January 15, 2021, Friday

इन्जिनियरहरुलाई पाता कस्दै अख्तियार !

काठमाडौँ । अख्तिायर दुरूपयोग अनुसन्धान आयोग यतिवेला निकै सक्रिय हुन थालेको छ । उसले हरेक दिन जसो ५ हजारदेखि १५ लाखसम्मको घुस रकमसहित कर्मचारीलाई पाता फर्काउन थालेको छ ।

अख्तियारले पाँच हजार रुपैयाँ घुस खाने प्रहरी सुरक्षाकर्मी मात्र होइन, १५ लाख रुपैयाँसम्म घुस खाने कर्मचारीलाई दिनहुँ रंगेहातसहित पक्राउ गर्न थालेको छ ।

अनुसन्धान र तहकिकातको आधारमा भन्दा सुराकी र सूचनाको आधारमा रंगेहात पक्राउ गर्ने अभियानलाई अख्तियारले निरन्तरता दिएको छ ।

अहिले सरकारले ठूला माछा अर्थात धेरुे घुस खाने, मुलुकको सम्पति हिनामिना गर्ने र राज्यलाई कर नतिर्नेमाथि भने अनुसन्धान तुलनात्मक रुपमा कम गर्ने गरेको छ । पछिल्लो उदहारण हेर्ने हो भने इञ्जिनियरहरु यतिवेला दिनैपच्छिे जस्तो रंगेहात पक्राउ पर्न थालेका छन् । आर्थिक मसान्तको अन्त्यमा ठेक्का पट्टाको प्राविधिक रुपमा योजना पास गराउँदा इञ्जिनियरहरुले अग्रिम रकम लिने गरेका छन् ।

अख्तियारले शुक्रबार मात्र भक्तपुरको जगातीबाट दोलखाका तीन इञ्जिनीयरलाई १४ लाख ६८ हजार रूपैयाँ घुससहित तीनजालाई पक्राउ गरेको छ ।

जलस्रोत तथा सिँचाइ विकास डिभिजन दोलखाका प्रमुख प्रकाश अधिकारी र जलस्रोत तथा सिंचाइ विकास डिभिजन कार्यालय, सिन्धुपाल्चोकका इन्जिनियर भोगेन्द्र साह उक्त घुससहित पक्राउ परेका हुन् । उनीहरुसँगै सवारी चालक सुमन खड्का पनि पक्राउ परेका छन् ।

अख्तियारका प्रवक्ता प्रदीप कोइरालाका अनुसार असार मसान्तमा काम सकेर घुस रकमसहित काठमाडौँ आउँदै गरेको सूचनाका आधारमा उनीहरुलाई शुक्रबार साँझ अधिकारी र शाहलाई अख्तियार दुरुपयोग अनुसन्धान आयोगको विशेष टोलीले भक्तपुरबाट पक्राउ गरेको हो ।

अख्तियारको टोलीले सिँचाइ प्रमुख अधिकारीको साथबाट १३ लाख ३८ हजार रुपैयाँ घुसको रकम बरामद गरेको छ । इञ्जिनियर साहको साथबाट एक लाख ३० हजार रुपैयाँ घुसको रकम बरामद भएको छ ।

तीन इन्जिनियर पक्राउ परेको भोलीपल्ट शनिबार बर्दियाबाट तीनजना इन्जिनियर घुससहित समातिएका छन् । अख्तियार दुरूपयोग अनुसन्धान आयोगका अनुसार शनिबार दिउँसो तीनजना इन्जिनियर १५ लाख रूपैयाँ घुससहित बर्दियामा पक्राउ परेका हुन् ।

कर्णाली नदी नियन्त्रण आयोजनाका तीनजना इन्जिनियर कमल सिटौला, विशेश्वरप्रसाद साह र हरिप्रसाद चौधरीई अख्तियार दुरूपयोग अनुसन्धान आयोग कोहलपुरको टोलीले १५ लाख रूपैयाँ घुससहित एकसाथ पक्राउ गरेको हो । तीनैजनालाई बर्दियाको गेरुवा गाउँपालिकाबाट सेवाग्राहीसँग १५ लाख रुपैयाँ घुस लिइसकेको अवस्थामा पक्राउ गरिएको हो ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७६ श्रावण ६, ०९: १९: ३५

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७६ श्रावण ६, ०९: १९: ३५

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७६ श्रावण ६, ०९: १९: ३५

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP