August 1, 2021, Sunday

संघीय प्रदेशमा जाने प्रहरीको बढुवा नहुने

काठमाडौं । संघीय संसद प्रतिनिधिसभा अन्तर्गतको राज्य व्यवस्था तथा शुसासन समितिको आज बिहीबारको बैठकमा गृहसचिव प्रेम राईले सरकारले संघीय संरचना अनुसार प्रदेशमा समायोजन भएर जाने प्रहरीको निजामति कर्मचारीको तह वृद्धि प्रहरीमा गर्न नसकिने बताएका छन् ।

समायोजनमा लग्दा प्रदेश र संघ प्रहरीबीच विभेद आउने अवस्था देखिए पनि बढुवा गर्दा दायित्व बढ्ने र त्यसमा अर्थ मन्त्रालयको सहमति प्राप्त नभएकाले बढुवाको संभावना नभएको बताए निजामतितर्फ बढुवा नभई तह मिलान गर्ने काम भएको र प्रहरीतर्फ तहको कुरा गरिएको छैन ।
‘निजामिततर्फ बढुवा होइन तह मिलान मात्रै भएको हो ।

यो तहमा यतातिर हामीले ल्याएको छैन । तह बनाएर जाने भए संभव होला । तर हामीले त्यो खालको कन्सेप्टबाट आएको अवस्था छैन । त्यसैले बढुवाको संभावना नभएको बताए ।’
काजमा खटाउँदा केन्द्रबाट जतिबेला पनि तान्ने परिपाटीका कारण स्थिरता नहुने भएकाले डीएसपीदेखि तलका पदहरु समायोजन र त्यो भन्दा माथिका पदहरु प्रदेशकै दरबन्दी भए पनि संघबाट खटाउने व्यवस्था मिलाइएको राईले बताए ।

‘केन्द्रबाट हामी फुतफुत तान्दिन्छौ जतिखेर पनि । त्यो कारण त्यो स्टेबल हुन सक्दैन ।’ कानून न्याय तथा संसदीय मन्त्रालयका सह–सचिव धनराज ज्ञवालीले प्रदेश प्रहरीको सिंगो प्रारुप गठन गर्न संभव नभएको तर्क गरेका छन् ।

प्रदेश प्रहरी संगठन निमार्णका लागि तत्काल समायोजन नै जरुरी रहेको र एसपी, एसएसपी र डीआईजी परिचालन प्रदेशमा तर दरबन्दी केन्द्रमा नै राख्ने गरि व्यवस्था मिलाउनुपर्ने र प्रदेश प्रहरीमा भर्ना भएको व्यक्ति संघीय प्रहरीमा नभए डिएसपीबाट नै अवकास पाउने गरी व्यवस्था मिलाउनुपर्ने बताए ।

प्रदेश प्रहरी संगठन बनाएर समायोजन गर्न सकिने भएपनि प्रदेश प्रहरी ऐन नबनेसम्म समस्या देखिने बताए । समितिले कर्मचारी प्रहरीलाई नेपाल प्रहरी तथा प्रदेश प्रहरीमा समायोजन गर्ने सम्बन्धमा व्यवस्था गर्न बनेको विधेयकमाथि गृह, कानुन र नेपाल प्रहरीका अधिकारीसंग छलफल गरेको छ ।

यसैगरी, धाडिङ बेनिघाट रोराङ गाउँपालिका वडा ८का सदस्य रामजी चेपाङमाथि हिजो बुधबार बेलुकी ८ बजे खाना खाँदै गरेको बेला इन्द्र बहादुर चेपाङले गोली हानी भागेको रोराङ वडा नम्वर ७ का अध्यक्ष हिरालाल थपलियाले जानकारी दिएका छन् ।

रामजीलाई भारुवा बन्दुकले हानिएको गोलीले टाउकोमा लागेकोले उनको अवस्था चिन्ताजनक रहेको छ । हाल उनको काठमाडौं मेडिसिटी अस्पतालमा उपचार भइरहेको छ । गोली हान्ने इन्द्रलाई पहिल्यैदेखि बलात्कार तथा अन्य अभद्र कार्यहरुको अभियोगमा खोजी गरिदै आएको थियो ।

आफ्नो घर छोडेर जंगलमा बस्दै आएका इन्द्रले चौपायाको हत्या गर्नेदेखि महिलाहरुमाथि दुव्र्यवहार समेत गर्ने गरेको आरोप लागेको छ । ‘इन्द्रले वडा ८ का सदस्य रामजीलाई पहिल्यै देखि रिस गर्थे’ वडा नम्वर ५ का अध्यक्ष रोशन कुमार सिलवालले बताए । फरार व्यक्तिको खोजी कार्य तिव्र भइरहेको थपलियाले बताए ।

सम्बन्धित समाचार

कोरोनाबाट एकै परिवारका तीनको मृत्यु, गाउँ सिल
कोरोनाबाट एकै परिवारका तीनको मृत्यु, गाउँ सिल
  • २०७६ असार १९, ०९: २६: २४

नयाँ विकल्प उदयपुर-जिल्लाको त्रियुगा नगरपालिका–२ खैजनपुरगाउँमा कोरोना सङ्क्रमणबाट एकै परिवारको तीन जनाको मृत्यु भएको छ। वडाध्यक्ष घमानसिंह खत्रीका अनुसार कोरोना...

मेलम्ची बाढीः चनौटेको रातो पुल बगायो (भिडियाे)
मेलम्ची बाढीः चनौटेको रातो पुल बगायो (भिडियाे)
  • २०७६ असार १९, ०९: २६: २४

नयाँ विकल्प सिन्धुपाल्चोक- शनिबार रातिदेखि आएको बाढीले चनौटेको रातो पुल बगाएको छ। स्थानीयवासी हस्त पण्डितका अनुसार आज बिहान ७ः४५ बजे...

मेलम्चीमा फेरि गयो बाढीः रेडियो मेलम्चीको भवन ढल्यो, रातो पुल जोखिममा
मेलम्चीमा फेरि गयो बाढीः रेडियो मेलम्चीको भवन ढल्यो, रातो पुल जोखिममा
  • २०७६ असार १९, ०९: २६: २४

नयाँ विकल्प सिन्धुपाल्चोक- मेलम्चीमा शनिबार रातिदेखि आएको बाढीले रेडियो मेलम्चीको भवन ढलेको छ रेडियो मेलम्चीका अध्यक्ष डम्बर रसिक भारतीले गए...

भर्खरै

TOP