November 28, 2020, Saturday

कुटनैतिक तवरबाटै समाधान खोज्न सरकारलाई सुझाव

कालापानी विवाद

काठमाडौं । नेपाल र भारतको पश्चिम उत्तरी सीमामा रहेको कालापानी बिबादको समाधान खोज्न प्रधानमन्त्री केपी शर्मा ओलीलाई नै नेतृत्व लिन सर्वदलीय सर्वपक्षीय बैठकले निर्णय गरेको छ ।

कालापानीको विवादस्पद सीमालाई समेटेर भारतले हालै नयाँ नक्सा सार्वजनिक गरेपछि यसको चौतर्फी विरोध नेपालमा हुँदै आएको छ । यसै बिषयको समाधान खोज्न प्रधानमन्त्री केपी शर्मा ओलीले शनिबार प्रधानमन्त्रीको सरकारी निवास वालुवाटारमा बोलाइएको सर्वदलिय र सर्बपक्षिय बैठकले यस्तो निष्कर्ष निकालेको हो ।

बैठकले विवादास्पद लिम्बियाधुराको कुटीयाङ्दी नदीसम्म नेपालको सीमा भएको निष्कर्ष निकालेको छ । कालापानी क्षेत्रको नेपाली भूमि कालापानी, लिपुलेक र लिम्पियाधुरा नेपालकै भएकाले कुटनीतिक च्यानलमार्फत पहल गर्न सर्बदलिय सहमति भएको छ ।

भारतले सार्वजनिक गरेको नयाँ नक्साले विवाद उत्पन्न गरेपछि त्यस विषयमा साझा धारणा बनाउन प्रधानमन्त्री ओलीले शनिबार पूर्वप्रधानमन्त्री, पूर्वपरराष्ट्रमन्त्री, राजनीतिक दलका प्रतिनिधिहरको सर्वपक्षीय बैठक बोलाएका हुन् ।

बैठकमा विपक्षी दलका नेता एवं नेपाली कांग्रेसका सभापति शेरबहादुर देउवाले कालापानी क्षेत्रसम्म नेपालको भूभाग भएकाले त्यसलाई फिर्ता लिन सरकारले तत्काल उच्चस्तरीय कूटनीतिक र राजनीतिक पहल गर्नुपर्नेमा जोड दिएका थिए । उनले यसका लगि सरकारलाई प्रतिपक्षी दलको हैसियतले पनि पूर्ण समर्थन रहेको बताएका थिए ।

बैठकमा सहभागीहरुले कालापानी क्षेत्रसम्म नेपाली भूभाग हो भन्नेमा कुनै विवाद नभएको र अहिलेसम्म सरकारले लिएको अडान सही भएको तर वक्तव्यमात्र जारी गरेर नपुग्ने भन्दै तत्काल भारतसँग सम्वाद गर्न सुझाव दिएका छन् ।

विवाद र छलफलमा रहेको विषयमा भारतले किन एकपक्षिय रुपमा नक्सा सार्वजनिक गर्यो भनेर नेपाल स्पस्ट हुनु पर्ने सुझाव दिएका थिए । बैठकमा प्रधानमन्त्री ओलीले महाकाली नदीको उद्गमस्थल कुटीयाङ्दी नदी नै नेपाल भारतको सीमा भएको पाप्त प्रमाणहरुले पुष्टि गर्ने भएकाले लिम्पियाधुरासम्म नेपाली भूभाग भएको अडान सरकारले लिने बताएका थिए ।

परराष्ट्रमन्त्री प्रदीप ज्ञवालीले सार्वभौमसत्ताको मामिलामा अभूतपूर्व राष्ट्रिय सहमति देखिएको भन्दै कालापानी क्षेत्रभित्र पर्ने कालापानी, लिपुलेक र लिम्पियाधुरा नेपालको भूमि हो भन्ने विषय निर्विवाद रहेको सुझाव सबैतिर आएको बताए । उनले महाकाली नदीको उद्गम कुटियांदी नदी भएकाले नेपालको सीमा त्यहाँसम्म पर्ने कुरा धेरै तथ्य र प्रमाणले स्पस्ट पार्ने बताएका छन् ।

उनले सर्वदलीय बैठकमा व्यक्त भएको सुझावका आधारमा सरकारले तत्काल भारतसँग सम्वाद गर्ने बताएका छन् । मन्त्री ज्ञवालीकाअनुसार यसका लागि दुई देशबीच नेपाल भारत संयुक्त सीमा वार्ताका लागि कार्यदल, परराष्ट्र सचिवस्तरीय संयन्त्र र मन्त्रीस्तरको आयोग बन्ने बताए । तर सीमा कार्यदल कार्यदलले कालापानी लगायतका विषयमा सम्वाद गर्न सक्दैन ।

त्यसैले सरकारले अब कुन संयन्त्रमार्फत सम्वाद गर्ने भन्ने टुंगो लगाउन जरुरी छ । परराष्ट्रमन्त्री ज्ञवालीले आवश्यक परेमा प्रधानमन्त्री स्वयंमले आफ्नो समकक्षीसँग वार्ता गर्न सकिने जानकारी दिएका छन् । भारतले हालै सार्वजनिक गरेको नक्सालाई लिएर मुलुकका विभिन्न भागमा प्रदर्शन पनि भइहरेका छन् । कुटनीतिज्ञहरुले भने कुनै छिमेकी बिरुद्ध सार्वजनिक प्रदर्शनी हुनुभन्दा कुटनीतिक पहलमार्फत समाधान खोज्न सरकारलाई सुझाव दिएका छन् ।

सम्बन्धित समाचार

उद्योग वाणिज्य महासंघको अध्यक्षमा गोल्छा, बरिष्ठ उपाध्यक्ष प्रधानको प्यानल बलियो
उद्योग वाणिज्य महासंघको अध्यक्षमा गोल्छा, बरिष्ठ उपाध्यक्ष प्रधानको प्यानल बलियो
  • २०७६ कार्तिक २६, ०७: ०१: २१

नयाँ बिकल्प, काठमाडौं – निजी क्षेत्रको साझा संगठन नेपाल उद्योग वाणिज्य महासंघको अध्यक्षको जिम्मेवारी आजबाट शेखर गोल्छाले सम्हालेका छन् ।...

‘भ्रष्टाचारका संरक्षक’ प्रधानमन्त्री ओलीलाई  राजिनामा गर्न अधिकारकर्मीहरुको माग
‘भ्रष्टाचारका संरक्षक’ प्रधानमन्त्री ओलीलाई राजिनामा गर्न अधिकारकर्मीहरुको माग
  • २०७६ कार्तिक २६, ०७: ०१: २१

नयाँ विकल्प, काठमाडाैं-ट्रान्परेन्सी इन्टरनेसनलले हालै प्रकाशित गरेको प्रतिवेदनले नेपाल एसियामै सबैभन्दा बढी भ्रष्टाचार हुने देश भनेर औल्याएकोले नैतिकताको आधारमा उचित...

७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
  • २०७६ कार्तिक २६, ०७: ०१: २१

नयाँ विकल्प पाेखरा- जिल्ला प्रहरी कार्यालय कास्कीले ७१ बर्षे एकल बृद्ध महिला बलत्कार गरेकाे आराेपमा पोखरा महानगरपालिका -१९ पुरन्चौरका ३४...

भर्खरै

TOP