January 16, 2021, Saturday

कार्यकारीपछि प्रचण्डको सक्रियताले ईश्वरलाई सकस

काठमाडौं । नेपाल कम्युनिष्ट पार्टीको कार्यकारी अध्यक्षको जिम्मेवारी पाएका पुष्पकमल दाहाल प्रचण्डको सक्रियताले नेकपा भित्र हलचल ल्याएको छ ।

पार्टी एकीकरण भएको एक वर्ष छ महिनापछि कार्यकारी अध्यक्षको भूमिका पाएका दाहालले पार्टी भित्रै असन्तुष्ट र विरोधी नेताको पहिचान बनाएका माधवकुमार नेपालदेखि प्रमुख प्रतिपक्षी दल नेपाली कांग्रेसका सभापति शेरबहादुर देउवासाग भेट गरी सहमतिय राजनीतिको कार्यदिशालाई अघि बढाएका छन् ।

दुई तिहाइ बहुमतको समर्थनमा सरकारको नेतृत्व गरेपछि प्रधानमन्त्री तथा नेकपाका अर्का अध्यक्ष केपी शर्मा ओलीको सम्वन्ध पार्टीको आन्तरिक जीवन र अन्तर पार्टी सम्वन्ध पनि तिक्ततापूर्ण थियो । स्थायी समितिको बैठकमा अध्यक्ष ओली र माधव नेपालको बिबादले एक ताका दुई नेताबीचको सम्वन्ध पानी बारबारको थियो ।

प्रमुख प्रतिपक्षी दलका नेता तथा नेपाली कांग्रेसका सभापति शेरबहादुर देउवासँग पनि अध्यक्ष ओलीको सम्वन्ध यति धेरै बिग्रिएको थियो कि देउवाले प्रधानमन्त्री ओलीलाई कर प्रसाद ओली भनेर पनि संवोधन गरेका थिए ।

पार्टीको काम दाहालले र सरकारको नेतृत्व ओलीले गर्ने सहमति बमोजिम दाहालले सम्वन्ध बिस्तार र समस्या समाधानको लागि शुरु गरेको संवादका कारण आफूहरुको भूमिका कमजोर होला कि भन्ने त्रासले नेकपा भित्रका पूर्वएमालेका केही नेतामा त्रास छाउन थालेको छ । ओली सरकारमा वरियताक्रममा दोश्रो नम्वरमा रहेका पूर्वएमाले महासचिव ईश्वर पोखरेल भने दाहालको सक्रियताबाट अत्तालिएर सतर्क हुन थालेका छन् ।

उनले संविधान सभा निर्वाचनमा दुई पटक कांग्रेसका बौद्धिक नेता नरहरि आचार्यले काठमाडौं क्षेत्र नम्वर पाँचबाट पराजित गरेपछि तिल्मिलाएका पोखरेल दुई वर्षअघि भएको संघीय संसदका निर्वाचनमा विजयी भएसँगै अहंमता र महत्वकांक्षा बढेको थियो ।

दुई पार्टीको एकीकरण पछि पार्टीको भावी सैद्धान्तिक कार्यदीशा कस्तो हुने भन्ने विषयलाई लिएर नेकपाका नेताहरु पूर्वएमाले र पूर्वमाओवादीको कित्तामा विभाजित हुँदै गर्दा उनै पोखरेलले जनताको बहुदलिय जनवाद आफूहरुले त्याग गर्नै नसक्ने भनेर पूर्वमाओवादीबाट आएका नेताहरुलाई चिढ्याउने काम गरेका थिए ।

प्रधानमन्त्री ओलीसँग वार्गेनिङ गरेर उपप्रधानमन्त्रीसहित रक्षा मन्त्रालयको जिम्मेवारी लिएका ओलीलाई शक्तिशाली मन्त्रालय दिएमा पदको दुरुपयोग गर्लान भन्ने आशंका थियो । पार्टी संगठनात्मक संरचनाले पूर्णता पाएसँगै पार्टी कमाण्ड सम्हाल्न जिम्मेवारी पाएका दाहाले सत्य निरुपण तथा मेलमिलाप आयोग र वेपत्ता छानबिन आयोग गठन गरी द्धन्द्धको समस्यालाई समाधान गर्ने उदेश्यले विपक्षी दलका नेता शेरबहादुर देउवासँग विहीबार गरेको भेटघाटले दूरगामी र महत्वपूर्ण सन्देश दिएको छ ।

सहमति, सहकार्य र एकताको माध्यमबाट नै देशका सबै समस्यालाई संवोधन गर्न सकिन्छ भन्ने स्वर्गीय गिरिजाप्रसाद कोइरालाको स्कूलिङ पाएका दाहालले आफू कार्यकारी अध्यक्ष भएर त्यही संस्कारित व्यवहार प्रस्तुत गर्न थालेका छन् । दाहाल र देउवाबीचको छलफलमा सभापति देउवाले संविधानको मर्म र भावना विपरित विपक्षी दललाई किनारामा राखेर वा सहभागिता विना नै संवैधानिक अंगका प्रमुख र पदाधिकारीमा नियुक्त गरिएको घटनाप्रति असन्तुष्टी जनाएका थिए ।

देउवाको गुनासोलार्य संवोधन गर्ने लाइनमा पुगेका दाहालले मंसिर १४ मा भएको उपनिर्वाचनमा पार्टीले आशतित सफलता प्राप्त नगरेको विषयमा आफूले गहिरो अध्ययन गरिरहेको जनाएका थिए । दाहालले उपनिर्वाचनको परिरणामको विषयमा प्रतिवेदन केन्द्रमा बुझाउन निर्देशन दिएकै दिन देउवासँग भेट गर्न देउवा निवास बुढानिलकण्ठ पुगेका थिए ।

उपनिर्वाचनमा पूर्वमाओवादीको तर्फबाट उम्मेदवार भएकाहरुलाई छानीछानी हराउनको लागि अन्तरघात भएको महसुस गरेका दाहालले राजनीतिक परिस्थितिले कोल्टे फेरेमा कांग्रेससँगको सहकार्यलाई समेत अघि बढाउनु पर्ने धरणा राखेका थिजए । सहकार्यका लागि भन्दै दैडधुप गरिरहेका दाहालको अभियानलाई ओलीले ठीक लगाउलान कि चुपचाप बस्लान भन्ने हेर्न केही महिना भने कुर्नु पर्ने देखिन्छ ।

सम्बन्धित समाचार

प्रधानमन्त्रीको कदम राजनीतिक पूर्वाग्रहबाट प्रेरितः नेता सिंह
प्रधानमन्त्रीको कदम राजनीतिक पूर्वाग्रहबाट प्रेरितः नेता सिंह
  • २०७६ मंसिर २३, ०६: ४६: ३४

नयाँ विकल्प काठमाडाैं- नेपाली कांग्रेसले प्रतिनिधिसभा विघटनको विरोधमा मुुलुकका ७५३ वटै पालिकामा आज विरोध ¥याली र सभा गरेको छ ।...

सर्वोच्चको फैसला कांग्रेसलाई मान्य हुन्छः डा कोइराला
सर्वोच्चको फैसला कांग्रेसलाई मान्य हुन्छः डा कोइराला
  • २०७६ मंसिर २३, ०६: ४६: ३४

नयाँ विकल्प विराटनगर-नेपाली कांग्रेसका केन्द्रीय सदस्य डा शेखर कोइरालाले संसद् विघटनसम्बन्धमा सर्वोच्च अदालतले दिने निर्णय आफ्नो पार्टीलाई स्वीकार्य हुने बताएका...

चितवनकै पहिलो आकाशे पुलको उद्घाटन
चितवनकै पहिलो आकाशे पुलको उद्घाटन
  • २०७६ मंसिर २३, ०६: ४६: ३४

नयाँ विकल्प भरतपुर-पूर्वी चितवनको रत्ननगरमा जिल्लामै पहिलो आकाशे पुलको उद्घाटन गरिएको छ । वाग्मती प्रदेश सरकार र रत्ननगर नगरपालिकाले पूर्व–पश्चिम...

भर्खरै

TOP