March 8, 2021, Monday

लामोसाँघु–चरिकोट सडक तत्काल सहज नबनाए धरौटी जफत

काठमाडौं । लामो समयदेखि लामोसाँघु–तामाकोशी–जिरी सडक खण्डको बाटो बन्न नसक्दा यात्रीहरुले सास्ती खेप्नु परिरहेको छ । हिउँदको समयमा भन्दा वर्षायामको समयमा बढी समस्या भएको कारणले गर्दा झन् यात्रीहरु मारमा पर्ने गरेका छन् ।

यही विषयलाई लिएर लामोसाँघु–चरिकोट सडक खण्ड ३ दिनभित्र मर्मत गरेर सजिलै गाडी चल्ने बनाउन लामोसाँघु–तामाकोशी–जिरी सडक योजनाले निर्माण व्यवसायीलाई आज आइतबार सूचना प्रकाशित गरेर ३ दिनभित्र कार्यक्षेत्रमा प्रत्यक्ष उपस्थित भइ ठेक्का सम्झौता अनुसार सजिलै गाडी गुड्ने गरी सडक मर्मत गर्न निर्देशन दिएको छ ।

ठेकेदारले ३ दिनभित्र कार्यक्षेत्रमा गएर काम नगरेमा आयोजनाले नै ठेकेदारको सामग्री प्रयोग गरेर सडक मर्मत गर्ने र अपुग सामग्रीको रकम पनि ठेकेदारबाटै असुल गरेर कम्पनीलाई कारबाही गर्ने आयोजनाले जानकारी दिएको छ । सार्वजनिक खरिद ऐन २०६३ तथा सार्वजनिक खरिद नियमावली २०६४ बमोजिम ठेक्का सम्झौता तोड्ने आयोजनाले चेतावनी दिएको छ ।

यस्तै कार्य सम्पादन जमानत तथा धरौटी रकम जफत गर्नुका साथै प्रचलित कानुन बमोजिम कारबाही गरिने लामोसाँघु–तामाकोशी–जिरी सडक योजनाले बताएको छ । जिरो किलोदेखि २५ किलोमिटरसम्मको सडक बनाउने जिम्मा सीमाञ्चल गौरीपार्वती–सुनौला खिम्ती जेभीले पाएको छ । यसैगरी २५ किलोटिमरदेखि ५५ किलोमिटरसम्मको ठेक्का शकिल हेदर शंकरमाली–सुनौला खिम्ती जेभी कम्पनीले पाएको छ ।

सिन्धुपाल्चोकको खाँडीचौरदेखि दोलखाको सदरमुकाम चरिकोटसम्मको ७५ किलोमिटर सडक स्तरोन्नति गर्ने काम २०१५ बाट सुरु भएपनि वर्षासँगै सडक हिल्लाम्मे हुँदा चरिकोट–काठमाडांै यात्रा गर्नको लागि निकै सास्ती खेपिरहनु परेको अवस्था छ ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७६ श्रावण ५, १२: ३६: ०४

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७६ श्रावण ५, १२: ३६: ०४

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७६ श्रावण ५, १२: ३६: ०४

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP