निकाय हो । संवैधानिक निकायले त्यो गरिमालाई कायम गर्नुपथ्र्यो, त्यो कायम गर्न सकेन । हामीले डेढ महिना पहिलानै चिठी लेखेर लोकसेवा आयोगलाई अनुरोध गरेका थियौं कि, तपाईहरु जुन विज्ञापन गरिरहनु भएको छ, त्यो असंवैधानिक छ ।

प्रदेशको क्षेत्राधिकारमा बल मिच्याइ भइरहेको छ । यो तपाईहरु गर्न सक्नुहुन्न । यो प्रदेशभित्रका कर्मचारीहरुको पदपूर्ति गर्ने र स्थानीय तहभित्र रहने कर्मचारीहरुको पदपूर्ति गर्ने जिम्मेवारी भनेको संविधानको धारा २२७ ले प्रदेशलाई दिएको छ । भनेपछि यहाँ लोकसेवा आयोग सम्बन्धी कानुनको बारेमा हामी अन्तिम चरणमा छौं ।

लोकसेवा आयोगले के गर्नुपथ्र्यो भने हामीलाई आवश्यक पर्ने मेनपावर लिएर आवश्यक नीति, निर्माणमा सहयोग गरेर र तपाईहरुले नै गठन गरेर अगाडि बढ्नुस् भन्नुपर्ने ठाउँमा हामीलाई चाँही उपदेश दिने ? प्रदेशमा योग्य मान्छे हुँदैनन् भन्नेजस्तो गरेर हामीलाई पाखा लगाउने काम गर्न मिल्छ ? काठमाडौंमा बसेर रमाउनेहरु त्यहीबाट प्रदेशले यस्तो ग¥यो, त्यस्तो ग¥यो भनेर भन्न मिल्छ ?

तर सामान्य प्रशासनमन्त्री लालबाबु पण्डितले हामीले जे गरेका छौं ठिक गरेका छौं र संसदीय समितिको निर्णय हामीले मान्नु पर्दैन भनेर तर्क गर्नुभएको छ, नि तपाई के भन्नुहुन्छ ?
संघीय मामिलाका कुन मन्त्रीले के भने म त्यतातिर जान चाहन्न । म लोकसेवा आयोगलाई भन्छु । त्यो संवैधानिक निकाय हो र संवैधानिक निकायले त्यस किसिमका कुरा गर्नु भनेको गलत हो । बल मिच्याइ गर्ने काम गर्नुहुन्न । निमय मिचेर काम गर्छ भने हामी मान्दैनौ । संविधानमा उल्लेख भएका कुराहरु नबुझको जस्तो गरेर कसैले काम गर्छ भने त्यो कुनैपनि हालतमा प्रदेश सरकारले स्वीकार गर्न सक्दैन । प्रदेश निर्माणमा त्यो स्वीकार्यता हुँदैन । प्रदेशको अधिकार प्रदेशलेनै तय गर्छ ।

त्यसोभए संघीय सरकारको मन्त्रीले भनेको कुरा तपाईहरु मान्नुपर्ने होइन र ?
म प्रधानमन्त्रीको कुरा गरिरहेको छु, तपाई मन्त्रीको कुरा छोड्नुस् न । संविधान भन्दा माथि हो प्रधानमन्त्री ? सरकार भनेको संविधानमा लेखेको कुरा हामी सबैलाई एउटै होइन र ? हामी सबै बुझेर काम गर्नुपर्छ । कसैले भन्दैमा प्रदेश सरकारले गर्ने वाला छैन ।

प्रदेश सरकार संविधान र मुलुकको ऐन, कानुनको परिधिभित्र रहेर हिड्ने निकाय हो । कसैले भन्दैमा प्रदेश सरकारले मान्ने कुरा होइन । संविधानले के भन्छ ? संविधानको मर्मअनुसार हिँड्नुपर्ने सरकारको दायित्व हो । एउटा कुरा हामीले के बुझनु जरुरी छ भने प्रदेश सरकारले सरल र सजिलो तरिकाले काम गरिरहेको छ । समाजवादी पार्टी र राजपाको जुन सरकार छ, यो पाँच वर्षको म्याण्डेड प्राप्त छ । यो पाँच वर्षसम्म सजिलै चल्छ, यसमा कसैले शंका नगर्दा हुन्छ ।

नीति र कार्यक्रमबाट असन्तुष्ट भएर राजपा बाहिरिने हल्ला पनि छ नि भपाई के भन्नुहुन्छ ?
मिडियाका दुइ चार जनाले कुरा नबुझेर बढाइचढाइ गरेर उचालेर भनेको होलान् । अहिले यो जुन पार्टीको सरकार छ, यो दुई पार्टीको सरकारले पाँच वर्षको लागि म्याण्डेड पाएको छ नि त ।

प्रदेश सरकार निर्माण भएको धेरै समय भैइसक्यो तर प्रदेशको नाम र राजधानी तोक्न अझै सक्नुभएको छैनन् नि किन ?
नाम र राजधानी छिटै तोकिन्छ । नाम राख्ने काम प्रदेश सभाको हो । प्रदेश सभाको दायित्वभित्र पर्छ । सरकारको होइन । प्रदेश सभाले छिटो भन्दा छिटो यो प्रकृयालाई अगाडि बढाउँछ । त्यसमा ढुक्क रहनुस् । यो प्रदेशले नाम र राजधानी दुवै पाउँछ ।

प्रदेशको नाम जानकी र राजधानी जनकपुर भन्ने हल्ला पनि सुनिन्छ नि हो त ?
प्रदेश सभाको नाम मैले नै भनिदिनुपर्ने ? के नाम हुने हो भनेर ? मैले प्रदेश सरकारको प्रमुखको नाताले मैले बोलिदिए भने भोली सदनमा कुरा उठ्छ नि । सदनमा दुइतिहाई बहुमत जसको हुन्छ, त्यसैले राजधानी पनि बनाउँछ र प्रदेशको नाम पनि राख्छ ।

केही समय पहिला तपाइले नै प्रदेशको राजधानी वीरगञ्जमा हुनुपर्छ भनेर भन्नु भएको होइन त ?
यस्तो कुरा तपाइहरु कहाँबाट सुन्नुहुन्छ । अचम्म लाग्छ । म अङ्गुबङगु र सानातिना कुरामा अल्झिने मान्छे होइन । मैले त्यही बेलादेखी भन्दै आएको हो कि राजधानी र प्रदेश नाम तोक्ने काम संविधानले प्रदेश सभालाई दिएको छ । प्रदेश सरकारले निर्णय गरेर नाम र राजधानी तोक्छ ।

बिप्लव समुहका जिल्ला इन्चार्ज कुमार पौडेलको हत्या पक्रेर मारिएको हो भन्ने आरोप मृतकका परिवारले लगायका छन् नि तपाई के भन्नुहुन्छ ?
यो कुरा सुरक्षाको कुरा हो । राज्यको विरुद्धमा काम गर्नेहरु, हतियार उठाउनेहरु र हतियारकै राजनीति गर्नेलाई नै बढी थाहा होला मलाई यसमा कुनै प्रतिक्रिया दिनु छैन । कुनैपनि किसिमले चाहे शसस्त्र समुह होस् वा सरकारबाट होस् कसैबाट निर्दोष जनता मारिनु हुँदैन भन्ने पक्षमा हो ।

सम्बन्धित समाचार

अबदेखि जंगल छेउको जग्गामा कित्ताले बित्ता तान्छु भनेर कसैले आश नगरे हुन्छ 
अबदेखि जंगल छेउको जग्गामा कित्ताले बित्ता तान्छु भनेर कसैले आश नगरे हुन्छ 
  • २०७६ असार ९, ०७: ५१: ३०

देशै कोरोना कहरले आक्रन्त छ, कमलामाई नगरापालिकामा यसको प्रभाव कत्तिको छ ?देशै कोरोनाले आक्रन्त भइरहँदा सिन्धुलीको कमलाई नगरपालिका पनि अछुतो...

बाबुरामको प्रश्न प्रचण्ड– नेपालतिर लक्षित – ओलीसँग सती जाने कि विद्रोह गर्ने ?
बाबुरामको प्रश्न प्रचण्ड– नेपालतिर लक्षित – ओलीसँग सती जाने कि विद्रोह गर्ने ?
  • २०७६ असार ९, ०७: ५१: ३०

नयाँ विकल्प, काठमाडौं – पूर्वप्रधानमन्त्री तथा जनता समाजवादी पार्टी संघीय परिषदका अध्यक्ष डा. बाबुराम भट्टराईले सत्तारूढ नेपाल कम्युनिस्ट पार्र्टी (नेकपा)का...

याे सरकारबाट जनताले आशा गर्नु भनेकाे तितेपाती राेपेर अंगुर खाेज्नु  जस्तै हाेः खतिवडा
याे सरकारबाट जनताले आशा गर्नु भनेकाे तितेपाती राेपेर अंगुर खाेज्नु जस्तै हाेः खतिवडा
  • २०७६ असार ९, ०७: ५१: ३०

नयाँ विकल्प काठमाडाैं- दुर्गम पहाडी जिल्ला ओखलढुंगामा जन्मिएका रामहरि खतिवडा नेपाली कांग्रेसका उदीयमान युवा नेता हुन् । विद्यार्थी राजनीतिबाट करियर बनाएका...

भर्खरै

TOP