January 16, 2021, Saturday

चौथो संविधान दिवसले उब्जाएको प्रश्न

नेपालको राजनैतिक परिवर्तनका लागि धेरै नेपालीले अनाहकमा ज्यान गुमाएका छन् । २०४६ सालको आन्दोलनले प्रजातन्त्र पुनःस्थापना ग¥यो भने २०६३ सालको दोस्रो जनआन्दोलनको परिवर्तन पछि २०० वर्षे इतिहास भएको राजतन्त्र समाप्त ग¥यो ।

२०४६ सालको परिवर्तनको जगकै आधारमा २०६२÷०६३ को जनआन्दोलनबाट राजतन्त्रको अन्त्य भएका कारण नेपाली जनताको छोरो सार्वभौमसत्ता नेपालको कार्यकारी प्रमुख बन्न सफल भएको हो । नेपालको संविधान २०७२ मा नेतालाई सत्ता सुखी र सुविधा भोगी बनाउन यो संविधान जारी भएको होइन ।

नेपाली जनताको निकै ठुलो संघर्ष र नेपाली छोराछोरीहरुको बलिदानबाट प्राप्त २०७२ को संविधान यही असोज ३ गतेबाट चौथो वर्षमा प्रवेश गरेको छ । चौथो वर्षमा प्रवेश गरेको उपलक्ष्यमा सरकारले तामधाम र झांकी सहित टुँडिखेलमा संविधान दिवस मनायो । यो संविधान दिवस मनाउन सरकारले कर्मचारीहरुलाई अनिवार्य उपस्थितिको लागि उर्दी जारी ग¥यो ।

यो उर्दीमा स्थानीय निकायका कर्मचारीदेखि संघीय सरकारका कर्मचारी सरकारी पोशाकमा टुँडिखेलमा उपस्थित भए । सरकारी निर्देशन निकै कडा भएको त्यही उपस्थित कर्मचारीले बताए । चौथो संविधान दिवस मनाउन सर्वसाधारणको त्यति उत्सुकता देखिएन । स्थानीय निकायमा कर्मचारीहरुलाई सरकारको कडा निर्देशन पालना गर्न धौं–धौं प¥यो । आफ्नो आफ्नो नगरपालिकाको झांकी समेत कर्मचारीहरुको उपस्थिति भने हेर्न लायक थियो ।

बाजागाजा सहित उपत्यकाका विभिन्न नगरपालिकाबाट र संघीय सरकारका कर्मचारीहरुलाई बस्ने व्यवस्थापन समेत गरिएको सो संविधान दिवस समारोहमा सर्वसाधारणलाई भने त्यति प्राथमिकता दिएको देखिएन । स्थानीय निकायबाट आएका कर्मचारीहरु आ–आफ्नो स्थानमा गएर बसे । निकै कम मात्रामा उपस्थित सर्वसाधारण भने टुँडिखेलको बार वरिपरि बसेर संविधान दिवसको कार्यक्रम नजर गरी रहे । सरकारले निकै तामधामसँग मनाउने भनेको चौथो संविधान दिवस सर्वसाधारणलाई भने सडक र पेटी कुर्नुप¥यो ।

त्यही जनताको बलमा आएको संविधान नेता र नेताका पछाडी लाग्ने सिमित वर्गका लागि भने निकै हर्षोउल्लास भयो । सबै नेपालीहरु टुँडिखेलमा अटाउन सक्ने कुरै भएन । चौथो संविधान दिवस मनाईरहँदा किन जनकपुर र वसन्तपुरमा वर्तमान संविधान संशोधनका स्वरहरु गर्जिए ?

जनकपुरमा त एकजना नेतानै सडकमा ओर्लिए किन ? यो देशको राजनीतिमा निकै पटक सत्तासिन भएका व्यक्तिनै संविधान दिवसको विरोधमा सडकमा उत्रनु भनेको राम्रो संकेत होइन । काठमाडौंको वसन्तपुरमा पनि संविधान संशोधनका बारेमा वक्ताहरुले बोली रहे । तर सरकारले चाँही एकोहोरो यो संविधान उत्कृष्ट भनेर भाषण गरि रहे ।

जे होस् नेपालको संविधान २०७२ ले नेपाली जनतालाई स्वतन्त्र, सार्वभौमसत्ता त बनायो तर यो स्वतन्त्रता सीमित व्यक्तिहरुले आफु अनुकुल व्याख्या गर्ने कामले सिंगो मुलुकलाई अप्ठ्यारोमा पार्ने काम सरकारले नै गरिरहेको छ । शासकले संविधान कार्यान्वयन गर्दा शक्ति र साधनको दुरुपयोग ग¥यो भने जनतामा निराशा पैदा हुन्छ । लोकतान्त्रिक मूल्य मान्यता राख्ने जुनसुकै मुलुकमा पनि जनता सँधै परिवर्तनको उपभोग गर्न चाहन्छ ।

अहिले जुन रुपमा नेपालको संविधान भित्र अझ बढी लोकतान्त्रिक, अझ बढी सार्वभौमसत्ता र नेपाली जनतालाई अझ बढी लोकतान्त्रिक, समावेशी गराउन खोजिएको हो भने सरकारले समयमै खोजि गर्नुपर्छ । राष्ट्रियता र नेपालको सार्वभौमता अक्षुण राख्न सबै तह र तप्काबाट सरकारलाई पनि सहयोग गर्नैपर्छ । तर प्रचण्ड बहुमतको दम्भ र सत्ताको उन्मादको घेराबाट सरकार बाहिर निस्कनु पर्दछ ।

खुला हृदयबाट संविधानमा नपुग भएका विषयमा चलाउने छलफलबाट असन्तुष्ट पक्ष पनि पछि हट्न हुँदैन । समयको परिवर्तनलाई आत्मसात् गर्दै समयमै असन्तुष्ट पक्षलाई सम्बोधन गर्नुनै सरकारको परम कर्तव्य हो । त्यसैले संविधान दिवसमा निर्देशनात्मक आदेश गरेर कर्मचारीबाट मात्र टुँडिखेल भर्ने कामले सबै नेपालीको अपनत्व दर्शाउन खोज्नु मुर्खता हो ।

सम्बन्धित समाचार

राष्ट्रिय विकास परिषद बैठक बालुवाटारमा शुरु
राष्ट्रिय विकास परिषद बैठक बालुवाटारमा शुरु
  • २०७६ आश्विन ६, ०६: ०३: १८

नयाँ विकल्प, काठमाडौं – प्रधानमन्त्री अध्यक्ष रहेको राष्ट्रिय विकास परिषदको ४८ औं बैठक शुक्रबार प्रधानमन्त्रीको सरकारी निवास बालुवाटारमा शुरु भएको...

भारतमा उपचार गरी प्रचण्ड पत्नी सीता स्वदेश फर्काइन्
भारतमा उपचार गरी प्रचण्ड पत्नी सीता स्वदेश फर्काइन्
  • २०७६ आश्विन ६, ०६: ०३: १८

नयाँ विकल्प, काठमाडौं – पार्किन्सन जस्तै रोगले संक्रमित भएपछि थप उपचारका लागि गत पुस २० गत भारतको मुम्बई लगिएकी नेकपा...

संसद पुनःस्थापना नगरी निर्वाचनमा गए रक्तपात हुन्छ –सुजाता
संसद पुनःस्थापना नगरी निर्वाचनमा गए रक्तपात हुन्छ –सुजाता
  • २०७६ आश्विन ६, ०६: ०३: १८

नयाँ विकल्प,काठमाडौं – नेपाली काँग्रेसकी नेतृ तथा पूर्वउपप्रधानमन्त्री सुजाता कोइरालाले संसद पुनःस्थापना विना निर्वाचन गराउन खोजेमा मुलुकमा रक्तपात हुने बताएकी...

भर्खरै

TOP