March 5, 2021, Friday

प्रधानमन्त्रीको ट्वीटले दुनियाँ हसायो

काठमाडौं । प्रधानमन्त्री केपी शर्मा ओलीको सचिवालय कतिसम्म गैरजिम्मेवार र लापरवाही ढंगले चल्दो रहेछ भन्ने उदाहरण शुक्रबार प्रधानमन्त्री आधिकारिक ट्विटर ह्यान्डेलबाट ट्विट भएको व्यहोराले देखाएको छ ।

ट्वीटरलाई सूचना र सन्देश प्रवाहका दृष्टिले प्रभावकारी माध्यमको रुपमा लिने गरिन्छ । तर, यसको प्रयोग अधुनिक साधनको रुपमा मात्र लिने गर्दा मुलुकको प्रधानमन्त्रीको सचिवालय कति हदसम्म कमजोर रहेछ भन्ने प्रष्ट हुन्छ । प्रधानमन्त्रीको सचिवालयमा रहेका व्यक्तिले प्रधानमन्त्रीको आईडी दुरुपयोग गरी भारतीय प्रतिपक्ष दलले जारी गरेको भिडियो सन्देश रिट्विट गरेको थियो ।

प्रधानमन्त्रीले र प्रधानमन्त्री कार्यालयले प्रयोग गर्ने संचारका प्रविधिहरु सुरक्षीत रहेको दाबी गर्दै आएको प्रधानमन्त्रीको अभिव्यक्तिलाई समेत चुनौति दिएको छ । सो घटनाको विषयलाई लिएर आज प्रहरीले अनुसन्धान गर्न थालेको छ । प्रधानमन्त्रीको ट्विटरबाट भारतले हालै जारी गरेको नागरिकता कानुनको विरोधमा भातीय कांग्रेसकी नेतृ सोनिया गान्धीको भिडियोसहितको सन्देश रिट्विट भएको छ ।

प्रधानमन्त्रीले यस्तो व्यहारो रिट्विट गरेपछि उनको सर्वत्र आलोचना भएको थियो । तर, प्रधानमन्त्रीका प्रेस सल्लाहकार सूर्य थापाले ट्विटरको पासवर्डको दुरूपयोग गरि यस्तो गरिएको हुनसक्ने आशंकामा छानबिन भइरहेको दाबी गरेका छन् । प्रेस सल्लाहार थापाले प्रधानमन्त्रीको ट्विटर ह्यान्डलबाट भएको रिट्विटबारे अनुसन्धान गर्नका लागि प्रहरीमा रिपोर्ट पठाइएको जनाएका छन् ।

प्रधानमन्त्रीले गरेको रिट्विटपछि आन्दोलनले तरंगित भएको भारतमा पनि चर्चा भएको थियो । नागरिकता कानुनलाई लिएर सोनिया गान्धीले बोलेको भिडियोसम्बन्धी ट्वीट ओलीको ह्याण्डलबाट रिट्वीट भएको हो ।

स्रोतका अनुसार प्रधानमन्त्रीको ट्विटरको पासवर्ड लिएका प्रधानमन्त्रीको प्रमुख राजनीतिक सल्लाहकार विष्णु रिमालको असावधानी र हेलचेक्र्याँइबाट यस्तो भएको हुनसक्ने आंकलन गरिएको छ । यस्तो घटनाको प्रधानमन्त्रीका प्रेस सल्लाहकारले नैतिक जिम्मेवारी लिनु पर्छ । प्रधानमन्त्रीले के विषयमा ट्विट गर्न खोजेका थिए भन्ने कुरा अझै पनि सचिवालयले स्पस्ट पारेको छ्रैन् ।

प्रधानमन्त्रीका सूचन प्रविधि विज्ञ अलि अस्गरले समेत प्रधानमन्त्रीको ट्विटरको दुरुपयोग गरेको हुनसक्ने बालुवाटार श्रोतले जनायो । प्रेस सल्लाहकार, सूचना प्रविधि सल्लाहकार र परराष्ट्र सल्लाहकारलाई समेत थाहा नदिइ ट्विट गर्न खोजिएको विषय के थियो भन्ने अझै कसैले वताएको छ्रैन् ।

प्रधानमन्त्रीको टवीटर अकाउन्टको पासवर्ड थाहा पाउने देशद्रोही बदमासले नै यस्तो घटीया हर्कत गरेको होला भनेर प्रधानमन्त्री कार्यालयले स्पस्ट भन्न सकेको छैन । सचिवालयका सदस्य वा सहयोगी कसैले त्यो बदमासी गरेको हो भने प्रधानमन्त्रीले तत्काल छानविन गरी त्यसलाई बालुवाटारबाट घोक्रेठयाक लगाउनु पर्छ । मुलुकको कार्यकारी प्रधानमन्त्रीको ट्विटको यस्तो हालत गर्नेहरुले सरकारका गोप्य सूचना कसरी बेचेका होलान भनेर सजिलै अन्दाज गर्न सकिन्छ ।

सम्बन्धित समाचार

कांग्रेस प्रवक्ताको प्रश्न –विप्लवसँग सहमति गर्दा ‘राज्यलाई हतियार बुझाउने चौथो बुँदा खोइ ?’
कांग्रेस प्रवक्ताको प्रश्न –विप्लवसँग सहमति गर्दा ‘राज्यलाई हतियार बुझाउने चौथो बुँदा खोइ ?’
  • २०७६ पुष ७, ०७: २०: ४४

नयाँ बिकल्प,काठमाडौं – केपी शर्मा ओली नेतृत्वको सरकार र नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीबीच तीन बुँदे सहमति भएपनि...

मार्केटिङ गर्ने भन्दै चोरी मोबाईलका सेटहरु बरामद
मार्केटिङ गर्ने भन्दै चोरी मोबाईलका सेटहरु बरामद
  • २०७६ पुष ७, ०७: २०: ४४

काठमाडौं । काठमाडौं कुपण्डोलस्थित ट्राकन कुरियर एण्ड कार्गो कम्पनीले जिल्ला ललितपुर सानेपा स्थित MI सोरुमसँग सम्झौता गरी डडेलधुरास्थित उग्रतारा मार्केटिङको...

विप्लवसँग नगरा नबजाई वार्ता गरियो, यो उहाँहरुको फोर्स ल्याण्डिङ होइन, सेफ ल्याण्डिङ हो – ओली
विप्लवसँग नगरा नबजाई वार्ता गरियो, यो उहाँहरुको फोर्स ल्याण्डिङ होइन, सेफ ल्याण्डिङ हो – ओली
  • २०७६ पुष ७, ०७: २०: ४४

नयाँ बिकल्प,काठमाडौं । सरकार र विप्लव समूहबीच तीन बुुँदे सहमति गरी शान्तिपूर्ण राजनीतिमा प्रवेस गरेको अर्धभूमिगत दल नेपाल कम्युनिष्ट पार्टी...

भर्खरै

TOP