June 24, 2021, Thursday

सरकारः कालोबजार नियन्त्रण गर

नेपाली हिन्दुहरुको महान् चाड वडादशै हाम्रो घर–आगनमा आईसकेको छ । स्कूल, कलेज लगायत सम्पूर्ण पठन–पाठनहरु घटस्थापनाका दिनदेखि बन्द भएका छन् । टाढा–टाढादेखि वडादशै मनाउन आउने, जानेको घुईँचो लागेको छ । तर सरकारका ठेकेदारले सडक जथाभावी भत्काउने र बनाउने कार्य गर्नाले जताततै सडक जाम छ ।

काठमाडौंबाट हिँडेको मान्छे २० घण्टामा पनि बुटवल पुग्न सकीरहेको छैन । घटस्थापनाका लागि काठमाडौंदेखि पूर्व–पश्चिम गएकाहरु नौबिसे सडकमानै अलपत्र पर्नुप¥यो । सडक जामका कारण मृगौला रोगीले ज्यानै गुमाउनु प¥यो । जताततै निरासा पैदा भएको छ ।

बजार भाउ आकासिएको छ । साना खुद्रा व्यापारदेखि ठुलाठुला सपिङ्ग महलसम्म एकाएक बजार भाउ आकासिएको छ । सरकारले मालवाहक गाडी समेत केही दिनलाई रोकेका कारण खाद्यवस्तु लगायत अन्य सामग्री अभाव बनाउने तत्व सलबलाउन थालेका छन् ।

नेपालीहरुले निकै उल्लासमय वातावरणमा मनाउने यसपालीको वडादशै फेरी पनि नेपालीहरुका लागि निकै कष्टपूर्ण बन्दै जाँदा पनि सरकारको कही कतै उपस्थिती देखिदैन । ठेकेदारलाई कार्वाही गर्छु भन्ने सरकार अहिले ठेकेदार कम्पनीले जथाभावी सडक अवरुद्ध गरेर निर्माण सम्पन्न गर्ने कार्य गरिरहेको छ । त्यसमा पनि सरकार नाजवाफ छ ।

के मुलुकमा दुई तिहाईको सरकार बनेपछि झन् जनताले सास्ति खेप्नुपर्ने हो ? मन्त्रीहरु विदेश सयर र आफ्ना निजी काममै व्यस्त भएको घामजस्तै छर्लङ्गै देखिन्छ । सरकारी सेवा सुविधा लिएर मन्त्री पद लिने तर नेपाली जनतालाई यस्तो आपत्–विपत्मा सरकारी निकाय तथा अधिकार प्राप्त व्यक्ति कसैले नहेर्ने हो भने मुलुकमा गणतन्त्रप्रति मानिसहरुको वितृष्णा पैदा हुँदै जानेछ ।

त्यसैले बेलैमा सरकार कालोबजारी गर्ने, कृत्रिम अभाव फैलाउने लगायत ठेकेदार कम्पनीलाई कार्वाहीको दायरामा तत्काल लेराई जनतालाई राहत दिने काममा ध्यान केन्द्रीत गरोस् ।

वडादशै २०७६ को पावन अवसरमा हामी हाम्रा पाठक, शुभचिन्तक, एवं समस्त नेपाली दिदीबहिनी, दाजुभाईहरुमा हार्दिक मंगलमय शुभकामना व्यक्त गर्दछौं ।

सम्बन्धित समाचार

अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
  • २०७६ आश्विन १३, ०७: ३६: ३९

नयाँ बिकल्प, काठमाडौं । अख्तियार दुरुपयोग अनुसन्धान आयोगले आन्तरिक राजश्व विभागका तत्कालीन महानिर्देशक चुडामणि शर्मासहित तीन जनाविरुद्ध विशेष अदालत काठमाडौंमा...

दलित युवतीलाई कोठा भाडामा नदिएपछि प्रहरी हिरासतमा रहेकी प्रधानलाई मन्त्री श्रेष्ठले निकाले
दलित युवतीलाई कोठा भाडामा नदिएपछि प्रहरी हिरासतमा रहेकी प्रधानलाई मन्त्री श्रेष्ठले निकाले
  • २०७६ आश्विन १३, ०७: ३६: ३९

नयाँ बिकल्प, काठमाडौं । कोठा भाडामा लिन खोज्ने एक युवतीलाई दलित भएकै आधारमा कोठा भाडामा नदिएको आरोपमा पक्राउ परेकी घरबेटी...

प्रहरी प्रधान कार्यालयले गर्यो ५२ एसपी र ५७ डीएसपीको सरुवा (नामावलीसहित)
प्रहरी प्रधान कार्यालयले गर्यो ५२ एसपी र ५७ डीएसपीको सरुवा (नामावलीसहित)
  • २०७६ आश्विन १३, ०७: ३६: ३९

नयाँ बिकल्प, काठमाडौं । प्रहरी प्रधान कर्यालयले ५२ जना प्रहरी उपरीक्षक (एसपी) र ५७ जना प्रहरी नायब उपरीक्षक (डिएसपी) को...

भर्खरै

TOP