March 5, 2021, Friday

राजपा संयोजकमा ठाकुर महाधिवेशन टार्ने अभियानमा

काठमाडौं । राष्ट्रिय जनता पार्टी (राजपा) नेपालको अध्यक्ष मण्डलको संयोजकमा महन्थ ठाकुर चयन भएका छन् । ठाकुर राजपा नेपाल संसदीय दलका नेता पनि हुन । २०७४ साल बैशाख ७ गते ६ वटा मधेशकेन्द्रित दल मिलेर गठन भएको राजपामा प्रत्येक दुई महिनामा अध्यक्ष मण्डलका ६ जना सदस्यहरु आलोपालो संयोजक हुँदै आएका छन् ।

अध्यक्ष मण्डलको संयोजकको रुपमा राजकिशोर यादवले साउन ६ गतेदेखि नेतृत्व सम्हालेका थिए । करिव डेढ वर्षसम्म अध्यक्ष मण्डलको संयोजक भएर जिम्मेवारी सम्हालेको ठाकुरले गत ५ मंसिरदेखि संयोजकको जिम्मेवारी राजेन्द्र महतोलाई दिएका थिए । राजपा नेपालले एकताको महाधिवेशन आगामी कात्तिक २८–३० गतेसम्म गर्ने घोषणा गरेको छ ।

राजपा एकीकरण हुनुअघिका मधेश केन्द्रीत ६ दलका अध्यक्षहरु नै हाल राजपा नेपाल अध्यक्ष मण्डलको सदस्य रहने बैधानिक व्यवस्था छ ।

पटक पटक घोषणा हुँदै स्थगित भएको राजापको महाधिवेशनको मिति तोकिए पनि महाधिवेशन स्थल तोकिएको छैन । अझैसम्म कुनै पनि तहको निर्वाचन हुन सकेको छैन । क्रियाशिल सदस्यता वितरण गरेको दाबी गरे पनि हालसम्म कुनै पनि जिल्लाबाट सदस्यताको विवरण आईनकसेको महामसचिव केशव झा बताउँछन् ।

राजपा अध्यक्ष मण्डलका सदस्यहरुबीच अर्को पार्टी समाजवादी पार्टीसँग एकता गर्ने विषयमा बारम्बार छलफल भइरहेको छ । तर नेतृत्वको विषयमा सहमति नहुँदा औपचारिक वार्ता समेत हुन सकेको छैन । अध्यक्ष मण्डलका संयोजक भएका ठाकुर संसदीय दलका नेता समेत हुन् । उनलाई एकताको महाधिवेशन आयोजक समितिको संयोजक समेत तोकिएको छ ।

समाजवादीको महाधिवेशन पनि अनिश्चित
उपेन्द्र यादव नेतृत्वको समाजवादी पार्टीको महाधिवेशन अन्योलमा परेको छ । संघीय समाजवादी फोरमको महाधिवेशन यसअघि बैशाख २८ देखि ३० गतेसम्म तोकिएको थियो तर घोषणा गरिएको महाधिवेशनको लागि तयारी नपुगेको भन्दै महाधिवेशनको मिति सारिएको थियो ।

बाबुराम भट्टराई नेतृत्वको नयाँ शक्ति नेपालसँग पार्टी एकता गर्नुअघि फोरमले असोज ७ देखि ९ गतेसम्म महधिवेशनको अर्को मिति तोकेको थियो । संघीय समाजवादी फोरमले महाधिवेशनको मिति असोजमा तोकेपनि नयाँशक्ति पार्टीसँग एकतापछि महाधिवेशनको नयाँ मिति तोकिएको छैन् ।

दुई पार्टीबीचको एकतापछि भ्रातृ संस्था र जिल्ला समितिको समायोजनको काम धमाधम भइरहेको उपमहासचिव प्रकाश अधिकारी बताउँछन् । समाजवादी पार्टीले संगठनको बिस्तार ७७ वटै जिल्लामा पुगेको दाबी गरिएको छ । तत्कालिन संघीय समाजवादी फोरम र नयाँ शक्ति नेपालबीच २३ बैशाखमा भएको उकीकरणपछि २५ वैशाखमा बसेको संयुक्त बैठकले एक बर्षभित्र महाधिवेशन गर्ने निर्णय गरेको थियो ।

सरकारमा सहभागी भएको समाजवादीले संविधान दिवसको दिन दिपावली नगरेको र औपचारिक कार्यक्रम नमनाएको भन्दै पार्टी र पार्टी नेतृत्वमाथि दोहोरो नीति लिएको भन्दै आलोचना भएको थियो । यस्तो बिबादकाबीच समाजवादीका अध्यक्ष तथा उपप्रधानमन्त्री उपेन्द्र यादव छोरालाई लिएर अमेरिकातर्फ उडेका थिए । उनी अझै नेपाल फर्किएका छैनन् ।

सम्बन्धित समाचार

कांग्रेस प्रवक्ताको प्रश्न –विप्लवसँग सहमति गर्दा ‘राज्यलाई हतियार बुझाउने चौथो बुँदा खोइ ?’
कांग्रेस प्रवक्ताको प्रश्न –विप्लवसँग सहमति गर्दा ‘राज्यलाई हतियार बुझाउने चौथो बुँदा खोइ ?’
  • २०७६ आश्विन १३, ०७: ०२: ४३

नयाँ बिकल्प,काठमाडौं – केपी शर्मा ओली नेतृत्वको सरकार र नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीबीच तीन बुँदे सहमति भएपनि...

मार्केटिङ गर्ने भन्दै चोरी मोबाईलका सेटहरु बरामद
मार्केटिङ गर्ने भन्दै चोरी मोबाईलका सेटहरु बरामद
  • २०७६ आश्विन १३, ०७: ०२: ४३

काठमाडौं । काठमाडौं कुपण्डोलस्थित ट्राकन कुरियर एण्ड कार्गो कम्पनीले जिल्ला ललितपुर सानेपा स्थित MI सोरुमसँग सम्झौता गरी डडेलधुरास्थित उग्रतारा मार्केटिङको...

विप्लवसँग नगरा नबजाई वार्ता गरियो, यो उहाँहरुको फोर्स ल्याण्डिङ होइन, सेफ ल्याण्डिङ हो – ओली
विप्लवसँग नगरा नबजाई वार्ता गरियो, यो उहाँहरुको फोर्स ल्याण्डिङ होइन, सेफ ल्याण्डिङ हो – ओली
  • २०७६ आश्विन १३, ०७: ०२: ४३

नयाँ बिकल्प,काठमाडौं । सरकार र विप्लव समूहबीच तीन बुुँदे सहमति गरी शान्तिपूर्ण राजनीतिमा प्रवेस गरेको अर्धभूमिगत दल नेपाल कम्युनिष्ट पार्टी...

भर्खरै

TOP